BU HKAWM 24:8 - Jinghpaw Common Language Bible 2009

⁸ Karai Kasang gaw shanhte hpe Egutu mung kaw nna woi shapraw wa nu ai; Shanhte a matu dumbau langai zawn shi gasat malan ya nga ai; Shanhte a gumlau hpyen ni hpe sha kau nna, nra ni hpe agrawp kau nhtawm Shanhte lang ai ndan pala ni hpe gang daw kau ya na wu ai.

Jinghpaw Hanson Version Bible

⁸ Karai Kasang Egutu mung na shi hpe shaw nna, Israela gaw dumbau zawn n-gun ja nga ai: Shi hpe hpyen ai amyu ni hpe sha kau nna, Shanhte a nra ni hpe agrawp kau na wu ai; Shi a pala ni hte gap dinghkren kau na wu ai.

BU HKAWM 24:8 Iomraidhean Croise

SHAKAWN KUNGDAWN 2:9

Nang shanhte hpe hpri sumdoi hte shabya kau nna; nang shanhte hpe ga di bu langai mi hpe zawn ahkyep alep rai mat hkra, gamang kau na ndai,’” nga nna tsun ai.

SHAKAWN KUNGDAWN 21:12

Shi gaw shi a ndan pala ni hte shanhte hpe gap dat na ra ai; shanhte hpe kayin hprawng mat wa shangun na mara ai.

SHAKAWN KUNGDAWN 45:5

Na a pala ni masen nga ai rai nna, na a gumlau hpyen ni a masin salum ni hpe galun htinggrang ya nga ai. Masha amyu ni mung na a lagaw nhpang e, dingnyawm na mara ai.

SHAKAWN KUNGDAWN 45:6

Karai Kasang nang hpe jaw ya nit dai mungdan gaw htani htana prat dingsa agrin nga na ra ai. Nang gaw na a amyu masha ni hpe teng man ai tara hte up hkang na ra ai rai nna,

PRU MAT 23:22

Rai ti mung, shi a ga madat mara nna, ngai hkang da ai lam shagu hpe hkan galaw nga yang chyawm gaw na a gumlau hpyen ni yawng hpe ngai gasat kau ya na nngai.

ESAIA 38:13

Ngai gaw shana tup nchyi nmu hte marawn hkrap nngai, Hkanghkyi gaw nye a nrut nra ni hpe agrawp kau ya ai zawn Karai Kasang gaw nye a asak hpe jahtum kau ya nga sai ngu, ngai myit nawn kau we ai.

YEREMIA 50:17

Dai Madu gaw, “Israela amyu masha ni gaw hkanghkyi ni e shachyut jahtaw kau dat ai sagu ni zawn rai ma ai. Shanhte gaw shawng nnan e Asuri hkawseng wa htim gasat ai hkrum ma ai; dai hpang Babelon Hkawhkam Nebuhkadneza gaw shanhte a nrut nra ni hpe makrut sha kau nu ai.

YEREMIA 50:9

Ngai gaw dingdung maga nga ai n-gun ja ai masha amyu baw hpung mi hpe wa shadut shalut dat ai hte Babelon mung hpe gasat shangun na nngai. Shanhte gaw dai mung na majan pa hta tsap dingren nga ai hte dai mung hpe dang la kau na mara ai. Shanhte gaw shanhte shading da ai shara hpe n shut n shai hkra gap lu ai kung kyang jaugawng ni hte ndan gap ai masha ni rai ma ai.

Daniela 6:24

Dai hpang hkawhkam wa gaw Daniela hpe mara shagun ai ni yawng hpe rim la na matu hkang dat wu ai. Shanhte hte rau shanhte a madu jan ni hte ma ni hte hpawn hkanghkyi ni hte hpring ai nhkun kata de kabai bang kau ai hkrum ma ai. Dai ni nhkun htumpa de garai n du ai kaw nna pyi shanhte hpe hkanghkyi ni htim amya nna shanhte a nrut nra ni hpe agrawp daw kau ya ma ai.

BU HKAWM 14:9

Dai Madu hpe hkum gumlau nga myit; dai mung e nga ai masha ni hpe mung hkum hkrit nga myit. Anhte gaw shanhte hpe aloi sha dang kau lu na ga ai. Dai Madu gaw anhte hte rau anga nga ai majaw shanhte hpe makawp maga la na karai ni hpe dang kau na nu ai; dai re ai majaw hkum hkrit nga myit,” ngu nna tsun ma ai.

BU HKAWM 21:5

Shanhte gaw, “Lusha mung, hka mung n nga ai ndai nam mali hkan e si mat na matu nang anhte hpe hpa majaw Egutu mung kaw na woi wa nga n ni? Ndai asit awat nga ai lusha hpe anhte kachyi mi pyi n kam sha mat saga ai!,” ngu nna aput ma ai.

BU HKAWM 23:22

Karai Kasang gaw shanhte hpe Egutu mung kaw na woi shapraw wa nu ai; Shi gaw dumbau zawn shanhte a matu gasat malan ya nga ai.

BU HKAWM 23:24

Israela amyu baw gaw chyalai n-gun rawng ai hkanghkyi langai zawn rai nga ai; Htim amya gang je la lu ai shan garai n sha, kawa sat da ai Shan asai garai n lu lu dingsa shi hpum na n rai.”

MAHTE 2:15

si ai ten du hkra dai yang e nga nga ma ai. Dai gaw, “Ngai sha hpe Egutu mung na ngai shaga la se ai,” nga nna myihtoi a n-gup hta dai Madu tsun ai ga dik wa u ga she byin wa ai lam rai nga ai.

TARA JAHPRANG 32:23

“Ngai gaw shanhte a ntsa e n htum lu ai ru yak tsin-yam tsindam ni dat dat nna; nye a pala ni yawng hpe shanhte hpe ninghkap ai hta lang na we ai.

TARA JAHPRANG 32:42

Nye a pala ni shanhte a asai hpe kahte hkrat shangun nna, ngai hpe ninghkap ai ni yawng hpe nye a nhtu hte kahtam sat kau na we ai. Ngai hpe htim gasat ai ni kadai hpe mung shalawt dat na we ai n rai; hkala hkrum ai ni hte bawng masha ni pyi si htum mat na mara ai.’

TARA JAHPRANG 7:1

Dai Madu nanhte a Karai Kasang gaw nanhte madu la na mungdan de woi shawn nna, dai mung na amyu baw law law hte hpe gawt shapraw kau na rai wu ai. Nanhte rawt lung wa myit yang, shi gaw nanhte hta grau galu kaba nna n-gun grau rawng ai amyu sanit rai nga ai Hiti, Girgashi, Amori, Hkanani, Perizi, Hiwi hte Yebusi masha ni hpe gawt shapraw kau na ra ai.

YAWSHU 2:10

Nanhte Egutu mung na pru wa myit ai shaloi nanhte a man na Panglai Hkyeng hpe dai Madu kaning rai jahkyet kau ai mung, Yawdan hka a sinpraw hkran na Amori Hkawhkam Sihon hte Oga yan hpe kaning rai sat kau manit dai lam hpe mung, anhte na saga ai.