BU HKAWM 2:2 - Jinghpaw Common Language Bible 2009

² Israela amyu masha ni dap sharawt ai shaloi langai hte langai gaw tinang nang a hpung hte seng ai dawnghkawn hte tinang nang a amyu lakung dawnglap npu e sharawt na rai ma ai. Dai dap dabang ni gaw Sum a grup yin hta but nga na rai ma ai.

Jinghpaw Hanson Version Bible

² “Israela kashu kasha ni langai hte langai gaw tinang hpung hte seng ai dawnghkawn hte tinang dap ni hte seng ai dawnglap makau e, dai shawa sum de man yawng nna, dai hpe grup di dap de na rai mu ai.”

BU HKAWM 2:2 Iomraidhean Croise

SHAKAWN KUNGDAWN 74:4

Na a gumlau hpyen ni gaw awng padang ninglaw hpe Htingnu kata hta jahtau garu nga ma ai; shanhte a dawnghkawn ni hpe mung awng padang kumla hku nna dai shara ni hta jung da nga ma ai.

SHAKAWN KUNGDAWN 76:11

Dai Madu na a Karai Kasang hpe nang jaw da ai ga sadi hte maren jaw ya u; makau grup yin hta nga nga ai masha amyu baw ni yawng hte e, shi hpe kumhpaw kumhpa sak jaw mu. Karai Kasang gaw masha ni, hpe hkrit kamyin shangun nga ai;

ESAIA 12:6

Ziun e nga ai masha shagu hte gaw marawn jahtau ai hte mahkawn mangoi nga mu ga! Israela a chyoi pra ai Karai Kasang gaw galu kaba nga ai, shi gaw shi a amyu masha ni a lapran e nga nga ai,” ngu nna mahkawn mangoi ai nhtoi du wa nga sai.

ESAIA 18:3

Ginding aga ntsa ting hta nga ai masha shagu hte e, madat mu! Bum pungding ntsa e sharawt da na kumla dawnghkawn hpe yu yu mu! Pahtau dum ai nsen hpe madat mu!

EZEKELA 43:7

“Si chye ai masha wa e, ndai gaw nye a tingnyang rai li ai. Ndai yang e, Israela amyu masha ni hte rau ngai shanu nga nna shanhte hpe htani htana up hkang nga na nngai. Israela amyu masha ni hte shanhte a hkawhkam ni gaw karai shaje ni hpe nawku ai hku nna mung, shanhte a hkawhkam ni a si mang ni a makau hkan e mung, nye a chyoi pra ai mying ningsang hpe awu asin bai di lu na mara ai n rai.

ZEHKARIA 9:16

Dai nhtoi du jang, Madu gaw shi a amyu masha ni hpe, sagu rem wa gaw sagu hpung hpe hkrithpa shara kaw na hkye la ai zawn hkye la na ra ai. Shanhte gaw shi a mungdan hta lung seng janmau zawn htoi tu na mara ai.

BU HKAWM 1:50

Shing di na malai, nye a hpung shingkang shanu nga ai Sum hte dai hte seng ai arung arai ni yawng hte seng ai amu hta Lewi masha ni hpe hpareng shangun na rai ndai. Shanhte gaw dai Sum hte de a arung arai ni yawng hpe hpai nna dai hta daw jau ai amu gun let Sum a grup yin hta shanhte a dap dabang hpe gap nna but nga na rai ma ai.

BU HKAWM 10:14

shanhte hkawm sa ai aten shagu hkang da ai hte maren hkan galaw ma ai. Dai hpung dawwa ni gaw dawnghkawn npu e Yuda amyu bawsang ni lam shawng let Aminadab a kasha Nashon woi awn ai hku hpung hte hpung rawt sa wa ma ai.

BU HKAWM 10:18

Dai ni a hpang e, Rubin amyu bawsang ni gaw dai hpung dawwa a dawnghkawn npu hta Shedura a kasha Elizura woi awn ai hku, hpung hte hpung rawt sa wa na rai ma ai.

BU HKAWM 10:22

Dai ni a hpang e, Ehprim a amyu bawsang ni dai hpung dawwa a dawnghkawn npu hta Amihu a kasha Elishama woi awn ai hku hpung hte hpung rawt sa wa na rai ma ai.

BU HKAWM 10:25

Hpang jahtum ngu na dap gaw Dan a amyu bawsang ni rai nna dai hpung dawwa a dawnghkawn npu hta hpung yawng hpe makawp maga ai hku nna Amishadi a kasha Ahiza woi awn ai hte hpung hte hpung rawt sa wa na rai ma ai.

BU HKAWM 2:1

Dai Madu gaw Mawshe yan Arun hpe amyu masha ni hkan sa na matsun maroi ga ni jaw ya wu ai.

BU HKAWM 2:10

Dingda maga na Rubin hpung a dawnghkawn npu hta but na shanhte a hpung ni hte ningbaw ni gaw lawu de na chyarang hte maren rai nga ai: Amyu Bawsang Ningbaw Hti Hkum Rubin Shedura a kasha Elizura 46,500 Simun Zurishadi a kasha Shelumila 59,300 Gad Duela a kasha Eliasap 45,650 Yawng: 151,450 Ndai ni gaw lahkawng ngu na hta hkan na Rubin hpung ni rai ma ai.

BU HKAWM 2:3

Sinpraw maga na Yuda hpung a dawnghkawn npu hta but na shanhte a hpung ni hte ningbaw ni gaw lawu de na chyarang hte maren rai nga ai: Amyu Bawsang Ningbaw Hti Hkum Yuda Aminadab a kasha Nashon 74,600 Yisahka Zua a kasha Nehtanela 54,400 Zebulun Helon a kasha Eliaba 57,400 Yawng: 186,400 Ndai ni gaw yawng a shawng numshawn pru na Yuda hpung ni rai ma ai.

BU HKAWM 24:2

Israela amyu masha ni amyu dap hku hkan nna but nga ma ai hpe mu wu ai. Karai Kasang a wenyi gaw shi hpe

1 KORINHTU 14:33

Hpa majaw nga yang, Karai Kasang gaw kashuk kashak lam a Karai Kasang n re ai sha, ngwi pyaw sim sa lam a Karai Kasang she rai nga ai.

1 KORINHTU 14:40

Lam shagu hpe htap htuk ai hte jaw hkrak ai hku galaw sa wa mu.

HPILIPI 1:27

Ya e nanhte a matu grau nna ra ahkyak dik ai lam gaw Hkristu a kabu gara shiga e hkan sa shangun ai hte maren asak hkrung nga pra na lam rai nga ai. Shing rai jang ngai nanhte hpang de sa du ai rai ti mung, n du lu ai rai ti mung, Wenyi e yaw shada ai lam langai sha hte nanhte lahpran tsap nga nna, myit ra sharawng ai lam langai sha hte dai kabu gara shiga a makam masham lam ngang grin galu kaba wa na matu rau sha majan jawm gasat nga ai lam hpe ngai na lu na nngai.

KOLOSE 2:19

Shanhte gaw hkum hkrang a baw ngu ai Hkristu hpe manoi manat ai lam n nga mat masai. Nra hkrihkraw hte lamyi laman, lasaw lasa ni e shachyaw jum da ai hkum hkrang ting gaw Hkristu ngu ai baw kaw na sha hpa hpe hkam la nna Karai Kasang a myit ra ai lam hte maren kaba wa nga ai.

YAWSHU 3:4

Nanhte gaw shawng de galoi mung ndai lam hku garai n lai yu myit dai majaw gara lam hku hkawm sa na lam shanhte lam madun dan na mara ai. Rai ti mung Ga Shaka Sumpu de shani lu na myit dai n rai; Sumpu a hpang deng ka-ang hkup gang nna hkan nang na rai myit dai,” ngu nna tsun mu ai.