BU HKAWM 5:3 - Jinghpaw Common Language Bible 2009

³ Dai htung hte maren n san n seng ai masha ni yawng hpe shapraw kau mu, shaloi nye a amyu masha ni a man e ngai shanu nga ai dap hpe shanhte awu asin n di lu na rai ma ai,” ngu nna tsun wu ai.

Jinghpaw Hanson Version Bible

³ dap shinggan e shapraw da mu, ngu nna Israela kashu kasha ni hpe hkang dat u,” ngu wu ai.

BU HKAWM 5:3 Iomraidhean Croise

SHAKAWN KUNGDAWN 68:18

Bawng masha law law hte rau dai tsaw ai bum ntsa de shi lung wa nga ai; shi gaw gumlang ai masha ni kaw na kumhpaw kumhpa law law hpe hkap la da nga ai. Dai Madu Karai Kasang gaw dai shara hta shanu nga na ra ai.

PRU MAT 25:8

Amyu masha ni mung nye a matu chyoi pra ai Sum langai galaw lu na rai ma ai, shaloi ngai shanhte hta shanu nga lu na nngai.

PRU MAT 29:45

Ngai gaw Israela amyu masha ni hta shanu nga nhtawm shanhte a Karai Kasang tai nga na nngai.

ESAIA 12:6

Ziun e nga ai masha shagu hte gaw marawn jahtau ai hte mahkawn mangoi nga mu ga! Israela a chyoi pra ai Karai Kasang gaw galu kaba nga ai, shi gaw shi a amyu masha ni a lapran e nga nga ai,” ngu nna mahkawn mangoi ai nhtoi du wa nga sai.

JAW JAU 14:8

Dai masha wa mung shi a hpun palawng ni hpe hkrut nna shi a kara ni yawng hpe shangun kau nhtawm hka shin na rai wu ai. Shi gaw htung hte maren san seng wa lu na rai wu ai. Dai hpang shi gaw dap de shang mai nga ti mung, shi a sum shinggan e sanit ya tup naw nga nga na rai wu ai.

JAW JAU 15:31

Dai Madu gaw Israela amyu masha ni a n san n seng ai lam hte seng nna shanhte hpe shadum jahprang na matu Mawshe hpe tsun wu ai; shing rai dap ka-ang e nga ai dai hpung shingkang hte hpring ai Sum hpe shanhte awu asin di lu na ma ai n rai. Shanhte galaw kau hkrup ai rai yang, sat kau ai hkrum na ma ai.

BU HKAWM 16:3

Shanhte gaw Mawshe yan Arun kaw sa hpawng let shan hpe, “Nan gaw nau wa lai manit dai! Dai shawa hpung yawng gaw dai Madu a matu rai nna, dai Madu mung anhte yawng hte rau rai nga ai. Dai rai yang, Mawshe nang gaw hpa majaw dai Madu a shawa hpung ting a ntsa e, tinang hkum hpe shagrau la mayu nga n ta?,” ngu nna tsun ma ai.

BU HKAWM 19:22

N san n seng ai wa hkra ai arai hpa mung n san n seng nga ai; dai arai hkra ai wa kadai mung shana de du hkra n san n seng naw rai nga ai.

BU HKAWM 35:34

Ngai gaw dai Madu rai nga nna Israela amyu masha ni hta ngai nga nga nngai majaw nanhte shanu nga ai mungdan hpe awu asin hkum di nga myit.

BU HKAWM 5:4

Israela amyu masha ni madat mara ma ai rai nna shanhte yawng hpe dai dap shinggan de shapraw da mu ai.

TARA JAHPRANG 23:14

Nanhte hpe makawp maga la nhtawm gumlau hpyen ni a ntsa awng padang hkam la shangun na nga, dai Madu nanhte a Karai Kasang gaw nanhte a dap e, nanhte hte rau nga nga ai majaw nanhte a hpyen dap san seng nga na rai malit dai. Dai Madu nanhte hpe bai n kayin koi kau u ga, matsat shabat re ai lam magup hpe hkum galaw nga myit.

TARA JAHPRANG 23:15

“Mayam madu kaw na nang kaw shingbyi na matu hprawng shang wa ai mayam rai yang, dai wa hpe bai nhtang ap ya lu na n rai.

2 HTESALONI 3:6

Hpu nau ni e lagawn let asak hkrung nga ai ni yawng hte mung, anhte sharin shaga ai lam ni hpe n hkan n sa ai ni hte mung, n kanawn ai sha, kaga hkrai rai nga na matu Hkristu a mying nsang hte nanhte hpe anhte hkang dat ga ai.

TITU 3:10

Shai wa bra wa ai lam shabyin ai wa hpe n law htum lahkawng lang shadum jahprang sadi jaw ai hpang shi hte matut mahkai ai lam kaga hpa mung hkum galaw nu.

SHINGRAN 21:27

Rai ti mung, awu asin re ai hpa mung dai mare de shang lu na n rai. Matsat shabat awu asin amu galaw ai wa, masu magaw lam hkan ai wa mung dai mare hta galoi mung shang lu na n rai. Sagu Kasha a asak laika hta amying ka lawm ai ni chyu sha dai mare hta shang lu na mara ai.

SHINGRAN 21:3

Bai ngai gaw, dai tingnyang kaw na shaga pru ai nsen kaba langai mi na nngai. Dai nsen gaw, “Ya Karai Kasang a sum nta gaw shinggyim masha ni hte rau rai nga ai. Shi shanhte hte rau hpawng de nga na rai nna, shanhte gaw shi a amyu masha ni tai na mara ai. Karai Kasang gaw, shi hkum nan shanhte hte rau nga nga na ra ai rai nna, shi gaw shanhte a Karai Kasang tai na ra ai.