BU HKAWM 20:8 - Jinghpaw Common Language Bible 2009

⁸ “Ga Shaka Sumpu a man na dawhkrawng la u; dai hpang nang hte Arun gaw shawa hpung ting hpe jahpawng tawn da na rai myit dai. Shaloi shanhte yawng a man e dai nlung kaw na hka shapraw ya na lam tsun na rai ndai; hka mung dai kaw na kahpawk pru wa na ra ai. Ndai hku nna amyu masha ni a matu nlung kaw na hka pru wa nhtawm shanhte mung, yam nga ni mung lu lu na rai ma ai,” ngu nna tsun wu ai.

Jinghpaw Hanson Version Bible

⁸ “Dai dawhkrawng la nna, na nhpu Arun hte sa nhtawm shawa hpawng hpe jahpawng tawn u: shing rai shanhte a man e dai nlung hpe, tinang a ntsin shapraw na tsun u; shaloi dai nlung hta na nang shanhte a matu ntsin shapraw lu na ra ai; shing rai, dai shawa hpung hta shanhte a yamnga ni hpe nang ntsin jaw lu lu na ra ai,” ngu wu ai.

BU HKAWM 20:8 Iomraidhean Croise

NINGPAWT NINGHPANG 18:14

Dai Madu n dang galaw lu ai amu nga nga a ni? Ngai tsun da sai hte maren, ya kaw nna shata jahku du jang, ngai bai du na ring ngai, dai shaloi Sara gaw shadang sha langai mi lu na ra ai,” ngu nna tsun wu ai.

NEHEMIA 9:15

“Shanhte kawsi hkrum yang, nang gaw shanhte hpe sumsing lamu na muk, shanhte hpang gara hkrum yang, lunghkrung kaw na hka, jaw nga ndai. Shanhte hpe jaw na ngu nang ga sadi jaw da sai dai mung hpe madu lu na lam nang shanhte hpe tsun nit dai.

SHAKAWN KUNGDAWN 105:41

Shi gaw lunghkrung hpe hpaw dat nna hka ni kapaw pru wa nhtawm; hkun hkraw ai shara hkan, hka nu langai mi zawn lwi nga ai.

SHAKAWN KUNGDAWN 114:8

Shi gaw nlung bum ni hpe nawng ing, lunghkrung ni hpe lwi nga ai hka hpawk shara ni shatai kau nu ai.

SHAKAWN KUNGDAWN 33:9

Shi ga shaga dat ai shaloi, mungkan ga byin pru wa sai; shi a hkang da ai mungga a jaw e, arai yawng mayawng dan pru wa sai.

PRU MAT 14:16

Na a dawhkrawng sharawt nna panglai ntsa e ladawn dat u; shaloi dai hka gaw garan mat nna Israela amyu masha ni dai panglai hta hkun hkraw ai ga ntsa hku hkawm sa wa lu na mara ai.

PRU MAT 17:9

Mawshe gaw Yawshu hpe, “Lasha nkau mi hpe lata shaw la nna Amalek masha ni hpe hpawt de sa htim gasat su; ngai mung Karai Kasang lang shangun ai dawhkrawng lang nna, kawng pungding e tsap nga na nngai,” ngu nna tsun wu ai.

PRU MAT 4:17

Ndai dawhkrawng hpe mung nang hte rau lang da u; dai hte mahtang mauhpa lamik kumla ni hpe shabyin lu na rai ndai,” ngu nna tsun wu ai.

PRU MAT 4:2

Dai rai nna dai Madu gaw shi hpe, “Nang lang da ai gaw hpa rai nga lit ta?,” ngu nna san wu ai. Shi mung dai gaw, “Dawhkrawng langai rai nga ai,” ngu nna htan wu ai.

PRU MAT 4:20

Dai rai nna Mawshe gaw shi a madu jan hte shadang sha yan hpe woi nna lawze hta shajawn nhtawm shanhte hte rau Egutu mung de sa wa ma ai. Karai Kasang shi hpe tsun da nu ai hte maren dawhkrawng hpe mung shi lang da wu ai.

PRU MAT 7:20

Dai hpang Mawshe yan Arun gaw dai Madu hkang da ai hte maren galaw ma ai. Arun mung shi a dawhkrawng sharawt nna hkawhkam wa hte shi a du salang ni a man e, hka nu a hka man hpe kayat dat wu yang, hka nu hka ni yawng asai tai mat nga ai.

ESAIA 43:20

Zaibru jang hta hka nu ni hpe shalwi dat nna lata la hkrum ai nye a amyu masha ni hpe hka jaw ai shaloi, matse labye dusat ni pyi ngai hpe shagrau sha-a nna gwi ma-a ni hte gawla-uk u ni ngai hpe shakawn kungdawn na mara ai.

ESAIA 48:21

Dai Madu gaw shi a amyu masha ni hpe kahtet nna hkun hkraw ai zaibru jang hku woi wa yang, shanhte hpang gara hkrum ma ai n rai. Shi gaw shanhte a matu lunghkrung kaw na hka shapraw ya nu ai; shi gaw lunghkrung hpe kayat hpaw nna hka lwi shangun wu ai.

BU HKAWM 20:11

Dai hpang Mawshe gaw dawhkrawng sharawt nna dai lunghkrung hpe lahkawng lang kayat dat wu ai hte hka shi kaba langai kahpawk pru wa nhtawm amyu masha ni yawng hte yam nga ni hka lu lu ma ai.

BU HKAWM 20:7

Dai Madu gaw Mawshe hpe,

BU HKAWM 21:15

Arnon hka hte Moba lamu ga jarit maga, Ara mare du hkra rwi rai hkrat wa ai kadit ni,” nga nna dai Madu a hpyen majan laika hta tsun kajai nga ai.

BU HKAWM 21:18

Hka htung dai hpe hkawhkam shadang sha ni hte Amyu masha ni a ningbaw ni htu ma ai, Hkawhkam sumdoi hte shanhte a dawhkrawng Ni hte htu manu ai.” Shanhte gaw nam mali kaw nna

MAHTE 21:21

Yesu gaw, “Ngai nanhte hpe teng teng tsun made ga, nanhte hta kam shut ai myit n lawm ai sha kam sham myit yang gaw, ndai maihpang hpun hpe ngai galaw ai zawn nanhte galaw lu na myit dai. Dai hta n ga, ndai bum hpe, ‘Nang baw mat nna, nawng hta e htawt bang mat u,’ ngu nna nanhte tsun mu yang dai byin na ra ai.

LUKA 11:13

Nanhte n hkru n kaja nga myit dai ni pyi, tinang a kasha ni hpe kaja ai kumhpa chye jaw myit yang gaw, dai hta grau nna sumsing lamu na Kawa gaw shi e hpyi ai ni hpe dai Chyoi Pra Ai Wenyi jaw na n rai hka!,” ngu nna tsun wu ai.

YAWHAN 16:24

Ya du hkra nanhte nye a mying gang nna hpa mung n hpyi yu myit dai; nanhte a kabu gara ai lam hpring tup hkra lu la na matu hpyi nga mu; hpyi ai hte maren nanhte lu la na marin dai.

KASA 1:14

Shanhte nlang hte gaw, Yesu a kanu Mari hte kaga numsha ni mung shi a kanau ni hte mung, akyu hpyi na matu ya sha ya sha myit mang langai sha hte hpawng nga ma ai.

YAWSHU 6:20

Shing rai hkinjawng ni pahtau dum dat mu ai hpe shawa masha ni na ma yang, shanhte ja ja jahtau garu dat mu ai hte mare bunghku ni daw ru mat wa nga ai; dai hpang hpyen luksuk ni yawng mung dai mare de da nga ai kawng ang ang de lung wa nhtawm dai hpe madu la ma ai.

YAWSHU 6:5

Dai hpang, shanhte gaw pahtau nsen galu dum dat mu ai shaloi, dai nsen na ai shaloi jang, masha nlang a nsen shaja nna jahtau dat na rai ma ai; shing rai jang mare bunghku ni daw ru mat na ra ai. Dai hpang hpyen luksuk ting gaw tinang a man ang ai hku mare kata de shang wa na rai ma ai,” ngu nna tsun wu ai.

SHINGRAN 22:1

Bai, lamu kasa gaw Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi hkrat wa ai pat zawn htoi san ai asak hkrung ai hka a hka nu hpe ngai e madun nngai.

SHINGRAN 22:17

Dai Wenyi hte Num Ningnan gaw, “Sa rit!,” nga ma ai. Dai hpe na la ai wa kadai mung, “Sa rit!,” nga lu na rai nga ai. Hpang gara ai wa kadai mung sa ru ga; Asak ntsin hpe ra ai wa kadai mung, manu jahpu n hkrat ai kumhpa hku hkap la u ga.