Daniela 1:2 - Jinghpaw Common Language Bible 2009

² Madu gaw Hkawhkam Yehoiakim hpe rim la shangun nna, Nawku Htingnu na sut rai nkau mi hpe mazing la shangun wu ai. Shi hte rau bawng masha nkau mi hpe Babelon mung na shi a karai ni a htingnu de woi wa nhtawm lu mazing la ai sut rai ni hpe htingnu sut gawk ni hta tawn da wu ai.

Jinghpaw Hanson Version Bible

² Ya Madu gaw, Yuda hkawhkam Yehoiakim hte, Karai Kasang nta na arai nkau mi hpe, Nebuhkadneza lata hta ap ya kau nna, shi gaw dai arai ni hpe, Shina mung e nga ai, shi a hpara nta de la wa nhtawm, shi a hpara nta sutdek hta bang da wu ai.

Daniela 1:2 Iomraidhean Croise

NINGPAWT NINGHPANG 10:10

Shawng na shi a mungdan hta Babelon mung na Babelon mare, Erek hte Ahkad mare masum mung lawm nga ai.

NINGPAWT NINGHPANG 11:2

Shanhte gaw sinpraw maga de htawt hkawm nga ma yang, Babelon mung hta nga ai pa layang langai mi de du nna dai yang e de nga ma ai.

2 HKAWHKAM 24:1

Yehoiakim hkawhkam tai nga yang, Babelon Hkawhkam Nebuhkadneza gaw Yuda mung hpe shang gasat wu ai rai nna shi a up hkang ai npu hta masum ning taw shangun wu ai; dai hpang shi bai gumlau rawt wu ai.

2 HKAWHKAM LABAU 36:5

Yehoiakim gaw Yuda hkawhkam tai wa ai shaloi asak hkun manga ning rai nna Yerusalem mare hta shi langai ning up hkang nga ai. Shi gaw dai Madu shi a Karai Kasang hpe shut kau wu ai.

2 HKAWHKAM LABAU 36:7

Nebuhkadneza gaw Nawku Htingnu na sut gan nkau mi la wa nna, Babelon mare na shi a hkawhkam htingnu hta tawn da wu ai.

EZRA 1:7

Hkawseng Kuru gaw Hkawhkam Nebuhkadneza Yerusalem Nawku Htingnu na la mat wa nhtawm shi a karai ni a nawku nta hta wa tawn da sai ban hte gawm ni shanhte hpe nhtang ap ya wu ai.

ESAIA 11:11

Dai nhtoi du ai shaloi, dai Madu gaw shi a daru magam n-gun hpe kalang mi bai lang nna, Asuri, Egutu, Pahtro, Ehtiopi, Elam, Babelon hte Hamat mung, panglai hkin-gau mayan hte panglai zunlawng ni hkan naw ngam nga ai shi a amyu masha ni hpe buga de woi wa na ra ai.

ESAIA 42:24

Kadai wa Israela hpe hpya lu hpya sha ai ni a lata de ap ya nga a ni? Dai gaw anhte yubak galaw shut kau ai dai Madu shi nan rai nga a hka! Shi anhte hpe asak hkrung shangun na ra sharawng ai zawn anhte hkrung ga ai n rai, shi anhte hpe jaw sai sharin shaga ga ni hpe madat ga ai n rai.

YEREMIA 25:1

Yuda Hkawhkam Yoshia a kasha Yehoiakim hkaw dung ai mali ning ngu na shaning hta, Yuda amyu masha ni yawng hte seng ai dai Madu kaw na mungga ngai lu la nngai. (Dai gaw Babelon mung e Hkawhkam Nebuhkadneza hkaw dung ai nnan na shaning hta rai nga ai.)

YEREMIA 27:16

Dai hpang, ngai gaw dai Madu tsun da sai ga hte maren, hkinjawng ni hte mung masha ni hpe, “Nawku Htingnu sut gan ni hpe kade n na yang, Babelon mung kaw nna bai la wa lu na re nga nna tsun ai myihtoi ni a ga hpe hkum madat nga myit; shanhte gaw nanhte hpe masu hkalem nga ma ai.

YEREMIA 28:3

Ngai gaw Hkawhkam Nebuhkadneza Babelon mung de la mat wa ai Nawku Htingnu sut gan ni yawng hpe ndai shara hta lahkawng ning laman e bai la wa na nngai.

YEREMIA 35:11

Rai ti mung, Hkawhkam Nebuhkadneza gaw mungdan hpe gasat shang wa ai shaloi Babelon hte Suri hpyen luksuk ni a lata kaw na hprawng yen mat wa na matu, Yerusalem mare de lung wa na anhte myit jahkut kau saga ai. Dai lam a majaw, anhte Yerusalem mare hta shanu nga ga ai,” ngu nna htan ma ai.

YEREMIA 50:2

“Masha amyu baw ni hpang de shiga tsun shana mu! Dai hpe htawn tsun mu! Masat kumla sharawt mu, shiga ndau shana mu! Dai lam hpe hkum ip da myit! Babelon gaw hkrat sum mat sahka! Shi a Marduk karai daw gamang mat sai! Babelon a hpara sumla ni kaya kahpa hkrum masai; shi a matsat shabat re ai gawkngu sumla ni agrawp ayai mat sai!

YEREMIA 51:44

Ngai gaw Babelon hpara ngu ai Bela hpara hpe ari jaw na nngai, shi lagu tawn da ai arung arai ni hpe nhtang ap shangun na nngai. Masha amyu baw ni gaw dai hpara hpe htawm hpang de galoi mung nawku na mara ai n rai. “Babelon mare bunghku ni kadawng mat masai.

Daniela 5:13

Daniela gaw hkawhkam wa a man de kalang lata jashawn la hkrum ai hte hkawhkam wa gaw shi hpe, “Nang gaw nye wa hkawhkam wa e Yuda mung kaw nna ndai ga de woi wa ai Yuda bawng masha Daniela rai nga a ni?

Daniela 5:18

“Tsaw Htum ai Karai Kasang gaw na a nwa Nebuhkadneza hpe hkawhkam kaba shatai nna hpung rawng ai sari sadang hte daru magam hpung dagu jaw ya nu ai.

HABAKU 1:16

Shanhte gaw shanhte a sumgawn ni hpe pyi nawku ai hte dai ni hpe shagu hkungga nawng ya ma ai, hpa majaw nga yang shanhte a sumgawn ni gaw kaja htum ai arung arai shagu hte shanhte hpe madi shadaw nga ai.

ZEHKARIA 5:11

Shi mahtang, “De a matu shanhte gap na ra ai Nawku Htingnu hpe Babelon mung de la mat wa na mara ai. Dai Nawku Htingnu hpe gap ngut jang nawku na matu dai yang e ka hpe tawn da na mara ai,” ngu nna htan wu ai.

TARA JAHPRANG 32:30

Marai langai sha masha hkying mi hpe, marai lahkawng e sha mun mi hpe hpa majaw dang kau lu a ta? Dai Madu shanhte a Karai Kasang shanhte hpe kau da nu ai; chyalai n-gun hte hpring ai shanhte a Karai Kasang shanhte hpe ap kau nu ai.

TARA AGYI 2:14

Shing rai dai Madu gaw Israela hpe masin yu kahtet wu ai majaw shanhte hpe htim gasat nna kashun kashe di nhtawm hpya kau na ni a lata hta ap ya kau wu ai. Shi gaw shanhte hpe grup yin na masha hpyen ni a lata de ap kau ya wu ai majaw Israela masha ni shanhte hkum hpe loi mi pyi n makawp maga la lu na rai ma ai.

TARA AGYI 3:8

Dai Madu gaw Israela ni hpe pawt sindawng wu ai rai nna Mesopotamia Hkawhkam Hkushan Rishahtim a lata de shanhte hpe ap ya ma ai; Shi gaw shanhte hpe matsat ning tup up hkang lai wa nu ai.

TARA AGYI 4:2

Dai rai nna dai Madu gaw shanhte hpe Hazora e hkaw dung ai Hkanani Hkawhkam Yabin a lata de ap kau wu ai. Shi a luksuk hpyen du gaw maigan amyu ni a Haroshet mare hta nga ai Sisera rai nga ai.