BU HKAWM 9:7 - Jinghpaw Common Language Bible 2009

⁷ “Anhte gaw si mang hkra kau saga ai majaw n san n seng mat saga ai; rai ti mung kaga Israela ni hte rau dai Madu hpe hkungga nawng jau ai hta anhte hpe hpa majaw n shalawm shangun myit ta?,” ngu nna tsun ma ai.

Jinghpaw Hanson Version Bible

⁷ “Ya anhte gaw si mang a majaw wu sin mat saga ai; dai rai yang, madat da ai ahkying hta, Israela kashu kasha ni hte rau Yehowa hpe kumhpa jaw na lam, anhte hpe hpa rai hkum da na rai ta?” ngu nna san mu ai.

BU HKAWM 9:7 Iomraidhean Croise

PRU MAT 12:27

nanhte gaw, ‘Ndai gaw dai Madu gaw Egutu mung na Israela masha ni a dum nta ni hpe lai kau da ai majaw shi hpe shagrau hkungga na matu galaw ai Shalai Wa Ai Poi a shagu hkungga rai nga ai. Shi gaw Egutu masha ni hpe sat kau ti mung anhte hpe chyawm gaw jahkrung da mi ai,’” ngu nna htan na rai myit dai. Israela masha ni gaw hput di di let nawku ma ai.

BU HKAWM 9:2

Shi gaw, “Dai shata a shi mali ya shana de jan shang wa mahka e, Shalai Wa Ai Poi a htung tara hte hkan sa na matsun lam ni hte maren, Israela amyu masha ni dai poi hpe galaw lu na rai ma ai,” ngu nna tsun wu ai.

BU HKAWM 9:6

Rai ti mung shanhte hta na nkau mi mahtang si mang sa hkra nga ma ai majaw htung hte maren n san n seng nga ma ai rai nna dai shani e Shalai Wa Ai Poi hta n lu lawm ma ai. Shanhte gaw Mawshe yan Arun hpang de sa nhtawm,

BU HKAWM 9:8

Mawshe gaw, “Dai Madu kaw na matsun maroi ga ngai lu la ai aten du hkra ala nga yu mu,” ngu nna htan wu ai.

TARA JAHPRANG 16:2

Dai Madu nanhte a Karai Kasang hpe shagrau sha-a ai Shalai Wa Ai Poi lusha a matu san da ai nawku shara de sa nna sagu dumsu langai ngai sat na rai myit dai.