BU HKAWM 9:2 - Jinghpaw Common Language Bible 2009

^2-3 Shi gaw, “Dai shata a shi mali ya shana de jan shang wa mahka e, Shalai Wa Ai Poi a htung tara hte hkan sa na matsun lam ni hte maren, Israela amyu masha ni dai poi hpe galaw lu na rai ma ai,” ngu nna tsun wu ai.

Jinghpaw Hanson Version Bible

² “Madat da ai ahkying hta Israela kashu kasha ni shalai dat ai poi galaw lu na rai ma ai.

BU HKAWM 9:2 Iomraidhean Croise

2 HKAWHKAM 23:21

Hkawhkam Yoshia gaw ga shaka laika hta ka da ai hte maren, dai Madu shanhte a Karai Kasang hpe shagrau sha-a na matu Shalai Wa ai Poi hpe galaw na lam, amyu masha ni hpe hkang da wu ai.

2 HKAWHKAM LABAU 35:1

Yoshia gaw dai Madu hpe shagrau sha-a na nga, Yerusalem mare e Shalai Wa Ai Poi galaw wu ai. Shanhte gaw shawng na shata a shi mali ya shani e dai poi a matu yam nga ni sat ma ai.

EZRA 6:19

Bawng dung ai kaw na nhtang wa sai amyu masha ni gaw hpang shaning na shata langai a shi mali ya shani e, Shalai wa Ai Poi galaw ma ai.

JAW JAU 23:5

Dai Madu hpe shagrau sha-a na matu galaw ai Shalai Wa Ai Poi hpe shawng na shata a shi mali ya shani, shana de jan shang wa ai aten hta galaw na rai nga ai.

BU HKAWM 28:16

Dai Madu hpe shagrau sha-a ai Shalai Wa Ai Poi hpe Langai ngu na shata a nhtoi shi mali ya shani e galaw na rai myit dai.

MARKU 14:12

Ya Shalai Wa Ai Sagu Kasha hkungga ni sat nna Matsi n rawng ai Muk sha ai Azuma poi a nnan shani e, Yesu a sape ni gaw, “Dai Shalai wa ai Poi sha na, gara shara hta e na a matu anhte hpe sa shachyip shangun mayu nga n ta?,” ngu nna shi hpe san mu ai.

LUKA 22:7

Matsi n rawng ai Muk sha ai poi ten hta Shalai wa ai Poi lusha a matu sagu kasha ni hpe sat nawng na nhtoi du ra ai.

YAWSHU 5:10

Israela masha ni gaw Yerihko mare makau na pa ntsa e de da ai Gilgala mare e dap jung nga ma yang, dai shata a shi mali ya shana de Shalai Wa Ai Poi hpe shanhte galaw ma ai.