BU HKAWM 19:9 - Jinghpaw Common Language Bible 2009

⁹ Dai hpang san seng ai masha langai gaw dai dumsu wan wu ni sa magawn la nna dap shinggan na san seng ai shara e sa tawn da na rai wu ai. Dai hpe Israela amyu ting a matu jasan jaseng ai ntsin hpaw la ai shara hta shanhte kyem da na rai ma ai. Dai gaw yubak mara la kau ya ai lai rai nga ai.

Jinghpaw Hanson Version Bible

⁹ Dai upra a wan wu hpe san seng ai masha langai ngai sa magawn la nna, dap shinggan seng ai shara e tawn da na rai wu ai; dai hpe Israela kashu kasha ni a shawa hpung a shawan shasan ai ntsin hpaw la na matu kyem da na rai mu ai: dai gaw htingrai hkungga rai nga ai.

BU HKAWM 19:9 Iomraidhean Croise

JAW JAU 15:20

Shi a num hking sa nga ai laman, shi dung kaleng ai hpa hta mung n san n seng nga ai; shi a yup ra hte shi dung ai arai sa hkra ai wa kadai mung,

ZEHKARIA 13:1

Chyahtum Chyalai N-gun rawng ai dai Madu gaw, “Dai aten du jang, Dawi a amyu matu mara ni hte Yerusalem mare masha ni a yubak mara hte hpara sumla nawku ai htung lai len jasan jaseng kau na hka hpawk langai pru wa na ra ai.

BU HKAWM 19:13

Si mang hkra ai wa kadai mung tinang hkum hpe n jasan ai sha naw nga nga ai wa gaw shi hkum hpe hka n jaw bun ai majaw n san n seng nga ai. Shanhte gaw dai Madu a Sum hpe awu asin di ma ai rai nna shing re ai wa gaw Karai Kasang a amyu masha kaw na sumri dan kau ai hkrum na rai wu ai.

BU HKAWM 19:17

N san n seng ai hpe la kau na matu dumsu hkyeng nat la ai htingrai hkungga wan wu loi mi la nhtawm di bu langai hta bang nna hka san jat bang na rai nga ai.

BU HKAWM 19:18

Shawng na lang hta san seng ai wa gaw kungla pu matsun langai la nna hka hta tsing la nhtawm sum hpe mung, dai hta rawng ai arai ni yawng hpe mung, dai yang ma masha ni hpe mung, lapri bun na rai wu ai. Lahkawng lang ngu na hta san seng ai wa gaw masha nrut nra, si mang hte lup re ai ni hpe hkra ai wa hpe lapri bun na rai wu ai.

BU HKAWM 19:3

shanhte gaw dai hpe hkinjawng Eleaza hpang de sa ap ya na rai ma ai. Dai hpe dap shinggan de shapraw la nna shi a man e sat na rai wu ai.

BU HKAWM 19:8

Dai dumsu nat ai wa mung shi a hpun palawng ni hpe hkrut nhtawm hkum shin kau lu na rai wu ai; rai ti mung shana de du hkra shi gaw n san n seng naw rai nga ai.

BU HKAWM 6:12

Dai shani jang, shi a kara hpe Nazari tai nga yang na zawn dai Madu a matu bai ap nawng na rai wu ai. Shi ap nawng da ai kara wu sin mat ai majaw lai sai aten ladaw hpe sawn ya na n rai. Mara raw hkungga a matu laning mi ladu hkrum sai sagu la langai la sa na rai wu ai.

BU HKAWM 8:7

jasan jaseng ai hka hte shanhte hpe lapri bun nna shanhte a hkum ting na mun shangun kau na hte hpun palawng ni hpe hkrut kau na lam tsun u. Dai hpang shanhte san seng wa na mara ai.

BU HKAWM 9:13

Rai ti mung n san n seng ai hte sumtsan n hkawm ai sha dai Shalai Wa Ai Poi hpe n galaw ai wa kadai mung ladaw da ya ai aten hta nye a matu hkungga n nawng ya ai majaw nye a amyu masha hta na sumri dan kau ai hkrum na rai wu ai. Shi gaw yubak mara a nni nkri hkam sha lu na rai wu ai.

2 KORINHTU 5:21

Hkristu gaw yubak mara n kap ai wa rai nga ai, rai ti mung anhte gaw Hkristu hte langai sha tai wa nna Karai Kasang a ding hpring ai hpe hkam la na matu, Karai Kasang gaw Hkristu hpe anhte a matu mara anhte zawn yubak lu ai wa shatai wu ai.

2 KORINHTU 7:1

Tsaw ra ai jinghku ni e, ndai ga sadi ni yawng gaw anhte hpe jaw da ai rai nga ai. Dai re ai majaw anhte gaw hkum hkrang hte wenyi hpe awu asin di kau ai matsat shabat nga manga hta na tinang hkum hpe jasan jaseng kau nhtawm Karai Kasang hpe hkrit hkungga let chyoi pra htum ai hku asak hkrung nga ga.

HEBRE 7:26

Dai rai nna Yesu gaw anhte hta byin nga ai ra kadawn ai lam ni hpe karum kapa ya ai, anhte a matu hkrak ai Hkinjawng Agyi Kaba wa rai nga ai. Shi gaw chyoi pra san seng nna shi hta shut ai lam shing n rai yubak mara hpa mung n rawng nga ai; shi gaw yubak lu ai ni hta n lawm ai sha ginhka la nna sumsing lamu du hkra shagrau shatsaw da hkrum ai wa rai nga ai.

HEBRE 9:13

Bainam sai, usu sai, wan nat kau sai nga upra a wan wu ni hpe nawku daw jau ai htung tara hku sawn yang awu asin rai mat ai masha ni a ntsa e lapri bun yang, shanhte a awu asin re ai hpe shachyoi shapra ya lu ai teng yang gaw,