BU HKAWM 4:5 - Jinghpaw Common Language Bible 2009

⁵ Dai Madu gaw Mawshe hpe ga matsun ni jaw wu ai. Sum hpe run hpya na aten du ai shaloi, Arun hte shi a shadang sha ni Sum kata de shang nhtawm Ga Shaka Sumpu a man na nba grang hpe shayu la nna dai hte Sumpu magap na rai ma ai.

Jinghpaw Hanson Version Bible

⁵ rawt na aten du jawng, Arun hte shi a shadang sha ni sa nna, kata gawk na nba shinggang shayu la nhtawm, dai sakse sumpu hpe magap na rai mu ai:

BU HKAWM 4:5 Iomraidhean Croise

1 HKAWHKAM LABAU 15:15

Dai Madu gaw Mawshe a ga hku nna hkang da nu ai hte maren, Lewi masha ni gaw kandang hte shanhte a lahpa hta hpai ma ai.

1 HKAWHKAM LABAU 23:26

Dai rai nna Lewi masha ni mung dai Madu a hpung shingkang shanu nga ai Sum hte nawku yang lang ai arung arai ni yawng hpe galoi mung hpai na manu ai n rai,” ngu nna tsun wu ai.

2 HKAWHKAM LABAU 3:14

Chyoi Pra Htum ai Shara a matu nba grang langai mi hpe mung, mut ai, shaba pu nsam rawng ai hte hkyeng ai nsam pru ai ri ni hpe jaw la nna mani ai lachyit ri ni, kaga arung arai ni hte singkaw tu ai hkrung kanu nba grang hpe galaw wu ai.

PRU MAT 36:35

Shanhte gaw sawm tsit ai, shaba pu nsam rawng ai hte hkyeng ai sagu ri ni hte mani tsawm ai lachyit sumpan da nhtawm dai hta singkaw tu ai hkrung kanu hkrang sumla ka shakap ai nba grang galaw ma ai.

PRU MAT 40:3

Dai kata hta Jep ai Tara Kanu Shi rawng ai Ga Shaka Sumpu hpe tawn da nna, de a man e nba grang hte grang da na rai nga ai.

PRU MAT 40:5

Manam pyaw ai baw hpe nat nawng ai ja hkungri hpe Ga Shaka Sumpu a man ang e tawn da nna, Sum a chyinghka lam hta mung chyinghka grang hpe grang da na rai ndai.

ESAIA 25:7

Ndai yang e shi gaw masha amyu baw yawng a ntsa e ka-up da ai yawn hkyen sumwi hpe akajawng sha gun kau ya na ra ai.

JAW JAU 16:2

Shi gaw, “Htap htuk ai aten hta chyu sha nba grang shingdu hku dai Chyoi Pra Htum ai Shara kata de na nhpu Arun shang lu na lam tsun u; hpa majaw nga yang, dai Ga Shaka Sumpu ntsa na magap a ntsa e ngai dan pru na nngai. Dai lam hpe shi n madat ai rai yang, sat kau ai hkrum na rai wu ai.

BU HKAWM 10:14

shanhte hkawm sa ai aten shagu hkang da ai hte maren hkan galaw ma ai. Dai hpung dawwa ni gaw dawnghkawn npu e Yuda amyu bawsang ni lam shawng let Aminadab a kasha Nashon woi awn ai hku hpung hte hpung rawt sa wa ma ai.

BU HKAWM 4:15

But de nga ai dabang hpe run hpya kau na aten du ai shaloi, Kohat a lakung lama ni mahtang Arun hte shi a shadang sha ni magap da ngut sai dai chyoi pra ai arai ni hte de a arai ni yawng hpe shang hpai la na rai ma ai. Kohat a lakung lama ni dai chyoi pra ai arai ni hpe hkra lu na ma ai n rai; dai hku n rai yang, shanhte si na rai ma ai. Dai hte gaw Sum htawt shagu Kohat a lakung lama ni gun hpai ang ai amu ni rai nga ai.

BU HKAWM 4:4

Shanhte daw jau na amu ni hta chyoi pra htum ai amu ni hte seng ai ni lawm nga ai.

BU HKAWM 7:9

Rai ti mung Kohat a kashu kasha ni mahtang chyoi pra ai arai ni hpe sadi sahka hte shanhte a lahpa hte hpai ma ai majaw Mawshe shanhte hpe leng hte utang ni n jaw ma ai.

MAHTE 27:51

Shaloi, Nawku Htingnu na nba grang gaw ntsa de nna htumpa hkren lahkawng brang ga mat ai. Ginding aga mung ashun awam wa nna, lunghkrung ni ga mat wa ma ai.

TARA JAHPRANG 31:9

Shaloi Mawshe gaw Karai Kasang a Tara hpe ka nhtawm dai Madu a Ga Shaka Sumpu woi hpareng ai Lewi hkinjawng ni hpe mung, Israela ningbaw ni hpe mung jaw ya wu ai.

HEBRE 10:20

Shi gaw shi a hkum hkrang ngu ai Nawku Htingnu nba grang hpe lai di nna Karai Kasang a man de hkrang shang ai asak hkrung lam ningnan langai mi anhte a matu hpaw ya mani ai.

HEBRE 9:3

Bai lahkawng ngu na nba grang a kata maga gawk na hpe Chyoi Pra Htum ai Shara ngu ma ai.

1 SAMUELA 6:19

Bet Sheme masha ni dai Ga Shaka Sumpu kata de yu yu ma ai majaw dai Madu gaw masha sanit shi hpe sat kau nga ai. Shanhte a lapran hta ndai zawn si ru ai amu kaba dai Madu shabyin dat wu ai majaw masha ni sharung shayawt nga ma ai.