BU HKAWM 16:9 - Jinghpaw Common Language Bible 2009

⁹ Nanhte gaw dai Madu a Sum hta daw jau amu gun hpai lu nna shawa hpung a man e hkringmang tai let shanhte hpe daw jau na nga nanhte shi hpang de shani sa wa lu hkra Israela a Karai Kasang gaw shawa hpung hta na nanhte hpe jahka la ai amu gaw kaji kajaw amu zawn nanhte nawn da myit ni?

Jinghpaw Hanson Version Bible

⁹ Nanhte gaw Yehowa a sumpan sum a amu gun hpai lu nna, shawa hpung a man e tsap let shanhte a malai jaw jau ya lu hkra, Israela Karai Kasang gaw nanhte hpe shi hpang de shani la na nga, Israela shawa hpung hta na nanhte hpe jahka la nhtawm;

BU HKAWM 16:9 Iomraidhean Croise

NINGPAWT NINGHPANG 30:15

Lea gaw, “Nye a madu wa hpe la kau ya ai pyi nang n law dum n ni? Ya mung nye a dudim si ni hpe la kau ya na nang naw shakut nga n hka i?,” ngu nna htan wu ai. Rahkela mung, “Na nsha a dudim si ni ngai hpe nang jaw ai rai yang, dai na jang Yaku hte nang lu yup na ndai,” ngu nna tsun wu ai.

2 SAMUELA 7:19

Ti mung ya chyawm gaw dai hta n-ga grau nna pyi galaw ya nga ndai. Tsaw Htum ai Madu e, du wa na shaning ni hta pra sa wa na nye a amyu matu mara ni hte seng ai ga sadi ni hpe mung nang shagrin da ya nga nit dai. Tsaw Htum ai Madu e, nang gaw ndai lam mu shangun nga nit hka!

2 HKAWHKAM LABAU 35:3

Shi gaw dai Madu a matu ap nawng ai Israela a sara ni ngu ai Lewi masha ni hpe ndai matsun maroi ga ni hpe mung jaw wu ai: “Dawi a shadang sha Hkawhkam Shawlumon gap da ai Nawku Htingnu kata hta dai Chyoi Pra Ai Ga Shaka Sumpu tawn da mu. Nanhte gaw dai hpe shara mi kaw nna shara mi de galoi mung hpai sit lu na myit dai n rai; rai ti mung nanhte gaw dai Madu nanhte a Karai Kasang hte shi a amyu masha Israela hpe daw jau lu na rai myit dai.

NEHEMIA 12:44

Dai aten hta, Nawku Htingnu a matu jaw ya ai htam shi hta na htam mi, shawng shu la lu ai nsi naisi hte shawng myin ai namsi namsaw ni hpe shaning shagu mahkawng da ai sut gawk ni hpe hpareng na masha ni hpe san da nga ma ai. Ndai masha ni gaw mare shagu a makau mayang hkan na yi sun hkauna nsi naisi hkan lahkawn la ai hte hkinjawng ni hte Lewi masha ni hpe madat da sai Tara hte maren karan jaw na lit lu nga ma ai.

ESAIA 7:13

Dai lam hpe Esaia gaw, “Ya chyawm gaw Hkawhkam Dawi a matu mara ni e, madat mu. Masha a hkam sharang ai hpe myit shadaw ya ai gaw n kaja nga ai-nanhte gaw Karai Kasang a hkam sharang ai hpe mung myit shadaw ya mayu nga myit ni?

EZEKELA 34:18

Nanhte hta na nkau mi gaw kaja htum ai tsingdu tsingman ni hpe sha lu ti mung myit n dik ai hta sha n-ga, nanhte n sha lu ai tsing ni hpe pyi, kabye anut kau nga myit hka! Nanhte gaw san ai hka lu lu nga ti mung, nanhte n lu ai hka hpe kabye hka nu kau nga myit hka!

EZEKELA 44:16

Shanhte chyu sha nye a Nawku Htingnu de shang nna, nye a tawn hkungri hta daw jau lu nhtawm Htingnu a nawku ai amu woi awn na mara ai.

BU HKAWM 1:53

Rai ti mung Lewi masha ni gaw Sum a grup yin hkan e but nga nna dai hpe makawp maga na rai ma ai. Dai shara de kadai mung n shani sa lu mu ga, Israela shawa hpung ting mung nye a myit masin hpe pawt shangun nna adup ai kaw n du u ga,” ngu nna tsun wu ai.

BU HKAWM 16:13

Ndai nam mali hta anhte hpe sat kau lu hkra nga, ngamu ngamai ai Egutu mung kaw na nang anhte hpe woi shapraw wa ai pyi n ram dum nga n ni? Ya mung anhte a ntsa e madu naw tai mayu nga n ni?

BU HKAWM 16:8

Mawshe gaw matut nna Kora hpe, “Lewi masha nanhte e, madat mu!

BU HKAWM 3:6

Arun a hkinjawng amu gun hpai na shangun ma hku shanhte hpe san da na rai ndai.

BU HKAWM 3:9

Lewi masha ni a magam lit gaw Arun hte shi a shadang sha ni hpe daw jau na amu chyu sha rai nga malu ai.

KASA 13:2

Ya shanhte Madu hpe nawku daw jau let lusha gam nga ma yang, dai Chyoi Pra ai Wenyi gaw, “Shawlu Yan Barnaba hpe ngai shaga da ai amu gun hpai na matu san da mu,” ngu nna shanhte hpe tsun mu ai.

1 KORINHTU 4:3

Ya e ngai hpe jep san jeyang ai mi rai rai, shawa tara rung madang hku jeyang ai mi rai rai, ngai hpa zawn n nawn nngai. Ngai gaw nye a hkum hpe pyi n jeyang nngai.

TARA JAHPRANG 10:8

Dai Madu gaw dai bum hta Lewi amyu bawsang hta na lasha ni hpe Ga Shaka Sumpu hpai ai hta woi hpareng na matu mung, hkinjawng hku nna shi hpe daw jau amu gun hpai na matu mung, shi a mying ningsang gang nna shaman ya na matu mung lata san da wu ai. Ndai amu ni yawng gaw shanhte a magam lit ni hkrai rai nga malu ai.

1 SAMUELA 18:23

Dai re ai majaw, ndai lam Dawi hpe shanhte tsun dan yang, shi gaw, “Hkawhkam wa a kahkri tai nna hkik hkam ai shagrau sha-a lam hpe hkam la na gaw ngai zawn re ai ahkyak n re ai hte matsan mayan re ai wa a matu nau wa kaba la ai amu rai nga ai,” ngu nna htan wu ai.