BU HKAWM 28:3 - Jinghpaw Common Language Bible 2009

³ Ndai ni gaw dai Madu hpe nawng jau na lusha hkungga ni rai nga ai: shani shagu na wan nat hkungga a matu ra n rawng ai hte laning mi ladu hkrum sai sagu la kasha lahkawng hpe nawng na rai myit dai.

Jinghpaw Hanson Version Bible

³ Bai, shanhte hpe ning ngu tsun u: ‘ndai gaw nanhte Yehowa hpe wan hte nat nawng na shagu hkungga rai nga ai: tutnawng na wan nat hkungga matu, shani shagu, ra n rawng ai hte ladu hkrum ai sagu la kasha lahkawng nawng na rai myit dai.

BU HKAWM 28:3 Iomraidhean Croise

1 HKAWHKAM LABAU 16:40

Shanhte gaw Israela hpe dai Madu jaw ya ai Tara hta ka da ai hte maren, tawn hkungri ntsa e shani shagu jahpawt hte shana de e shagu hkungga ni hpe hkum ting nat nawng ra ma ai.

2 HKAWHKAM LABAU 8:13

Mawshe a Tara hta tsun da sai hte maren, Bansa Nhtoi hkungga, Shata praw hkungga, shaning shagu galaw nga ai poi ngu ai matsi n rawng ai muk poi, Nmut shang poi hte Sum Poi ni hpe dai Chyoi Pra ai shani shagu a matu wan nat hkungga ni hpe shi nawng ya wu ai.

EZRA 3:5

dai hta kaga, tut nawng nawng ya ai shagu hkungga ni hpe hkum ting nat na matu mung, Shata Praw e galaw ai Poi hta nawng ya na matu mung, dai Madu hpe nawku ai shara hta tut e sa zup hpawng nna dai Madu hpe tinang myit ra ai hku jaw ya ai hkungga ni yawng hpe nat nawng ya ma ai.

Daniela 11:31

Shi a hpyenla nkau mi mahtang Nawku Htingnu hpe awu asin di na mara ai. Shanhte gaw shani shagu na shagu hkungga hpe pat shingdang kau ya nna, dai Hkrit Si na zawn re ai wa hpe sharawt da na mara ai.

Daniela 12:11

“Shani shagu shagu hkungga nawng ya nga ai aten hpe hkum pat kau ya ai aten ngu na Dai Hkrit Si na zawn re ai wa hpe shadun da ai aten kaw nna nhtoi 1,290 lai mat wa na ra ai.

Daniela 8:11

Dai gaw sumsing lamu luksuk a Hkawhkam Kasha hpe pyi hkap daw nna shi hpe nawng jau ya ai shani shagu na shagu hkungga ni hpe dawm kau nhtawm Nawku Htingnu hpe awu asin di kau wu ai.

Daniela 8:13

Dai hpang ngai gaw lamu kasa langai mi gaw kaga wa hpe, “Shingran hta mu lu sai ndai amu ni galoi aten du hkra naw matut byin na rai ta? Shani shagu na shagu hkungga ni a hkang hta hkrit hpa yubak gaw galoi aten du hkra rai na rai ta? Sumsing lamu a luksuk hte Nawku Htingnu gaw galoi aten du hkra kabye anut kau hkrum na rai nga a ta?,” ngu nna tsun ai nsen hpe na nngai.

JAW JAU 3:5

Dai hkinjawng ni gaw dai yawng hpe tawn hkungri ntsa nat da ai wan nat hkungga ni hte hpawn nat shalawm na rai ma ai. Dai lusha a manam pyaw ai sangau hpe dai Madu awng sharawng nga ai.

JAW JAU 6:9

Arun hte shi a shadang sha ni hpe matsun madun na matu Mawshe hpe hkang da wu ai. Wan nat hkungga hpe tawn hkungri ntsa e shana tup nat nna wan mung shagrung da na rai nga ai.

AMO LAIKA (AMOS) 4:4

Tsaw Htum ai dai Madu gaw, “Israela amyu masha ni e, nanhte galaw mayu ai rai yang, Behtela a chyoi pra ai shara de yubak sa galaw masu! Gilgala de sa nna nanhte a n-gun lagaw mahkra hte yubak galaw mu! Jahpawt shagu shagu hkungga nawng ya na matu yam nga ni la sa mu, Masum ya nhtoi shagu nanhte a htam shi hta na htam mi la sa mu.

BU HKAWM 28:10

Dai gaw sabyi hkungga hte shani shagu nawng jau ai hkungga hta kaga, Bansa Nhtoi shagu hta nawng jau na wan nat hkungga rai nga ai.

BU HKAWM 28:15

Shani shagu na wan nat hkungga hte de a sabyi hkungga hta kaga, htingrai hkungga a matu bainam la langai mi hpe mung nawng jau na rai myit dai.

BU HKAWM 28:23

Jahpawt shagu tut nawng jaw jau ai wan nat hkungga hta kaga, dai hkungga ni hpe mung kahtap nawng na rai myit dai.

BU HKAWM 28:24

Shani shagu jaw jau ai wan nat hkungga hte sabyi hkungga hte maren, dai Madu a matu manam pyaw ai sangau shatai na, dai sanit ya tup lusha hkungga nawng ya na rai myit dai.

BU HKAWM 28:31

Dai rai nna shani shagu nawng ya ai wan nat hkungga hte shadung hkungga ni hta kaga, ndai sabyi hkungga hpe mung jat nna nawng jau na rai nga ndai.

BU HKAWM 28:4

Sagu la kasha langai mi hpe jahpawt e mung, bai langai mi hpe shana de di nna,

BU HKAWM 29:11

Shani shagu nat ai wan nat hkungga hte de a shadung hkungga hte sabyi hkungga ni sha n-ga, amyu masha ni a matu nawng ya ai htingrai hkungga a matu bainam langai mi hpe mung nawng ya na rai myit dai.

BU HKAWM 29:16

Htingrai hkungga a matu bainam la langai mi mung nawng ya na rai myit dai. Shani shagu na wan nat hkungga hte de a matu lajang da ai shadung hkungga hte sabyi hkungga ni hpe mung jat nna ndai ni hpe nawng ya na rai myit dai.

BU HKAWM 29:6

Shata praw shani hta tut nawng galaw ai wan nat hkungga hte de a shadung hkungga hte kaga shani shagu na wan nat hkungga, de a shadung hkungga, sabyi hkungga ni hta kaga dai ni hpe nawng jau na rai myit dai. Ndai lusha hkungga ni gaw dai Madu hpe awng sharawng shangun ai manam pyaw ai sangau rai nga ai.

YAWHAN 1:29

Hpang shani e Yawhan gaw, shi hpang de Yesu sa wa ai hpe mu wu yang, “Mungkan masha ni a yubak gun kau ya ai, Karai Kasang a Sagu Kasha rai nga ai law!

HEBRE 9:6

Ndai nawku daw jau ai htung lai hte maren, hking jahkum lajang ngut ai hpang, hkinjawng ni gaw shanhte a daw jau ai amu gun hpai na matu sum kata na shawng du ai gawk de shani shagu shang ma ai.

SHINGRAN 13:8

Sat kau hkrum sai Sagu Kasha a asak laika hta, ginding aga garai n pra kaw nna amying ka da lawm sai mungkan masha nlang hte hta lai nna, mungkan ntsa e nga ai masha yawng gaw dai matse labye hpe nawku na mara ai.