BU HKAWM 22:6 - Jinghpaw Common Language Bible 2009

⁶ Shanhte mahtang anhte hta grau law nga ma ai majaw, chyeju hte nye a matu shanhte hpe sa matsa ya e. Shaloi anhte shanhte hpe mahkoi dang kau lu nna, nye a mung kaw na shaden lu nhten; nang gaw shaman ga tsun yang, shaman chyeju hkam la lu ai mung, matsa ga tsun dat yang, matsa ga jung lu ai mung ngai chye nngai.”

Jinghpaw Hanson Version Bible

⁶ Dai rai nna, dai amyu hpe matsa sat na alawan sa rit; shanhte ngai hta n-gun grau ja ma ai: nang matsa ya yang gawm ngai shanhte hpe dang lu nna, nye a mung na shachyut kau lu hkra gasat lu a nhten: kaning rai nme law, nang shaman ai wa shaman chyeju lu ai mung, nang matsa kau ai wa hta matsa shang lu ai mung, ngai chye nngai,” ngu dat wu ai.

BU HKAWM 22:6 Iomraidhean Croise

NINGPAWT NINGHPANG 12:3

Nang hpe shaman ya ai wa hpe ngai shaman ya na nngai, Rai ti mung nang hpe dagam ai wa hpe ngai dagam kau na nngai. Na a marang e, amyu baw yawng hte hpe ngai shaman ya na nngai,” ngu nna tsun wu ai.

NINGPAWT NINGHPANG 27:29

Masha amyu baw ni na a shangun ma ni tai mat mu ga; amyu masha ni mung nang hpe dingnyawm gum dagup nga mu ga. Na amyu matu mara ni yawng hpe nang up hkang nna na ningnu a amyu matu ni na a man e dingnyawm nga mu ga; nang hpe matsa ai ni matsa ai bai hkrum mu ga; nang hpe shaman ai ni shaman ai bai hkrum mu ga,” ngu nna tsun wu ai.

1 HKAWHKAM 22:13

Dai aten hta, Mihkaia hpe sa shaga ai du salang wa gaw shi hpe, “Kaga myihtoi ni yawng mung hkawhkam wa awng dang na lam htoi ya masai, nang mung dai hte maren sha htoi lu yang grau kaja nga ndai,” ngu nna tsun wu ai.

1 HKAWHKAM 22:6

Dai re ai majaw Ahab mung myihtoi mali tsa daram hpe shaga jahpawng tawn nhtawm shanhte hpe, “Ramot mare hpe ngai sa htim gasat ang na kun?,” ngu nna san yu wu ai. Shanhte mung, “Dai mare hpe htim gasat manu; dai Madu gaw nang hpe awng padang jaw na ra ai,” ngu nna htan mu ai.

1 HKAWHKAM 22:8

Ahab chyawm gaw, “Imla a kasha Mihkaia langai mi naw nga nga ai. Rai ti mung shi chyawm gaw nye a matu mai kaja ai lam galoi mung myihtoi n htoi ya ai majaw ngai n dawng nngai. Lama mi hta ra ra sha arai nga ai,” ngu nna htan wu ai. Yehoshahpat mung, “Dai lam nang n tsun sanu ga law!,” ngu nna tsun htang wu ai.

NEHEMIA 13:2

Dai gaw hpa majaw nga yang, Amon hte Moba masha ni gaw Egutu mung kaw nna pru wa ai hkrun lam hta Israela amyu masha ni hpe lusha hte ntsin n jaw ai hta sha n-ga, shing rai galaw na malai, shanhte gaw Israela hpe matsa na matu Balam hpe gumhpraw jaw ma ai; rai ti mung anhte a Karai Kasang gaw matsa mawa ga hpe shaman ga shatai kau ya nu ai.

SHAKAWN KUNGDAWN 109:28

Shanhte gaw ngai hpe dagam nga ma ti mung, nang ngai hpe shaman ya na rin dai; ngai hpe zingri zingrat di ai ni sum mat mu ga, na a shangun ma ngai chyawm gaw kabu gara lu n ga.

GA SHAGAWP 26:2

Dagam dala ga ni gaw nang dai hpe gingdan ai sha n rai yang, nang hpe n hkra lu nga ai. Dai gaw galoi mung n dung ai sha pyen hkawm ai ntsa malen u ni zawn rai ma ai.

EZEKELA 13:6

Shanhte mu ai myit shingran ni gaw n teng n man nga ai; shanhte a myihtoi ga ni mung masu magaw ga ni sha rai nga ai. Shanhte gaw nye a myihtoi ga ni hpe tsun nga ga ai nga nna tsun nga ma ti mung, shanhte hpe ngai shangun ai n rai. Ti mung, shanhte gaw shanhte htoi ai ga teng teng dik wa na hpe myit mada nga ma ai.

MIHKA 6:5

Nye a amyu masha ni e, Moba Hkawhkam Balak gara hku hpaji daw ai lam hte Beora a kasha Balam shi hpe gara hku htan ai ga dum nga u. Akasia dabang kaw nna Gilgala dabang lapran na hkrun lam hta byin lai wa sai lam ni hpe dum u. Nang gaw ndai lam ni hpe dum nna nang hpe hkye hkrang la na matu ngai galaw lai wa sai amu ni hpe nang bai chye wa lu na ndai,” nga nna tsun ai.

BU HKAWM 22:12

Karai Kasang gaw Balam hpe, “Dai masha ni hte rau sa wa lu na n rai; Israela amyu masha ni hpe matsa lu na n rai; hpa majaw nga yang, shanhte gaw nye a shaman chyeju lu la ai ni rai nga ma ai,” ngu nna tsun wu ai.

BU HKAWM 22:17

Ngai nang hpe grai di shagrau na de ai. Nang tsun ai ga hpa hpe mung ngai hkan galaw ya na nngai. Chyeju hte sa nna nye a matu ndai masha ni hpe matsa ya e.”

BU HKAWM 23:13

Dai hpang Balak gaw Balam hpe, “Israela masha nkau mi hpe sha nang mu lu na shara kaga de ngai hte rau htawt sa wa ga. Dai yang kaw na, nye a matu shanhte hpe matsa ya e,” ngu nna tsun wu ai.

BU HKAWM 23:27

Balak gaw, “Ngai hte rau sa rit, nang hpe kaga shara de naw woi sa de ga. Dai yang e nye a matu shanhte hpe matsa ya na Karai Kasang mahkoi hkraw dam nhten!,” ngu nna tsun wu ai.

BU HKAWM 24:9

Dai amyu baw ni gaw chyalai n-gun rawng ai Hkanghkyi hte bung nna, shi yup nga yang kadai mung n jasu gwi nga ai. Israela hpe shaman ai wa kadai mung shaman ai hkrum nga u ga; Israela hpe matsa ai wa kadai mung matsa ai hkrum nga u ga law.”

KASA 16:16

Lani mi hta anhte gaw akyu hpyi ai shara de sa wa nga yang, gumhpan lu ai nat shung nga ai mayam num langai mi hte hkrum ga ai. Shi gaw dai zawn gumhpan hpan ai hte shi a madu ni hpe gumhpraw grai lu shangun ai wa rai nga ai.

TARA JAHPRANG 23:4

Nanhte Egutu mung na pru wa myit dai shaloi, malu masha hte lu hka ntsin nanhte hpe n hkap jaw ma ai majaw mung, nanhte hpe hkap matsa na matu Mesopotamia mung Pehtora mare na Beora a kasha Balam hpe saw shaga da ma ai.

YAWSHU 24:9

Shaloi Moba Hkawhkam Zipora a kasha Balak rawt nna nanhte hpe hkap gasat wu ai. Beora a kasha Balam hpe shaga shangun dat nna nanhte hpe matsa shangun wu ti mung,

1 SAMUELA 17:43

Shi gaw Dawi hpe, “Dai dawhkrawng gaw hpa baw a matu rai lit ni? Ngai hpe gwi zawn nawn da nu ni?,” ngu nna tsun wu ai. Shi gaw shi a hpara mying gang let Dawi hpe dagam wu ai.