BU HKAWM 24:1 - Jinghpaw Common Language Bible 2009

¹ Israela amyu masha ni hpe mahtang shaman ya na matu dai Madu shi hpe ra sharawng nga ai gaw Balam chye wu yang, shawng de lamik kumla wunli sa hpyi ai zawn shi n sa mat wu ai. Shi gaw nam mali de myi man yawng nhtawm,

Jinghpaw Hanson Version Bible

¹ Israela kashu kasha ni hpe shaman ya na mahtang Yehowa ra nga ai gaw Balam chye wu jang, lawng hpaji tam na matu shawng de sa ai zawn bai n sa ai sha, nam mali de man yawng yu nga ai.

BU HKAWM 24:1 Iomraidhean Croise

BU HKAWM 22:13

Balam gaw hpang jahpawt e Balak a kasa ni hpe, “Dum nta de bai nhtang wa masu; dai Madu gaw ngai nanhte kaw hkan sa na n hkraw nga ai,” ngu nna tsun wu ai.

BU HKAWM 22:7

Moba hte Midian ningbaw ni gaw shanhte hte rau matsa ya na jahpu gun let Balam hpang de sa nhtawm Balak hkang dat ai ga shi hpe tsun dan ma ai.

BU HKAWM 23:15

Balam gaw Balak hpe, “Ngai wora ang Karai Kasang hpe sa hkrum we ga, nang gaw ndai na a wan nat hkungga makau e naw tsap nga u,” ngu nna tsun wu ai.

BU HKAWM 23:20

Ngai gaw shaman ya na matu shatsam hkrum ni ai; Karai Kasang shaman ya ai hpe ngai shabai lu na n rai.

BU HKAWM 23:23

Israela amyu baw hpe matsa ai hta lawng hpaji, hpyi lamum hpaji hpa mung shang lu na n rai; Ya chyawm gaw masha amyu ni Israela a lam hpe, ‘Yu mu, Karai Kasang shing di kau nu hka!,’ ngu nna kajai na mara ai.

BU HKAWM 23:28

Shing rai nam mali hpe mu mada lu ai Peora bum pungding de Balam hpe woi lung wa wu ai.

BU HKAWM 23:3

Balam gaw Balak hpe, “Dai Madu ngai hpe hkrum na, n hkrum na ngai sa yu ai laman, nang jaw ai wan nat hkungga makau e naw tsap nga u. Shi ngai hpe madun dan ai made ngai nang hpe bai wa tsun dan na de ai,” ngu nna tsun wu ai. Shing rai shi gaw kawng langai mi a pungding de shi chyu sha lung mat wa wu ai rai nna,

BU HKAWM 23:30

Balak mung shi tsun ai hte maren galaw nna tawn hkungri shagu hta usu langai, sagu la langai ngai nawng jau ya wu ai.

BU HKAWM 31:16

Dai numsha ni gaw Balam hpaji daw matsun ai hta hkan nna amyu masha ni hpe woi hkalem nhtawm Peora e dai Madu hpe n kam n sham shangun nga ai hpe dum mu. Dai lam a majaw dai Madu a amyu masha ni hta ana zinli ari hkrum sha lai wa saga ai.

SHINGRAN 2:14

Rai ti mung sumla ni hpe nawng ya ai hkungga shahpa ni hpe sha na hte, nse nsa ngu ai hpye ai amu galaw ai hta Israela masha ni hkan sa nna yubak mara galaw hkra Balak hpe hpaji daw ya ai Balam a sharin shaga ai hta hkan nang ai masha nkau mi, na a hpung hta lawm nga ma ai majaw, nang hpe mara shagun shara loi mi, ngai mu nngai.

1 SAMUELA 24:20

Ya nang gaw Israela hkawhkam tai na ra ai mung, dai mungdan gaw nang up hkang ai npu hta matut nna grin nga na mung, ngai hkrak chye ni ai.

1 SAMUELA 26:2

Shawlu gaw Israela amyu hta na kaja htum ai hpyenla hkying masum hte hpe woi nna Dawi hpe hkan tam na nga, Zihpa nam mali de kalang lata sa mat wa nhtawm,

1 SAMUELA 26:25

Shawlu gaw Dawi hpe, “Nye a kasha e, nang hpe Karai Kasang shaman ya nga u ga law! Nang galaw ai lam shagu awng dang nga lit ga law!,” ngu nna tsun wu ai. Dai rai nna Dawi mung shi a lam de hkawm mat wa nhtawm Shawlu mung shi a nta de nhtang mat wa wu ai.