BU HKAWM 18:8 - Jinghpaw Common Language Bible 2009

⁸ Dai Madu gaw Arun hpe, “Nye a matu wan nat hkungga n re ai kaga laksan kumhpa ni yawng ngai nang hpe jaw ya nngai hpe dum u. Dai ni gaw nang hpe mung, na a amyu matu ni hpe mung htani htana kumhtaw tai na, ngai jaw nga nngai.

Jinghpaw Hanson Version Bible

⁸ Bai, Yehowa Arun hpe tsun wu ai gaw, “Yu u, Israela kashu kasha ni shachyoi shapra sak ai kumhpa nlang hta na ngai e manawt jaw ai kumhpa gaw nang hpe ap ya sade ai; dai gaw, namman chya hkam ai a matu nang hte na a shadang sha ni hpe htani htana kumhtaw tai na, ngai jaw nga nngai.

BU HKAWM 18:8 Iomraidhean Croise

2 HKAWHKAM 12:16

Mara raw hkungga hte yubak hkungga ni a matu jaw ya ai gumhpraw hpe chyawm gaw sumpu hta n mahkawng ma ai; dai gaw hkinjawng ni a matu rai nga ai.

2 HKAWHKAM LABAU 31:4

Dai sha n-ga, hkinjawng ni hte Lewi masha ni gaw dai Madu a Tara hte seng ai ra mara ni hpe aten tup sharin ya lu na matu mung, shanhte a matu hkungga ni la sa ya na lam mung, hkawhkam wa gaw Yerusalem mare masha ni hpe hkang dat wu ai.

2 HKAWHKAM LABAU 31:5

Shing ngu hkang dat ai ga pru jang, Israela amyu masha ni gaw kaja htum ai nsi naisi, sabyi ntsin, tsanlun sau, lagat ntsin hte kaga yi sun hkauna na pru ai hkai nmai kumhpa ni la sa ya ma ai; shanhte lu ai arai yawng mayawng kaw na htam shi hta na htam mi hpe mung la sa shajang nga ma ai.

PRU MAT 28:43

Arun hte shi a shadang sha ni gaw nye a hpung shingkang shanu nga ai Sum de shang ai shaloi mung, Chyoi Pra ai Shara na hkungri hta hkinjawng amu daw jau na matu sit sa ai shaloi mung, Arun hte shi a shadang sha ni dai labu kadun tut nawng bu na rai ma ai. Shaloi shanhte a kaya kahpa n shadawng nga ma ai a majaw sat kau ai hkrum na ma ai n rai. Ndai gaw Arun hte shi a amyu matu ni a matu prat dingnawng hkan sa na hkang da ai tara rai na rai nga ai.

PRU MAT 29:21

Tawn hkungri ntsa na asai hte namman sau loi mi la nna Arun hte shi a hpun palawng hta mung, shi a shadang sha ni hte shanhte a hpun palawng ni hta mung lapri bun ya na rai ndai. Shi hte shi a shadang sha ni hte shanhte a hpun palawng ni gaw ngai hta ap nawng da hkrum na mara ai.

PRU MAT 29:28

Nye a amyu masha ni mahku hkungga jaw ai shaloi dai hkungga shan a sinda hte magyi ni hpe hkinjawng ni madu la na rai nga ai; dai gaw nye a galai shai n lu ai daw dan lam rai nga li ai. Dai gaw Ngai Madu a matu nawng jau ai amyu masha ni a kumhpa rai nga ai.

PRU MAT 29:29

“Arun a hkinjawng hpun palawng hpe shi si mat ai hpang shi a shadang sha ni a lata de hkringhtawng dagraw aya dang la ai shaloi, bu hpun lu na rai nga ai.

PRU MAT 40:13

Arun hpe mung hkinjawng hpun palawng ni jahpun ya nna, shi hpe naman chya ya ai hte dai hku nna shi hpe ap nawng na rai ndai; shaloi shi gaw hkinjawng amu hta ngai hpe daw jau lu na rai nga ai.

PRU MAT 40:15

Dai hpang, nang gaw shanhte a kawa hpe namman sau chya ya ai zawn shanhte hpe chya ya na rai ndai, shaloi shanhte gaw hkinjawng amu hta daw jau lu na rai ma ai. Ndai namman chya ai gaw prat mi hte prat mi shanhte hpe hkinjawng shatai ai amu rai na ra ai.”

ESAIA 10:27

Dai aten du jang, ngai gaw nanhte hpe Asuri a daru magam n-gun kata kaw nna shalawt dat na nngai, shanhte a kandang mung nanhte a lahpa ntsa e galoi mung hpai da ra sana n rai,” ngu nna tsun wu ai.

JAW JAU 21:10

“Hkinjawng kaba wa gaw shi a baw hta namman chya sai hte hkinjawng hpun palawng bu hpun nna ap nawng da sai majaw shi a sharung shayawt nga ai hpe madun dan na matu shi a kara hpe hpyan da lu na n rai; hpun palawng ni hpe gang je kau lu na wu ai n rai.

JAW JAU 23:20

Hkinjawng ni a matu dai Madu hpe laksan kumhpa shatai na muk hte sagu la lahkawng hpe mung hkinjawng wa nawng ya na rai wu ai. Dai hkungga ni gaw chyoi pra nga ai.

JAW JAU 6:16

Ngam ai hpe chyawm gaw hkinjawng ni sha na rai ma ai. Dai hpe matsi n bang ai sha muk kabaw nna dai Madu a hpung shingkang shanu nga ai Sum wang kata na Chyoi Pra ai Shara hta sha na rai ma ai. Dai Madu gaw hkinjawng ni hpe shanhte a lusha tai nga na matu dai hpe jaw da nu ai. Dai gaw htingrai hkungga hte mara raw hkungga ni zawn grai chyoi pra nga ai.

JAW JAU 6:18

Arun a lakung lama na lasha ni kadai mung dai Madu hpe nawng jau ai lusha kamhtaw dai hpe prat mi hte prat mi sha lu na rai ma ai. Dai lusha hkungga hpe sa jum ai ni kadai mung de a chyoi pra ai daru magam n-gun a majaw machyi shoi chyum hkrum na rai nga ai.

JAW JAU 6:20

Arun hte shi a kasha ni hkinjawng aya dang la ai shani hta dai Madu hpe nawng jau na shadung mani pawng lahkawng (shani shagu nawng jau ai shadung hkungga madang hte maren rai na) hpe jahpawt de ka-ang hkup, shana de ka-ang hkup sak jaw na rai nga ai.

JAW JAU 6:26

Dai htingrai hkungga nawng ya ai hkinjawng wa gaw hkungga shan hpe dai Madu a hpung shingkang shanu nga ai Sum wang kata na chyoi pra ai shara hta sha lu na rai wu ai.

JAW JAU 7:14

Shi gaw muk tawng shagu na chyen chyen, dai Madu hpe laksan kumhpa hku nawng ya na rai wu ai. Dai hpe tawn hkungri hta yam nga asai lapri ai hkinjawng wa madu la na rai wu ai.

JAW JAU 7:28

Dai Madu gaw Mawshe hpe Israela amyu masha ni a matu hkan sa na tara ni jaw ya wu ai.

JAW JAU 7:6

Hkinjawng dinghku ni hta na lasha ni kadai mung dai hpe sha mai nga ai; rai ti mung dai gaw grai chyoi pra nga ai majaw chyoi pra ai shara hta dai hpe sha na rai nga ai.

JAW JAU 8:30

Mawshe gaw chya na namman sau hte tawn hkungri ntsa na sai loi mi la nhtawm Arun hte shi a shadang sha ni hte shanhte a hpun palawng ni hta lapri bun ya wu ai. Ndai hku nna shanhte hpe mung, shanhte a hpun palawng ni hpe mung dai Madu hta ap nawng ya wu ai.

BU HKAWM 18:9

Tawn hkungri ntsa e n hkru ai chyoi pra htum ai hkungga ni ngu na shadung hkungga, htingrai hkungga hte htang jaw hkungga ni hpe nang madu la lu na rai ndai. Nye a matu ngu nna sak jaw ai dai chyoi pra ai hkungga nlang hte gaw nang hte na a shadang sha ni a matu rai nga ai.

BU HKAWM 5:9

Israela amyu masha ni dai Madu hpe nawng jau ai laksan kumhpa shagu mung hkinjawng wa a matu rai nga ai.

1 KORINHTU 9:13

Nawku Htingnu kata hta chyoi pra ai bungli gun hpai ai ni gaw, Nawku Htingnu kaw na sha hpa lu la ma ai hpe mung, tawn hkungri hta hkungga nawng ai ni gaw, hkungga kaw na hkambum lu ma ai hpe mung, nanhte teng teng chye nga myit dai.

TARA JAHPRANG 12:11

Dai Madu gaw shi hpe nawku na shara langai hpe sha lata san da na rai wu ai; shing rai dai yang e, ngai hkang da mada hte maren wan nat na matu shagu hkungga ni hte kaga hkungga ni, dai Madu a matu nanhte ga sadi jaw ai laksan kumhpa ni hpe la sa lu na rai myit dai.

TARA JAHPRANG 12:6

Dai yang e, wan nat na nanhte a shagu hkungga ni hte kaga shagu hkungga ni, nanhte a htam shi hta na htam mi hte hkungga ni, dai Madu hpe ga sadi jaw ai kumhpa ni, jaw mayu ai hkungga ni hte shawng hkrat ai nanhte a sagu dumsu ni hpe mung nawng jau na rai myit dai.

TARA JAHPRANG 18:1

“Lewi amyu bawsang na hkinjawng ni gaw Israela mung na lamu ga sali kumhtaw hpa mung lu la nga ma ai n rai; shing rai na malai dai Madu hpe jaw ya ai hkungga ni hte shagu hkungga ni hpe shanhte sha nna hkrung nga lu na rai ma ai.

TARA JAHPRANG 26:13

Ndai amu ni hpe nang galaw ai shaloi dai Madu hpe, ‘Nang hkang dat nit dai hte maren Lewi masha ni hte maigan masha ni, jahkrai nmai ni hte gaida gaina ni hpe ngai jaw da sai dai chyoi pra ai htam shi hta na htam mi hpe nye a nta hta ngam da lu na n rai; htam shi hte seng ai na a hkang da mada ga ni hpe ngai n madat ai sha malap kau nga nngai n rai.

HEBRE 1:9

Nang gaw ding hpring ai hpe tsaw ra nna, shut ai lam hpe n dawng nga ndai. Dai majaw na a Karai Kasang ngu ai, Karai Kasang gaw, nang hpe lata la nna, na a manang hpe jaw ai hta grau kaba ai kabu gara ngu ai namman jaw ya nna shagrau sha-a nit dai,” nga ai.

1 YAWHAN 2:20

Rai ti mung Yesu Hkristu gaw nanhte a ntsa e dai Chyoi Pra ai Wenyi ru jaw bun ya ai hkrum manit dai rai nna, nanhte yawng mayawng gaw, dai tengman ai hpe chye lu myit dai.

1 YAWHAN 2:27

Rai ti mung nanhte chyawm gaw, Hkristu shi a wenyi hpe nanhte a ntsa e ru jaw bang ya ai hkrum manit dai rai nna, nanhte hta dai wenyi a shanu nga dingsa kadai mung nanhte hpe sharin shaga na n ra sai. Hpa majaw nga yang, shi a Wenyi gaw nanhte hpe lam shagu hta e sharin shaga nga ai rai nna, shi sharin shaga ai lam gaw teng man nga ai, masu ai lam hpa mung n lawm ai. Dai majaw nanhte gaw dai Wenyi e sharin ai hte maren madat mara hkan sa nna Hkristu hte langai sha rai nga mu.