BU HKAWM 20:21 - Jinghpaw Common Language Bible 2009

²¹ Israela masha ni shanhte a lamu ga hku ga lai wa na lam Edom masha ni ahkang n jaw ma ai majaw Israela masha ni yen kau da nhtawm kaga lam hku sa mat wa ma ai.

Jinghpaw Hanson Version Bible

²¹ Shing rai Edom wa Israela hpe shi a mung ga lai na ahkang n jaw wu ai rai nna, Israela gaw shi hpe yen da wu ai.

BU HKAWM 20:21 Iomraidhean Croise

2 HKAWHKAM LABAU 20:10

“Ya chyawm gaw Amon, Moba hte Edom masha ni anhte hpe gasat mani ai. Anhte a kaji kawa ni Egutu mung kaw nna pru wa ma ai shaloi dai mungdan ni de shang na ahkang nang n jaw ndai majaw anhte kaji kawa ni koi kau da ai hte shanhte hpe n jahten sharun kau da nga ai.

BU HKAWM 21:23

Rai ti mung Sihon mahtang Israela amyu masha ni hpe shi a mung hku ga lai na ahkang n jaw wu ai. Shi chyawm gaw shi a hpyen luksuk hpe shinggyin la nhtawm nam mali na Yahaza mare de pru sa nhtawm Israela amyu masha ni hpe htim gasat wu ai.

BU HKAWM 21:4

Israela masha ni gaw Hora Bum na pru wa nhtawm Edom mung hpe hkawm gawai mat wa na matu, Nawng Hkyeng lam hkan nna hkawm sa wa ma ai. Rai ti mung amyu masha ni mahtang shanhte hkawm sa wa ai hkrun lam hta n hkam sharang lu ma ai majaw Karai Kasang hte Mawshe hpe gumlau ma ai.

TARA JAHPRANG 2:27

‘Na a mungdan hku anhte ga lai wa lu mi ga; anhte gaw nmaw lam dingyang sha lai sa nna, lam numshe n shang na ga ai.

TARA JAHPRANG 23:7

“Edom masha ni hpe chyawm gaw n kaw n law hkum rai myit; shanhte gaw nanhte a kahpu kanau ni rai ma ai. Egutu masha ni hpe mung n sawn n sang hkum rai myit; shanhte a mungdan hta nanhte nga yu manit dai.

TARA AGYI 11:17

Dai hpang Edom hkawhkam hpang de shanhte kasa shangun dat nhtawm shi a mungdan hku ga lai wa na ahkang hpyi ma ai. Rai ti mung Edom hkawhkam gaw shanhte hpe ahkang jaw ai n rai; dai zawn Moba hkawhkam hpang de mung ahkang hpyi yu mu yang, shi a mungdan hku ga lai wa na ahkang shanhte hpe n jaw ma ai; dai rai nna Israela masha ni Kadesha mare e nga nga ma ai.

TARA AGYI 11:18

Dai hpang shanhte gaw nam mali hku ga sa wa let Moba mung a sinpraw maga, Arnon hka wora hkran de du hkra Edom hte Moba mung ni hpe gawai let hkawm sa wa ma ai. Dai yang hkan shanhte dap jung ma ai; rai ti mung dai shara gaw Moba a lamu ga jarit rai nga ai majaw Arnon hka hpe n rap ma ai.

TARA AGYI 11:24

Ya dai hpe nang bai madu la na shakut mayu nga n ni? Na a hpara Hkemosha nang hpe jaw ai made nang madu la lu na ndai; rai ti mung dai Madu anhte a Karai Kasang anhte hpe jaw mi ai hte maren, anhte gaw lam magup hpe madu la na rai ga ai.