BU HKAWM 18:5 - Jinghpaw Common Language Bible 2009

⁵ Nang hte na a shadang sha ni chyu sha Chyoi Pra ai Shara hte tawn hkungri hte seng ai amu bungli ni galaw gun hpai lu na rai myit dai; shaloi Israela amyu masha ni hpe pawt sindawng ai lam bai pru wa lu na ra ai n rai.

Jinghpaw Hanson Version Bible

⁵ Htawm hpang de pawt bu ai Israela kashu kasha ni a ntsa e n pru hkra, dai chyoi pra ai nta hte tawn hkungri hpe, nanhte sin lu na rai myit dai.

BU HKAWM 18:5 Iomraidhean Croise

1 HKAWHKAM LABAU 23:24

Ndai gaw amyu lakung hte dinghku ni a mying hku hkan nna shanhte langai hte langai ran yu wa ai Lewi amyu matu ni rai ma ai. Shi a amyu matu shagu ngu na asak hkun ning shing n rai dai hta lai ai ni gaw dai Madu a Nawku Htingnu magam bungli galaw na gambum lu nga ma ai.

1 HKAWHKAM LABAU 23:32

Shanhte gaw dai Madu a hpung shingkang shanu nga ai Sum hpe yu lajang na matu mung, shanhte a makyin jinghku ni, Arun kaw nna pra hkrat wa ai hkinjawng ni Nawku Htingnu kata nawku daw jau amu galaw ai shaloi karum shingtau ai ni rai ma ai.

1 HKAWHKAM LABAU 24:5

Eleaza hte Ihtama yan a amyu matu ni gaw Nawku Htingnu na du salang ni hte wenyi lam hta woi awn ningbaw ai ni rai nga ma ai majaw hpaida da let bungli lit lata la nga ma ai.

1 HKAWHKAM LABAU 9:19

Kora lakung lama kaw na Ebiasap a kashu, Kore a kasha Shalum gaw Kora lakung na shi a kahpu kanau ni hte rau shanhte a kaji kawa ni dai Madu a dap hpe woi hpareng nga masai zawn dai Madu a hpung shingkang shanu nga ai Sum de shang wa ai chyinghka lam hpe sin na lit lu ma ai.

1 HKAWHKAM LABAU 9:23

Shanhte hte shanhte a amyu matu ni gaw Nawku Htingnu a chyinghka lam ni hpe matut sin nga ma ai.

1 HKAWHKAM LABAU 9:33

Lewi dinghku masha nkau mi gaw Nawku Htingnu mahkawn mangoi amu hta lit la nga ma ai. Ndai dinghku masha ni a ningbaw ni gaw Nawku Htingnu wang na nta nkau mi hta nga ra ma ai; shanhte gaw shani shana tinang hte seng ai amu galaw ra nga ai majaw amu kaga hte lawt ai ni rai ma ai.

PRU MAT 27:21

Nye a hpung shingkang shanu nga ai Sum kata, Ga Shaka Sumpu a man e grang ai nba grang a shinggan maga e, Arun hte shi a shadang sha ni, dai pyengdin amu hpajang lu na rai ma ai. Dai hpe nye a hpung shingkang shanu nga ai shara hta shana de nna jahpawt du hkra shatu na rai nga ai. Ndai gaw Israela masha ni hte shanhte a matu mara ni htani htana hkan sa na hkang da lam rai nga ai.

YEREMIA 23:15

“Dai rai nna, ndai gaw Chyahtum Chyalai N-gun Rawng ai dai Madu ngai nan Yerusalem myihtoi ni hte seng nna tsun ai ga rai nga ai: Ngai gaw shanhte hpe hka ai hpun ru sha na matu hte gung rawng ai ntsin hpe lu shangun na matu jaw nngai; hpa majaw nga yang, shanhte gaw mungdan ting hta karai kata arawn alai ni hpe shachyam shabra dat manu ai.

EZEKELA 44:15

Tsaw Htum ai dai Madu gaw, “Kaga Israela amyu masha ni ngai kaw nna kayin mat wa tim, dai hkinjawng amu galaw na matu san da ai Lewi amyu na Zadok a matu mara ni chyawm gaw gara hku mi rai tim, Nawku Htingnu kata e ngai hpe kangka ai hte matut nna daw jau na ma ai. Shanhte gaw ngai hpe daw jau lu nna nye a man e du sa nhtawm, sau man hte shagu hkungga asai ni hte ngai hpe nawng jau na mara ai.

EZEKELA 44:16

Shanhte chyu sha nye a Nawku Htingnu de shang nna, nye a tawn hkungri hta daw jau lu nhtawm Htingnu a nawku ai amu woi awn na mara ai.

JAW JAU 10:6

Dai hpang Mawshe gaw Arun hte shi a shadang sha yan rai nga ai Eleaza hte Ihtama hpe, “Nanhte sharung shayawt nga myit dai hpe madun dan na matu nanhte a kara hkum hpyan kau myit; nanhte a hpun palawng ni hpe mung hkum gang je kau myit. Dai hku galaw ai rai yang si na rai myit dai. Dai Madu mung shawa hpung ting hpe pawt sindawng na rai wu ai. Dai Madu shangun dat ai wan a majaw byin ai rai nga ai; Rai ti mung kaga nanhte a hpu nau Israela masha ni yawng dai si hkrung si htan a matu sharung shayawt na ahkang lu nga myit dai.

JAW JAU 24:3

Chyoi Pra Htum ai Shara hta tawn da ai Ga Shaka Sumpu a man na nba grang a shinggan dai Madu a hpung shingkang shanu nga ai shara hta jahpawt du hkra chyi nga na matu, Arun gaw shana de shagu sa shatu da na rai wu ai. Dai gaw prat mi hte prat mi hkan galaw nga na tara rai nga ai.

ZEHKARIA 10:3

Dai Madu gaw, “Nye a amyu masha ni hpe up ai maigan masha ni hpe ngai pawt bu nngai majaw, shanhte hpe ari jaw na mawe ai. Yuda amyu masha ni gaw nye a rai nga li ai majaw, Chyahtum Chyalai N-gun rawng ai dai Madu ngai nan shanhte hpe bau sin na nngai. Shanhte gaw n-gun ja ai majan gumra ni tai na mara ai.

BU HKAWM 1:50

Shing di na malai, nye a hpung shingkang shanu nga ai Sum hte dai hte seng ai arung arai ni yawng hte seng ai amu hta Lewi masha ni hpe hpareng shangun na rai ndai. Shanhte gaw dai Sum hte de a arung arai ni yawng hpe hpai nna dai hta daw jau ai amu gun let Sum a grup yin hta shanhte a dap dabang hpe gap nna but nga na rai ma ai.

BU HKAWM 1:53

Rai ti mung Lewi masha ni gaw Sum a grup yin hkan e but nga nna dai hpe makawp maga na rai ma ai. Dai shara de kadai mung n shani sa lu mu ga, Israela shawa hpung ting mung nye a myit masin hpe pawt shangun nna adup ai kaw n du u ga,” ngu nna tsun wu ai.

BU HKAWM 16:46

Mawshe gaw Arun hpe, “Na a wan ban la nna tawn hkungri na grung nga ai wan n-ga dai hta la bang nhtawm, dai wan n-ga ntsa e manam pyaw ai baw loi mi mara tawn na rai ndai. Dai hpang amyu masha ni hpang de tin tin kagat sa nhtawm shanhte a matu jasan jaseng ai amu galaw ya na rai ndai. Tin tin rawt sa wa su! Dai Madu a pawt sindawng ai gaw pru wa nu ai; ana zinli mung du rau ra ai,” ngu nna tsun wu ai.

BU HKAWM 18:4

Shanhte gaw nang hte rau amu galaw nna Sum hte seng ai daw jau amu yawng hte hpe galaw shatup na rai ma ai; rai ti mung ra rawng ai wa chyawm gaw nang hte rau amu galaw mai nga ai n rai.

BU HKAWM 8:19

Israela amyu masha ni a matu Sum kata hta amu gun hpai na mung, shanhte dai Chyoi Pra ai Shara de sit sa wa yang, ari n hkrum mu ga, ru yak tsin-yam tsindam kaw na shanhte hpe makawp maga la na matu mung, Israela masha ni hta na Lewi masha ni hpe Arun hte shi a shadang sha ni hpe kumhpa langai hku ngai ap ya we ai,” ngu nna tsun wu ai.

BU HKAWM 8:2

pyengdin shadun a man de shayawn nhtawm shatu lu na matu lajang na lam Arun hpe tsun u,” ngu nna tsun wu ai.

1 TIMOHTI 1:18

Ngai sha Timohti e, lai wa sai ten hta nang hpe sha-ang nna htawn tsun ai myihtoi ga ni hte maren, galaw gun hpai sa wa na matu ngai nang hpe ahkaw ahkang ap ya de ai; atsawm sha gasat gala lu na matu dai myihtoi ni htawn tsun ai ga ni hpe laknak zawn jai lang nga u.

1 TIMOHTI 3:15

Rai ti mung lama wa ngai alawan n lu du sa wa ai rai yang hkrung nga ai Karai Kasang a hpung ngu ai dai teng man ai lam a npawt hkridun rai nga ai Karai Kasang a nta dinghku hta anhte kaning re ai arawn asam sat lawat hkan sa mai ai lam chye lu u ga, ndai laika hpe ka dat nngai.

1 TIMOHTI 5:21

Ndai matsun da ai lam ni hpe myi man n tau, nang galaw sa wa ai lam shagu hta maga ga de n lawm ai sha madat mara hkan sa na matu Karai Kasang hte Hkristu Yesu a man e mung, chyoi pra ai lamu kasa ni a man e mung, ngai nang hpe matsun dat de ai.

1 TIMOHTI 6:20

Timohti e, nang hpe ap ya da ai aya hpe atsawm sha tek mahkyu nga u; n san n seng ai ga shaga ai lam hpe mung, chye chyang ai lam re ngu nna masha nkau mi shamying tsun shut ai angawk angak re ai ndang kalang ga ni hpe mung koi kau u.