BU HKAWM 7:1 - Jinghpaw Common Language Bible 2009

¹ Dai Madu a hpung shingkang shanu nga ai Sum hpe Mawshe sharawt da ngut ai shani hta, shi gaw Sum hte de a arai ni yawng hpe namman chya nhtawm ap nawng da wu ai.

Jinghpaw Hanson Version Bible

¹ Ya Mawshe gaw dai sumpan sum hpe sharawt shadun nhtawm, dai hpe namman chya ai hte shachyoi shapra nna, dai hte seng ai arai ni mahkra hpe mung, tawn hkungri hte dai hte seng ai arai ni mahkra hpe mung, namman chya ai hte shachyoi shapra ngut ai shani e,

BU HKAWM 7:1 Iomraidhean Croise

NINGPAWT NINGHPANG 2:3

Shi gaw sanit ya nhtoi hpe shaman ya nhtawm dai nhtoi hpe laksan shani hku masat da nga ai, hpa majaw nga yang, shi a hpan da ai amu hpe dai shani e shangut nna bungli galaw ai hpe jahkring da nga ai.

1 HKAWHKAM 8:64

Dai shani jang shi gaw Nawku Htingnu man na wang ka-ang hpe ap nawng wu ai rai nna, dai yang e wan nat hkungga, shadung hkungga hte mahku hkungga ni a matu yam nga sau man ni hpe sak nawng ya wu ai. Shi galaw ai ndai amu a majaw ndai hkungga ni yawng hpe nawng jau na matu, dai magri mang hkungri nau wa kaji mat nga ai.

PRU MAT 13:2

“Israela amyu hta na shawng shangai ai lasha alat shagu hte yam nga hta na shawng hkrat ai ala shagu hte hpe ngai madu da nga nngai majaw, dai shawng shangai ai shinggyim masha alat hte yam nga alat ni yawng, nye a matu ap nawng ya na rai myit dai,” ngu nna tsun wu ai.

PRU MAT 29:36

Nang gaw shani shagu shagu hkungga usu langai ngai nawng jau lu na rai ndai; shaloi yubak raw dat ai hkrum na rai ndai. Dai gaw tawn hkungri hpe jasan jaseng ya nga ai. Dai hpang dai hpe shachyoi shapra na matu tsanlun sau chya ya na rai ndai.

PRU MAT 40:11

Shin na ntsin htung hte de a shadun ni hpe mung dai hte maren galaw nna ap nawng na rai ndai.

BU HKAWM 17:2

“Amyu bawsang shagu a ningbaw kaw na dawhkrawng shi lahkawng nang hpe sa jaw na matu Israela masha ni hpe tsun u;

BU HKAWM 7:10

Ningbaw ni mung tawn hkungri hpe ap nawng ai poi galaw na matu hkungga ni la sa ma ai. Tawn hkungri hta shanhte a kumhpa ni hpe sak jaw na matu shanhte jin jin rai nga ma ai shaloi,

BU HKAWM 7:84

Tawn hkungri hpe ap nawng da na matu Israela ningbaw shi lahkawng la sa na hkungga yawng a jahpan gaw lawu de na chyarang hte maren rai na rai nga ai: -gumhpraw ban shi lahkawng hte gumhpraw jarung shi lahkawng, dai ni yawng rai yang pawng kru shi li nga ai. -ja ban shi lahkawng, dai yawng aung za mali shi matsat li nna, manam pyaw ai baw hte hpring nga ai; -wan nat hkungga a matu shadung hkungga ni hte hpawn usu shi lahkawng, sagu la shi lahkawng, laning mi ladu hkrum sai sagu la kasha shi lahkawng, -htingrai hkungga a matu bainam la shi lahkawng; -hkungga ni nawng na matu usu hkun mali, sagu la kru shi, bainam la kru shi, laning mi ladu hkrum sai sagu kasha kru shi rai nga ai.

MAHTE 23:19

Myi kyaw ai ni e, dai kumhpa hpe shachyoi shapra ai hkungri hte dai kumhpa gaw gara mahtang grau ahkyak kaba rai nga a ta?