BU HKAWM 19:10 - Jinghpaw Common Language Bible 2009

¹⁰ Wan wu sa magawn la ai wa mung shi a hpun palawng ni hkrut kau lu na rai wu ai; rai ti mung shi gaw shana de du hkra n san n seng naw rai nga ai. Ndai tara gaw Israela amyu masha ni a matu mung, shanhte a lapran hta hkan shanu nga ai maigan masha ni a matu mung prat dingsa hkan nga na shagrin da sai matsun maroi rai nga ai.

Jinghpaw Hanson Version Bible

¹⁰ Dai upra wan wu sa magawn tawn ai wa mung, shi a hpun palawng hkrut na rai wu ai; shana de du hkra n san n seng rai nga ai: dai hte gaw Israela kashu kasha ni a matu mung, shingbyi nga ai amyu kaga ni a matu mung, prat dingsa hkan nga na matsun maroi rai nga ai.

BU HKAWM 19:10 Iomraidhean Croise

PRU MAT 12:49

Dai tara ni mahtang Israela mungchying masha ni a matu mung, maren sha rai nga ai,” ngu nna tsun wu ai.

JAW JAU 14:46

Nta naw la da ai laman hte yang, kata de shang ai wa kadai mung shana de du hkra n san n seng nga ai.

JAW JAU 16:28

Dai ni hpe sa nat kau ai wa mung shi a hpun palawng ni hkrut kau nna dap de garai n shang wa yang hka shin na rai wu ai.

BU HKAWM 19:19

San seng ai wa gaw n san n seng ai wa hpe masum ya shani mung, sanit ya shani mung lapri bun na rai wu ai. Sanit ya du ai shani hta shi gaw dai wa hpe jasan jaseng na rai wu ai. Dai wa mung shi a hpun palawng ni hkrut nhtawm hka shin kau ai hte shana de du jang san seng na ra ai.

BU HKAWM 19:21

Nanhte gaw ndai tara hpe prat dingsa hkan sa na rai myit dai. Jasan jaseng ai ntsin lapri ai wa mung shi a hpun palawng hkrut kau na rai wu ai. Ntsin dai hpe hkra ai wa kadai mung shana de du hkra n san n seng naw rai nga ai.

KOLOSE 3:11

De a majaw, Heleni masha hte Yuda masha, matu gadoi hkam ai wa hte matu gadoi n hkam ai wa, karing karang masha, masha chyazai chyalam ni, mayam ni, shanglawt masha ni ngu nna shanhte a lapran e naw ginhka chyai nga na lam mi n nga sai. Hkristu gaw nanhte yawng mayawng a kraw lawang hta shanu nga ai rai nna Hkristu gaw yawng mayawng hta ahkyak dik ai wa mung rai nga ai.