BU HKAWM 9:5 - Jinghpaw Common Language Bible 2009

⁵ Shing rai shawng na shata a shi mali ya shana de dai Sina Nam Mali e shanhte galaw ma ai. Amyu masha ni mung dai Madu Mawshe hpe hkang da nu ai hte maren lam magup hkan galaw ma ai.

Jinghpaw Hanson Version Bible

⁵ Shanhte mung, Sina nam mali e langai ngu na shata shi mali ya shana hta shalai dat ai poi galaw ma ai: Yehowa Mawshe hpe hkang da mada hte maren Israela kashu kasha ni galaw ma ai.

BU HKAWM 9:5 Iomraidhean Croise

NINGPAWT NINGHPANG 6:22

Karai Kasang shi hpe hkang da wu ai hte maren, lam shagu hte hpe shi galaw wu ai.

NINGPAWT NINGHPANG 7:5

Dai Madu hkang da sai hte maren, lam shagu hte hpe Noa galaw wu ai.

PRU MAT 12:50

Israela masha ni yawng mung dai Madu Mawshe yan Arun hpe hkang da nu ai hte maren madat mara ai hte hkan galaw ma ai.

PRU MAT 39:32

Dai Madu a hpung shingkang shanu nga ai Sum hte seng ai magam amu yawng hte hpe hpang jahtum galaw shangut lu ma ai. Dai amu bungli shagu hte hpe dai Madu Mawshe hpe hkang da sai hte maren, Israela amyu masha ni galaw ma ai.

PRU MAT 39:42

Israela amyu masha ni mung dai Madu Mawshe hpe hkang da sai hte maren magam amu yawng mayawng hte hpe shangut da ma ai.

BU HKAWM 1:54

Dai rai nna dai Madu gaw Mawshe hpe hkang da sai hte maren, Israela amyu masha ni lam magup hpe hkan galaw ma ai.

BU HKAWM 29:40

Dai rai nna Mawshe mung dai Madu shi hpe hkang da mada yawng Israela amyu masha ni hpe tsun dan wu ai.

BU HKAWM 8:20

Dai majaw dai Madu Mawshe hpe hkang da nu ai hte maren, Mawshe yan Arun hte Israela amyu masha ni yawng Lewi masha ni hpe ap nawng da ma ai.

BU HKAWM 9:4

Dai rai nna Mawshe gaw Shalai Wa Ai Poi galaw na matu amyu masha ni hpe tsun wu ai.

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, lamu ga aprat htum hkra ngai nanhte hte rau dinggrin anga nga na nngai law,” ngu nna shanhte hpe matsun dat mu ai.

YAWHAN 15:14

Nanhte hpe ngai hkang da ai ga hkan shatup myit yang gaw nanhte nye a jinghku ni rai nga myit dai.

KASA 26:19

“Dai rai nna, Hkawhkam Agripa e, ngai gaw lamu na shingran dai hpe n madat ai n nga lu nngai.

TARA JAHPRANG 1:3

Egutu mung kaw nna shanhte pru mat wa ai hpang, mali shi ning a shata shi langai a praw langai ya ngu na shani e, dai Madu shi hpe hkang da mada hte maren, Israela amyu masha ni hpe tsun na lam Mawshe htawn tsun wu ai.

TARA JAHPRANG 4:5

“Dai Madu nye a Karai Kasang ngai hpe tsun ai tara ni yawng ngai nanhte hpe sharin achyin ya mani ai. Nanhte shang madu la hkyen nga ai mungdan hta dai matsun maroi ga hte hkang da ai tara ni hpe madat mara nga mu.

HEBRE 11:8

Abraham gaw, Karai Kasang shi hpe jaw na ngu nna ga sadi jaw da ai mung de pru sa wa na matu makam masham gaw shi hpe madat mara shangun wu ai. Dai rai nna shi gaw gade sa wa nga ai hpe shi n chye ti mung, shi a mungdan kaw na pru hkawm mat wa ai.

HEBRE 3:5

Mawshe gaw Karai Kasang a nta na shangun ma zawn kangka ai wa rai nna, htawm hpang de Karai Kasang tsun dan na ra ai lam ni hpe tsun ai wa rai nga ai.

YAWSHU 5:10

Israela masha ni gaw Yerihko mare makau na pa ntsa e de da ai Gilgala mare e dap jung nga ma yang, dai shata a shi mali ya shana de Shalai Wa Ai Poi hpe shanhte galaw ma ai.