BU HKAWM 23:3 - Jinghpaw Common Language Bible 2009

³ Balam gaw Balak hpe, “Dai Madu ngai hpe hkrum na, n hkrum na ngai sa yu ai laman, nang jaw ai wan nat hkungga makau e naw tsap nga u. Shi ngai hpe madun dan ai made ngai nang hpe bai wa tsun dan na de ai,” ngu nna tsun wu ai. Shing rai shi gaw kawng langai mi a pungding de shi chyu sha lung mat wa wu ai rai nna,

Jinghpaw Hanson Version Bible

³ Bai Balam gaw, “Nang jaw ai wan nat hkungga makau e naw tsap nga la; ngai kaga de naw sa na nngai; Yehowa ngai hpe hkap tau ra nhten; shi ngai hpe madun ai made ngai nang e wa shana na de ai,” nga nna Balak hpe tsun da nhtawm, krin ai kawng langai mi de lung wa wu ai.

BU HKAWM 23:3 Iomraidhean Croise

NINGPAWT NINGHPANG 22:13

Abraham mung grup yin de mada yu wu yang, sagu la langai mi sumwum hta shi a nrung chya nna dau nga ai hpe mu wu ai. Abraham sa nna dai hpe sa raw la nhtawm shi kasha a malai wan nat hkungga nawng ya wu ai.

NINGPAWT NINGHPANG 22:2

Karai Kasang gaw, “Nang grai tsaw ra ai na a shadang sha shingtai Isak hpe woi nna Moria ga de sa wa su. Ngai nang hpe madun na de ai bum ntsa e, shi hpe shagu hkungga shatai nna ngai hpe nawng jau e,” ngu nna tsun wu ai.

NINGPAWT NINGHPANG 8:20

Noa gaw dai Madu a matu tawn hkungri galaw nhtawm, san seng ai yam nga hte ntsa malen u amyu shagu hte hpe la nna tawn hkungri ntsa e, hkum dingnawng wan nat hkungga nawng jau wu ai.

PRU MAT 18:12

Dai hpang Yehtru mung hkum dingnawng nat nawng na hkungga hte Karai Kasang hpe nawng jau na kaga shagu hkungga ni hpe la sa wu ai rai nna Arun hte Israela ningbaw ni yawng shi hte rau nawku ai kumla hku nna, chyoi pra ai lusha sha na matu pru sa wa ma ai.

JAW JAU 1:1

Dai Madu gaw Mawshe hpe dai Madu a hpung shingkang shanu nga ai Sum kaw nna shaga la nhtawm, Israela masha ni shagu hkungga ni nawng jau ai shaloi,

BU HKAWM 23:12

Shi gaw, “Dai Madu ngai hpe tsun shangun ai hku sha ngai tsun lu nga nngai,” ngu nna htan wu ai.

BU HKAWM 23:15

Balam gaw Balak hpe, “Ngai wora ang Karai Kasang hpe sa hkrum we ga, nang gaw ndai na a wan nat hkungga makau e naw tsap nga u,” ngu nna tsun wu ai.

BU HKAWM 23:2

Balak mung shi tsun ai hte maren galaw wu ai; shi hte Balam mung tawn hkungri shagu hta usu langai hte sagu la langai ngai nawng jau ma ai.

BU HKAWM 23:26

Balam mung, “Dai Madu ngai hpe tsun ai hte maren sha, lam shagu ngai galaw lu na nngai, ngu nna ngai nang hpe tsun yu ni ai n rai ni?,” ngu nna htan wu ai.

BU HKAWM 23:4

Karai Kasang hte wa hkrum wu ai. Shaloi Balam gaw shi hpe, “Ngai gaw tawn hkungri sanit gaw da nna, tawn hkungri shagu hta usu langai hte sagu la langai ngai nat nawng se ai,” ngu nna tsun wu ai.

BU HKAWM 24:1

Israela amyu masha ni hpe mahtang shaman ya na matu dai Madu shi hpe ra sharawng nga ai gaw Balam chye wu yang, shawng de lamik kumla wunli sa hpyi ai zawn shi n sa mat wu ai. Shi gaw nam mali de myi man yawng nhtawm,

MAHTE 4:8

Bai, Nat gaw, nachying tsaw la ai bum ntsa de shi hpe woi lung wa da nna, mungkan ga na mungdan ni hte dai ni a hkik hkam ai arawng sadang hpe, shi hpe madun dan nhtawm,

YAWSHU 24:10

ngai chyawm gaw Balam a ga n madat ya we ai; dai rai nna shi nanhte hpe shaman ya nga ai. Dai hku nna ngai nanhte hpe Balak a lata kaw na hkye mawai la made ai.