BU HKAWM 5:18 - Jinghpaw Common Language Bible 2009

¹⁸ Dai hpang numsha a kara hpe shi hpyan ayai kau ya nhtawm dai numsha a lata hta shadung hkungga hpe mara da ya na rai wu ai. Hkinjawng wa shi a lata hta chyawm gaw hka ai dagam ntsin rawng ai di bu hpe lang da na rai wu ai.

Jinghpaw Hanson Version Bible

¹⁸ Shing rai hkinjawng wa gaw dai numsha hpe Yehowa man e woi tawn nna, kara hpyan ayai kau ya nhtawm, myit machyi shadung kumhpa ngu ai kamang shadung hpe shi a lata hta lang shangun na rai wu ai: ari jahkrum ai ntsin hka hpe gaw, hkinjawng wa shi a lata hta lang na rai wu ai.

BU HKAWM 5:18 Iomraidhean Croise

GA SHAGAWP 5:4

Rai ti mung bungli yawng ngut boi ai shaloi, myit a nchyi nmu re ai lam hte ahkup ahka nga ai hpe sha, nang hpe jahkrum kau da ya nga ai.

HPAJI NINGLI 7:26

Ngai gaw si hkrung si htan hta grau ahkup ahka nga ai arai lama mi mu se ai, dai gaw mahkam zawn re ai numsha rai nga ai. Shi nang hpe nawng ya ai tsaw ra myit gaw sumgawn zawn nang hpe rim la na ra ai; Shi a lata lahpum gaw hpri saidawng zawn nang hpe gyit hkang la na ra ai. Karai Kasang hpe awng sharawng ai wa hprawng lawt lu ti mung, yubak kap ai wa hpe chyawm gaw shi rim la lu nga ai.

ESAIA 38:17

Nye a nchyi nmu re ai gaw ngwi pyaw sim sa wa na ra ai. Nang gaw nye a asak hpe hkrit hpa yawng kaw na hkye la nga ndai; Nang gaw nye a yubak mara yawng hpe raw ya nga ndai.

YEREMIA 2:19

Nang nan galaw ai n hkru ai amu gaw nang hpe ari jaw na ra ai, ngai kaw na kayin mat wa ai gaw nang hpe daw dan na ra ai. Dai Madu na a Karai Kasang ngai hpe kau da nna, ngai hta loi mi pyi sadi n dung nga ndai gaw kade sha ahkup ahka nga nna shut hpyit nga ai hpe nang chye wa na rai ndai. Chyahtum Chyalai N-gun rawng ai Tsaw Htum ai dai Madu ngai nan tsun ni ai,” ngu nna tsun ai.

JAW JAU 13:45

Manggang kap ai wa gaw je ai hpun palawng ni hpe bu hpun nna kara hpyan kau nhtawm shi a myi man lawu daw magap da let, “N san n seng ai, n san n seng ai,” ngu nna jahtau na rai wu ai.

BU HKAWM 5:15

Hpa amu mi rai rai, madu wa gaw madu jan hpe hkinjawng wa hpang de woi sa na rai wu ai. Shi gaw muk-yaw mam shadung pawng lahkawng hpe ra ai hkungga a matu la sa na rai wu ai; rai ti mung de a ntsa e tsanlun sau hpe ru bun lu na n rai; manam pyaw ai baw lawban hpe mara da lu na n rai; hpa majaw nga yang, dai gaw n tsen nga ai madu wa kaw na hkungga rai nga ai hte maren, teng man ai hpe shapraw na lam rai nga ai.

BU HKAWM 5:17

Shi gaw ga di bu hta chyoi pra ai ntsin ru bang nhtawm dai Madu a hpung shingkang shanu nga ai Sum a dun ntsa na ga loi mi la nhtawm dai hpe hka hta bang ai hte ntsin hpe hka shangun na rai wu ai.

BU HKAWM 5:19

Shaloi hkinjawng wa gaw numsha hpe ndai dagam ga hkan tsun na myit hkrum shangun wu ai: “Nang gaw numshaw lashaw ai amu n shut n hpyit ai rai yang, ndai dagam ai ntsin hka a majaw machyi ai n hkrum nga lit ga.

BU HKAWM 5:22

Ndai ntsin hka gaw na a kan kata de shang wa nna na a num hkrang hpe kyip htun shangun u ga law.” Numsha mung, “Ngai myit hkrum nngai; dai Madu daw dan ya rit ga,” ngu nna htan na wu ai.

1 KORINHTU 11:15

Rai ti mung, numsha mahtang gaw kara madat yang shi a tsawm htap ai lam rai nga lu ai. Shi a kara galu gaw shi a baw magap tai na matu jaw da nu ai.

1 KORINHTU 11:6

Numsha gaw baw n magap na rai yang, kara mung doi kau u ga; rai ti mung, kara doi na, shing n rai, baw shangun na gaw, numsha a matu arawng jahpoi ai lam rai nga yang gaw, shi baw magap nga u ga.

TARA JAHPRANG 29:18

Kaga masha amyu baw ni a hpara hpe nawku daw jau na nga, dai ni, ndai yang e tsap nga ai numsha lasha dinghku hte amyu bawsang ni kadai mung dai Madu anhte a Karai Kasang kaw na teng teng yit mat wa lu na myit dai n rai. Dai gaw agung hte hka ai hpun tu pru wa ai ru npawt zawn rai nga ai.

HEBRE 13:4

Hkungran ai lam hpe masha yawng mayawng hkungga shagrau lu na rai myit dai hte madu wa madu jan shada da a ntsa e sadi dung nga lu na rai myit dai; Karai Kasang gaw arawn alai hten ai ni hte num shaw la shaw ai ni hpe jeyang na ra ai.

1 SAMUELA 15:32

Samuela gaw, “Hkawhkam Agag hpe ndai yang, ngai hpang de woi wa ya mi,” ngu nna hkang dat wu ai. Agag mung shi kaw hkrit gari ai hte sa wa nhtawm, “Si hkrung si htan re ai laja lana hkrit hpa gaw ngut boi mat sai,” ngu nna shi kraw hta myit nawn la wu ai.