BU HKAWM 9:13 - Jinghpaw Common Language Bible 2009

¹³ Rai ti mung n san n seng ai hte sumtsan n hkawm ai sha dai Shalai Wa Ai Poi hpe n galaw ai wa kadai mung ladaw da ya ai aten hta nye a matu hkungga n nawng ya ai majaw nye a amyu masha hta na sumri dan kau ai hkrum na rai wu ai. Shi gaw yubak mara a nni nkri hkam sha lu na rai wu ai.

Jinghpaw Hanson Version Bible

¹³ Wu sin mat ai mung n rai, sumtsan sa mat ai mung n rai re ai mi, shalai dat ai poi n shang lawm ai nga nga ai wa gaw, shi a amyu hta na sumri dan kau ya ai hkrum lu na rai nga ai: madat da ai ahkying hta Yehowa matu kumhpa n la sa ai majaw, dai wa gaw shi a yubak hkrum sha na rai nga ai.

BU HKAWM 9:13 Iomraidhean Croise

NINGPAWT NINGHPANG 17:14

Matu gadoi n hkam ai lasha kadai rai ti mung nye a amyu masha hta na sumri dan kau ai hkrum na rai nga ai; hpa majaw nga yang ngai hte shaka tawn ai ga shaka hpe shi n hkan shatup ai majaw rai nga ai,” ngu nna tsun wu ai.

PRU MAT 12:15

Dai Madu gaw, “Nanhte dai matsi hte galaw ai muk hpe sanit ya tup sha lu na myit dai n rai; matsi n rawng ai muk hpe chyu sha, sha lu na rai myit dai. Nanhte gaw shawng shani e tinang dum nta hkan nga ai matsi yawng hpe seng kau lu na myit dai. Ndai sanit ya nhtoi laman hta matsi hte galaw ai muk hpe sha hkrup ai wa kadai hpe mung, nye a amyu masha ni kaw na sumri dan kau ai hkrum na ra ai.

PRU MAT 12:19

Nanhte a dum nta ni hta sanit ya tup matsi rawng nga lu na n rai; Israela masha rai ti mung, maigan masha rai ti mung matsi hte galaw ai muk sha ai wa gaw nye a amyu masha kaw na sumri dan kau ai hkrum na ra ai,” ngu nna tsun wu ai.

PRU MAT 12:47

Israela shawa hpung ting ndai poi hpe galaw lu na rai ma ai,

PRU MAT 30:33

Dai hte shabung nna galaw ai wa kadai mung, hkinjawng n re ai wa hpe ru bun na matu lang ai wa kadai mung, nye a amyu masha ni hta na sumri dan kau ai hkrum na rai wu ai,’” ngu nna tsun wu ai.

PRU MAT 30:38

Dai hpe manam pyaw na matu dai hte shabung nna lang ai wa kadai mung nye a amyu masha ni hta na sumri dan kau ai hkrum na rai nga ai,” ngu nna tsun wu ai.

EZEKELA 23:49

Ngai gaw kanau kana rai nga ai nan nau hpe nan a nse nsa ai amu hte hpara sumla ni hpe nawku ai yubak mara ni a majaw, ari jaw na made ai. Dai shaloi, ngai nan dai Tsaw Htum ai dai Madu rai nga nngai hpe nan chye wa na marin dai.”

JAW JAU 17:10

Israela masha kadai rai ti mung, shanhte kaw nga nang ai masha ni kadai rai ti mung, asai hte ashan hpe kayau sha ai rai yang dai Madu gaw shi hpe ate nna shi a amyu masha ni hta na sumri dan kau na rai wu ai.

JAW JAU 20:20

Marai langai ngai gaw shi a kanu tung hte kanawn ai rai yang, dai wa gaw shi a kawa di hpe sari jahpoi ya nga ai majaw ari jaw ai hkrum nna kashu kasha mung shaprat na ma ai n rai.

JAW JAU 22:9

“Hkinjawng ni yawng mung ngai jaw da sai tara ni hta hkan sa lu na rai ma ai. Shing n rai dai chyoi pra ai tara ni hpe shanhte n madat kau mu ai majaw mara shagun hkrum ai hte si mat na rai ma ai. Ngai gaw shanhte hpe shachyoi shapra ai dai Madu rai nga nngai.

JAW JAU 24:15

Dai hpang, kadai rai ti mung Karai Kasang hpe matsa ai wa gaw shi a mara hkam sha nna si ai hkrum na lam,

BU HKAWM 19:13

Si mang hkra ai wa kadai mung tinang hkum hpe n jasan ai sha naw nga nga ai wa gaw shi hkum hpe hka n jaw bun ai majaw n san n seng nga ai. Shanhte gaw dai Madu a Sum hpe awu asin di ma ai rai nna shing re ai wa gaw Karai Kasang a amyu masha kaw na sumri dan kau ai hkrum na rai wu ai.

BU HKAWM 19:20

N san n seng ai wa kadai mung jasan jaseng na matu hka n shin wu ai majaw shi hkum hpe n jasan ai hte n san n seng naw rai nga ai. Shi gaw Madu a Sum hpe awu asin di ai majaw Karai Kasang a amyu masha hta na sumri dan kau ai hkrum na rai wu ai.

BU HKAWM 5:31

Madu wa gaw mara lawt lu ti mung, dai numsha mahtang mara lu ai rai yang, yubak nni nkri hkrum sha na rai wu ai.

BU HKAWM 9:7

“Anhte gaw si mang hkra kau saga ai majaw n san n seng mat saga ai; rai ti mung kaga Israela ni hte rau dai Madu hpe hkungga nawng jau ai hta anhte hpe hpa majaw n shalawm shangun myit ta?,” ngu nna tsun ma ai.

HEBRE 12:25

Nanhte gaw, dai mungga tsun ai wa hpe n madat ya ai sha ningdang kau ai lam n byin u ga, sadi nga mu. Ndai ga ntsa e shadum shahprang ai wa a ga hpe na la na ningdang kau ai ni yubak ari hta na n lawt lu ma ai, Dai rai nna, anhte gaw, Sumsing lamu kaw nna tsun ai wa hpe shingdu kayin kau ga yang gaw yubak ari kaw na anhte lawt na lam grau n nga mali ai.

HEBRE 2:3

ndai hte wa galu kaba ai hkye hkrang la ai chyeju tara hpe anhte n gawn n sawn di ga yang gaw, anhte gara hku nna yubak mara a daw dan ai kaw na kaning rai lawt lu na ga ta? Dai hkye hkrang la ai lam hpe shawng npawt e Madu a n-gup hte nan tsun shana nna, na la ai ni gaw dai tara teng nga ai lam sakse madun mani ai.

HEBRE 6:6

Shing re ai hpang she, ya shanhte gaw shanhte a makam masham hpe kau da manu ai. Shanhte gaw Karai Kasang a Kasha hpe wudang hta kalang mi bai jen da nna, shawa masha ni a man e n gawn n sawn di kaya jahkrum da nga ma ai majaw, shanhte hpe myit malai bai lu shangun na matu gara hku mung n mai byin mat sai.

HEBRE 9:28

Dai hte maren Hkristu mung masha law law a yubak mara hpe kalang mi hte ngut hkra gun kau ya na matu shi a hkum hpe hkungga shatai nna nawng kau nu ai. Yubak gun kau ya ai lam hte n seng ai sha shi hpe ala nga ai ni hpe hkye hkrang la na matu lahkawng lang ngu na bai dan pru na ra ai.