BU HKAWM 18:3 - Jinghpaw Common Language Bible 2009

³ Shanhte gaw Sum hta galaw ra ai shanhte a amu ni hte nang hpe karum na shanhte a lit ni hpe galaw shatup na rai ma ai; rai ti mung Chyoi Pra ai Shara hta nga ai san seng ai arai hte tawn hkungri ni hpe shanhte sa hkra lu na ma ai n rai; shanhte dai hpe sa hkra hkrup ma ai rai yang, shanhte mung, nan wa ni mung si na rai myit dai.

Jinghpaw Hanson Version Bible

³ Shanhte gaw nang hpe karum na hte dai Sum hpe yu lajang na rai ma ai: rai timung, nan wa ai hte shanhte si ai n hkrum myit ga dai chyoi pra nta a arai ni hte tawn hkungri de shanhte htep sa lu na n rai.

BU HKAWM 18:3 Iomraidhean Croise

EZEKELA 44:13

Shanhte ni gaw hkinjawng ni zawn ngai hpe daw jau lu na ma ai n rai; ngai hte seng ai chyoi pra ai arai ni hpang de ni sa wa lu na ma ai n rai, Chyoi Pra Htum ai Shara de mung shang lu na n rai. Dai gaw shanhte galaw kau sai matsat shabat amu a matu jaw ai ari ahpri rai nga ai.

BU HKAWM 1:51

Nanhte dabang htawt ai aten shagu, Lewi amyu ni mahtang Sum run hpya nna dabang nnan ni de bai du shagu dai hpe sharawt shachyaw na rai ma ai. Sum de shani sa wa ai ni kadai mung sat kau ai hkrum na rai wu ai.

BU HKAWM 1:53

Rai ti mung Lewi masha ni gaw Sum a grup yin hkan e but nga nna dai hpe makawp maga na rai ma ai. Dai shara de kadai mung n shani sa lu mu ga, Israela shawa hpung ting mung nye a myit masin hpe pawt shangun nna adup ai kaw n du u ga,” ngu nna tsun wu ai.

BU HKAWM 16:40

Dai Madu hpe manam pyaw ai baw nat nawng na nga, Arun a amyu matu n re ai Israela masha langai mi mung tawn hkungri nga ai de n sit sa lu na matu sadi jaw ai lam rai nga ai. Shing n rai yang, dai wa gaw Kora hte shi a masha ni hpe zawn shamyit kau ai hkrum na rai wu ai. Ndai lam yawng gaw Mawshe hku nna Eleaza galaw na matu dai Madu hkang da ai lam rai nga ai.

BU HKAWM 18:4

Shanhte gaw nang hte rau amu galaw nna Sum hte seng ai daw jau amu yawng hte hpe galaw shatup na rai ma ai; rai ti mung ra rawng ai wa chyawm gaw nang hte rau amu galaw mai nga ai n rai.

BU HKAWM 18:7

Rai ti mung, nang hte na a shadang sha ni chyu sha Chyoi Pra Htum ai Shara hte tawn hkungri hta jaw jau ra ai hkinjawng amu yawng galaw shatup na rai myit dai. Nanhte galaw na hkinjawng amu hpe kumhpa zawn ap ya ma sade ai majaw ndai amu ni gaw na a lit rai nga ai. Dai rai nna chyoi pra ai arai nga ai de sit sa ai ra rawng ai masha kadai mung sat kau ai hkrum na rai wu ai,” ngu nna tsun wu ai.

BU HKAWM 3:25

Shanhte gaw Sum hte seng nna gun hpai ang ai amu gaw Sum kata de galup ai magap, de a shinggan de galup ai magap, Sum chyinghka nba grang,

BU HKAWM 3:31

Ga Shaka Sumpu, aku, pyengdin shadun, tawn hkungri ni, chyoi pra ai shara hta hkinjawng ni lang ai hkinghku arai ni, Chyoi Pra Htum ai Shara de shang wa ai chyinghka a nba grang ni hpe lit la yu lajang na rai ma ai. Shanhte gaw ndai amu yawng hte seng maseng hpe lit la ya na rai ma ai.

BU HKAWM 3:36

Shanhte gun hpai ang ai amu gaw Sum hta lang na hpunpyen ni, de a htinggrang ni, de a shadaw ni, machyaw ni hte dai ni hta hkrup chya chya bang na arai ni yawng hpe lit la yu lajang na rai ma ai. Dai hte seng ai arai yawng mayawng ni hpe mung yu lajang na rai ma ai.

BU HKAWM 31:30

Amyu masha ni lu la ai ka-ang hkup hta na bawng masha, dumsu, lawze, sagu hte bainam re ai yam nga manga shi hta na langai mi hku la da na rai myit dai. Dai hpe dai Madu a Sum hta amu galaw woi hpareng nga ai Lewi masha ni hpe jaw na rai myit dai,” ngu nna tsun wu ai.

BU HKAWM 4:15

But de nga ai dabang hpe run hpya kau na aten du ai shaloi, Kohat a lakung lama ni mahtang Arun hte shi a shadang sha ni magap da ngut sai dai chyoi pra ai arai ni hte de a arai ni yawng hpe shang hpai la na rai ma ai. Kohat a lakung lama ni dai chyoi pra ai arai ni hpe hkra lu na ma ai n rai; dai hku n rai yang, shanhte si na rai ma ai. Dai hte gaw Sum htawt shagu Kohat a lakung lama ni gun hpai ang ai amu ni rai nga ai.