BU HKAWM 3:3 - Jinghpaw Common Language Bible 2009

³ Shanhte gaw namman chya hkam nna hkinjawng aya dang la ma ai;

Jinghpaw Hanson Version Bible

³ Dai ni gaw hkinjawng aya dang ai shani e, namman chya hkam la ai Arun a shadang sha hkinjawng ni rai nga ma ai.

BU HKAWM 3:3 Iomraidhean Croise

1 HKAWHKAM LABAU 23:6

Dawi gaw Lewi masha ni hpe shanhte a amyu lakung hku hkan nna Gershon, Kohat hte Merari ngu nna hpung masum garan da nga ai.

PRU MAT 28:41

Na nhpu Arun hte shi a shadang sha ni hpe ndai hpun palawng ni hte shabu jahpun na rai nga ndai. Dai hpang shanhte hpe aya dang ya nna ap nawng ai hte tsanlun sau chya ya ai hte hkinjawng amu hte nye a matu daw jau amu galaw na rai ma ai.

PRU MAT 40:13

Arun hpe mung hkinjawng hpun palawng ni jahpun ya nna, shi hpe naman chya ya ai hte dai hku nna shi hpe ap nawng na rai ndai; shaloi shi gaw hkinjawng amu hta ngai hpe daw jau lu na rai nga ai.

PRU MAT 40:15

Dai hpang, nang gaw shanhte a kawa hpe namman sau chya ya ai zawn shanhte hpe chya ya na rai ndai, shaloi shanhte gaw hkinjawng amu hta daw jau lu na rai ma ai. Ndai namman chya ai gaw prat mi hte prat mi shanhte hpe hkinjawng shatai ai amu rai na ra ai.”

JAW JAU 8:12

Shi gaw namman sau loi mi la nhtawm Arun a baw hta ru jaw ya nna aya dang ya wu ai.

JAW JAU 8:30

Mawshe gaw chya na namman sau hte tawn hkungri ntsa na sai loi mi la nhtawm Arun hte shi a shadang sha ni hte shanhte a hpun palawng ni hta lapri bun ya wu ai. Ndai hku nna shanhte hpe mung, shanhte a hpun palawng ni hpe mung dai Madu hta ap nawng ya wu ai.

BU HKAWM 3:4

rai ti mung Nadab yan Abihu chyawm gaw Sina Nam mali e dai Madu hpe n chyoi n pra ai wan hte hkungga nawng ya nna sat kau ai hkrum ma ai. Shan hta kashu kasha hpa mung n nga nga ma ai; Eleaza yan Ihtama gaw Arun a prat hta hkinjawng amu gun hpai daw jau ma ai.

HEBRE 7:28

Mawshe a tara gaw n-gun kya nna n hkum n tsup ai masha ni hpe Hkinjawng Agyi Kaba aya hta dang da nga ai; rai ti mung tara shapraw ai hpang e du sa ai, Karai Kasang dagam let jaw ai ga ndat gaw, htani htana hkum tsup ai Kasha wa hpe Hkinjawng Agyi Kaba aya hta dang da wu ai.