BU HKAWM 23:1 - Jinghpaw Common Language Bible 2009

¹ Shi gaw Balak hpe, “Ndai yang e nye a matu tawn hkungri sanit gaw u; dai hpang usu sanit hte sagu la sanit ngai hpang de dun sa wa u,” ngu nna tsun wu ai.

Jinghpaw Hanson Version Bible

¹ Shaloi Balam gaw, “Nang e nye a matu tawn hkungri sanit gaw u; usu sanit hte sagu la sanit mung mazing tawn u,” ngu nna Balak hpe tsun wu ai.

BU HKAWM 23:1 Iomraidhean Croise

2 HKAWHKAM 18:22

Dai Asuri du salang wa gaw matut nna, “Shing n rai, Hezekia gaw dai Madu na a Karai Kasang hpe naw kam hpa nga a ni? Hezekia gaw dai Madu a tawn hkungri ni hte nawku shara langai ngai hta lai nna kaga yawng hpe jahten kau nga nu ni? Shi gaw Yuda hte Yerusalem masha ni hpe shara langai mi hta chyu sha nawku lu na lam n tsun yu a ni?, nga nna nang ngai hpe tsun na n rai ni?

1 HKAWHKAM LABAU 15:26

Shanhte gaw Ga Shaka Sumpu hpai ai Lewi masha ni hpe Karai Kasang karum na wu ai hpe chye wa lu hkra, usu sanit, sagu sanit nawng ya mu ai.

2 HKAWHKAM LABAU 29:21

Hkawhkam dinghku hte Yuda amyu masha ni a shut hpyit mara ni hpe yeng kau na matu hte Nawku Htingnu jasan jaseng na hkungga a matu usu sanit, sagu sanit sagu kasha sanit hte bainam sanit hte hpe shanhte la sa ma ai. Hkawhkam wa gaw tawn hkungri ntsa e yam nga shagu hkungga nawng ya na matu Arun a amyu matu hkinjawng ni hpe tsun wu ai.

YOBA 42:8

Ya, usu sanit hte sagu la sanit Yoba hpang de la sa nna, dai ni hpe nanhte a matu shagu hkungga shatai let nawng ya mu. Shaloi, Yoba gaw nanhte a matu akyu hpyi ya na ra ai; ngai mung shi a akyu hpyi ga hpe htan ya na nngai; nanhte hkam la ging ai ari hte maren ngai kaya n jahkrum na nngai. Nanhte gaw shi galaw ai zawn nye a lam hpe teng man ai hku n tsun nga myit dai,” ngu nna tsun wu ai.

PRU MAT 20:24

Nye a matu chyawm gaw hkungri langai galaw nhtawm, de a ntsa e na a sagu dumsu ni hpe mahku hkungga ngu nna hkum dingnawng nat nawng ai shagu hkungga hpe nawng ya e. Ngai hpe nawku lu na matu mung, shara shagu hkan na a matu shara ni hpe ngai san da ya na de ai. Ngai nang kaw sa nna shaman ya na de ai.

GA SHAGAWP 15:8

Dai Madu gaw mai kaja ai masha ni a akyu hpyi ga hta awng sharawng nga ai; tara n lang ai masha ni la sa ai shagu hkungga ni hpe shi n dawng nga ai.

EZEKELA 33:31

Dai rai nna, nye a amyu masha ni gaw nang tsun na lam hpe madat la na matu sa hpawng nga ma ti mung, nang tsun ai ga hte maren shanhte n hkan galaw nga ma ai. Shanhte nten ni hta ga ngwi ga pyaw ni hte hpring nga ti mung, lawhpa myit marin ai lam ni hta hkan dingyang rai ma ai.

EZEKELA 45:23

Poi galaw ai sanit ya tup hta, shi gaw ra n rawng ai usu sanit hte sagu la sanit hpe dai Madu hpang de nawng ya nhtawm dai ni hpe hkum ting nat nawng na ra ai. Dai sha n-ga, shi gaw mara raw hkungga a matu shani shagu bainam la langai nawng jau na rai nga ai.

BU HKAWM 22:41

Hpang jahpawt e, Balak gaw Israela amyu masha ni hpe loi mi mu mada lu ai Bamot Bala kawng de Balam hpe woi lung wa wu ai.

BU HKAWM 23:2

Balak mung shi tsun ai hte maren galaw wu ai; shi hte Balam mung tawn hkungri shagu hta usu langai hte sagu la langai ngai nawng jau ma ai.

BU HKAWM 23:29

Balam gaw shi hpe, “Nye a matu ndai yang e tawn hkungri sanit gaw nhtawm usu sanit hte sagu la sanit hte hpe mung ngai hpang de dun wa marit,” ngu nna tsun wu ai.

BU HKAWM 23:30

Balak mung shi tsun ai hte maren galaw nna tawn hkungri shagu hta usu langai, sagu la langai ngai nawng jau ya wu ai.

BU HKAWM 29:32

Sanit ya ngu na shani e, ra n rawng ai usu uram sanit, sagu la lahkawng hte laning mi ladu hkrum sai sagu la kasha shi mali hte hpe nawng ya na rai myit dai.

MAHTE 23:13

“Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw masha ni a man e sumsing lamu a chyinghka hpe pat da mu ai. Nanhte nan mung n shang myit dai hte, shang na matu shakut ai ni hpe mung shang na ahkang n jaw myit dai.

YUDA 1:11

Shanhte gaw Ka-in hkan sa ai lam masa hpe hkan sa ma ai majaw shanhte a matu kade hkrithpa rai nga ma hka! ja gumhpraw a majaw Balam galaw shut ai baw mara a lata de shanhte hkum ni hpe ap nawng kau mu ai. Kora gumlau ai zawn shanhte gumlau ma ai majaw, shanhte hpe jahten shaza kau mu ai.

1 SAMUELA 15:22

Samuela gaw, “Dai Madu gaw hpa hpe mahtang ra sharawng a ni? Madat mara ai hpe kun? Shing n rai wan nat hkungga ni hte shagu hkungga ni hpe kun? Shi hpe kaja htum ai sagu nawng jau ya ai hta shi a ga madat mara na gaw grau nna mai kaja nga ai.