BU HKAWM 22:5 - Jinghpaw Common Language Bible 2009

⁵ Beora a kasha Balam hpe shaga na matu, dai wa nga ai Amaw mung na Uhprat hka nu makau na Petora mare de kasa ni hpe shangun dat wu ai. Shanhte mung Balak kaw na dai ga shi kaw la sa ya mu ai; “Egutu mung na du lung wa ai amyu baw ting a lam hpe ngai chye mayu nngai; dai ni gaw shara shagu hkan pat rap rai nna anhte a mung hpe la kau na matu jahkrit shama nga masai.

Jinghpaw Hanson Version Bible

⁵ Ya Balak gaw, Beora kasha Balam hpe shaga na matu, dai wa a amyu masha ni a nga ai mung na Hka makau e nga ai Petora mare de kasa shangun dat nna tsun dat wu ai gaw, “Yu u, Egutu mung na du lung wa ai masha amyu mi nga nga ai: shanhte ga ting pat rai nna nye a makau e but nga ma ai.

BU HKAWM 22:5 Iomraidhean Croise

NINGPAWT NINGHPANG 13:16

Na a amyu matu mara ni hpe ngai shalaw jahtam na nngai; kadai mung shanhte yawng hpe dang hti lu na mara ai n rai; dai gaw ga ntsa e taw ai ga nhpu ni hpe n dang hti ai zawn law htam na mara ai.

SHAKAWN KUNGDAWN 105:24

Dai Madu gaw shi a amyu masha ni hpe kashu kasha law law mayat maya shangun nna; shanhte a gumlau hpyen ni hta grau nna, n-gun ja wa shangun nga ai.

PRU MAT 10:15

Dai ni gaw lamu ga chyang mat hkra ga ting hpe galup kau nna, sin e n hkra hkrup ai mung ting na arai yawng mayawng hte namsi hpun yawng mayawng sha kau ma ai. Egutu mung ting hta tsit lali ai hpun hte hkai nmai ni langai mi mung n ngam mat malu ai.

MIHKA 6:5

Nye a amyu masha ni e, Moba Hkawhkam Balak gara hku hpaji daw ai lam hte Beora a kasha Balam shi hpe gara hku htan ai ga dum nga u. Akasia dabang kaw nna Gilgala dabang lapran na hkrun lam hta byin lai wa sai lam ni hpe dum u. Nang gaw ndai lam ni hpe dum nna nang hpe hkye hkrang la na matu ngai galaw lai wa sai amu ni hpe nang bai chye wa lu na ndai,” nga nna tsun ai.

BU HKAWM 23:7

Balam gaw ndai myihtoi ga hpe tsun hpaw dat wu ai: “Moba Hkawhkam Balak gaw Suri mung sinpraw Maga nga ai bum dinghkang kaw na ngai hpe woi la nu ai. Shi gaw, ‘Nye a matu sa tsun ya e, Israela amyu masha ni hpe matsa kau ya e,’ nga nna tsun nu ai.

BU HKAWM 31:8

Midian hkawhkam manga rai nga ai Ewi, Rekem, Zura, Hura hte Reba ni lawm hkra sat kau ma ai. Beora a kasha Balam hpe mung sat kau ma ai.

TARA JAHPRANG 23:4

Nanhte Egutu mung na pru wa myit dai shaloi, malu masha hte lu hka ntsin nanhte hpe n hkap jaw ma ai majaw mung, nanhte hpe hkap matsa na matu Mesopotamia mung Pehtora mare na Beora a kasha Balam hpe saw shaga da ma ai.

TARA JAHPRANG 23:5

Rai ti mung dai Madu nanhte a Karai Kasang gaw Balam a ga n madat ai sha, shing di na malai shi nang hpe tsaw ra nga ai majaw dagam ai hpe shaman ai shatai kau ya wu ai.

YAWSHU 13:22

Beora a shadang sha lakle sara Balam hpe mung dai ni hte rau sat kau ma ai.

YAWSHU 24:9

Shaloi Moba Hkawhkam Zipora a kasha Balak rawt nna nanhte hpe hkap gasat wu ai. Beora a kasha Balam hpe shaga shangun dat nna nanhte hpe matsa shangun wu ti mung,

YUDA 1:11

Shanhte gaw Ka-in hkan sa ai lam masa hpe hkan sa ma ai majaw shanhte a matu kade hkrithpa rai nga ma hka! ja gumhpraw a majaw Balam galaw shut ai baw mara a lata de shanhte hkum ni hpe ap nawng kau mu ai. Kora gumlau ai zawn shanhte gumlau ma ai majaw, shanhte hpe jahten shaza kau mu ai.

SHINGRAN 2:14

Rai ti mung sumla ni hpe nawng ya ai hkungga shahpa ni hpe sha na hte, nse nsa ngu ai hpye ai amu galaw ai hta Israela masha ni hkan sa nna yubak mara galaw hkra Balak hpe hpaji daw ya ai Balam a sharin shaga ai hta hkan nang ai masha nkau mi, na a hpung hta lawm nga ma ai majaw, nang hpe mara shagun shara loi mi, ngai mu nngai.