BU HKAWM 15:9 - Jinghpaw Common Language Bible 2009

⁹ dai hte hpawn shadung hkungga shatai na tsanlun sau joi lahkawng hte kayau ai mani ai shadung pawng kru hte hpawn sabyi ntsin palin manga hpe lajang nna nawng jau na rai ma ai.

Jinghpaw Hanson Version Bible

⁹ wan hte nat jaw ai hku rai timung, gale lam hku jau na rai timung, usu langai mi nawng na rai yang gaw, dai usu hte hpawn shadung kumhpa di na namman loga kru hte kayau ai mani ai shadung uma masum ma;

BU HKAWM 15:9 Iomraidhean Croise

1 HKAWHKAM LABAU 21:23

Arauna mahtang, “Madu hkawhkam e, dai hpe la u; nang ra sharawng ai hte maren galaw u. Ndai yang e tawn hkungri ntsa wan nat hkungga nawng ya na usu ni mung, ju hpun shatai na matu mam dup gawng ni hte hkungga shatai na hkaulan mung nga nga ai. Dai ni yawng ngai nang hpe jaw na we ai,” ngu nna tsun wu ai.

NEHEMIA 10:33

Anhte gaw Nawku Htingnu kata nawku daw jau ai amu hta ndai hku shang lawm na ga ai: dai ni gaw, chyoi pra ai muk, shani shagu na shadung hkungga, shani shagu nat nawng na shagu hkungga ni a matu yam nga ni, Bansa Nhtoi ni a matu chyoi pra ai hkungga ni, Shata Praw hta galaw ai Poi ni hte kaga lusha poi ni, kaga chyoi pra ai hkungga ni, Israela amyu a matu yubak mara la kau ya na hkungga ni hte Nawku Htingnu a matu ra mara arung arai hpa mung jaw ya na ga ai.

EZEKELA 42:13

Dai masha wa gaw ngai hpe, “Ndai nta lahkawng gaw chyoi pra nga ai. Madu a man de sit sa ai hkinjawng ni gaw chyoi pra htum ai hkungga lusha hpe dai shara ni hta sha ma ai. Dai gawk ni chyoi pra nga ai majaw, hkinjawng ni dai shara ni hta chyoi pra htum ai hkungga ni, shadung hkungga ni, mara raw shagu hkungga ni hte htingrai htingrat hkungga ni hpe tawn da na mara ai.

EZEKELA 46:11

Lusha poi hpawng ni hte ndat da ai poi ni hpe galaw ai shaloi, shadung hkungga gaw usu uram shagu a matu hpai mi, shing n rai sagu la shagu a matu hpai mi hte sagu kasha ni a matu nawku ai wa jaw mayu ai made jaw na ra ai. Shadung hkungga hpai mi hta tsanlun sau palin masum hte daw mi rai ra nga ai.

EZEKELA 46:15

Sagu kasha, shadung hte tsanlun sau ni hte dai Madu hpe htani htana nawng jau na matu jahpawt shagu lajang ra nga ai,” ngu nna tsun ai.

EZEKELA 46:5

Shi gaw sagu la langai mi a matu shadung hpai mi hte sagu kasha a matu shi jaw lu ai made jaw na ra ai. Shadung hpai mi a matu tsanlun sau palin masum hte daw mi mung shi la sa na rai nga ai.

EZEKELA 46:7

Usu uram hte sagu la langai hte langai a matu shadung hpai mi shapraw nna sagu kasha shagu a matu shi jaw lu ai made jaw ya na ra ai. Shadung hpai mi a matu tsanlun sau palin masum hte daw mi rai na ra ai.

YOELA 1:9

Nawku Htingnu kata nawng ya na nsi naisi hte sabyi ntsin n nga sai; dai Madu a matu hkungga n lu manu ai majaw, hkinjawng ni sharung shayawt nga ma ai.

YOELA 2:14

Dai Madu nanhte a Karai Kasang gaw shi a myit chye galai ai hte nanhte hpe ndaw nhta re ai nsi naisi ni shaman ya na ra a dawng. Dai hpang, nanhte shi hpe nsi naisi hte sabyi ntsin nawng ya lu na myit dai.

JAW JAU 14:10

Matsat ya ngu na shani e, shi gaw ra n rawng ai sagu la lahkawng hte laning mi ladu hkrum sai sagu yi hte hpawn tsanlun sau hte kayau ai shadung pawng manga, tsanlun sau hpak mi la sa na rai wu ai.

JAW JAU 6:14

Ndai gaw shadung hkungga ni nawng ya na matu hkan sa na tara ni rai nga ai. Arun a shadang sha hkinjawng wa gaw dai shadung hkungga hpe tawn hkungri a man e dai Madu hpe nawng ya na rai wu ai.

JAW JAU 7:37

Ndai ni gaw wan nat hkungga, shadung hkungga, htingrai hkungga, mara raw hkungga, aya dang hkungga hte mahku hkungga ni a tara lam ni rai nga ai.

BU HKAWM 15:10

Dai Madu gaw dai shagu hkungga a manam pyaw ai sangau bat hpe awng sharawng nga ai.

BU HKAWM 15:8

Wan nat hkungga shing n rai ga shaka tawn ai hkungga shing n rai mahku hkungga a matu dai Madu hpe usu nawng ya ai rai yang,

BU HKAWM 28:12

Shadung hkungga a matu usu shagu hta tsanlun sau hte kayau ai mani ai shadung pawng 6, sagu la langai mi hta pawng 4,

BU HKAWM 28:14

Sabyi hkungga mung usu langai mi hta sabyi ntsin palin 4, sagu la langai mi hta palin 3, sagu la kasha langai mi hta palin 2 rai na rai nga ai. Dai gaw shaning tup na shata shagu a praw shani e galaw na wan nat hkungga hte seng ai tara ni rai nga ai.

BU HKAWM 29:6

Shata praw shani hta tut nawng galaw ai wan nat hkungga hte de a shadung hkungga hte kaga shani shagu na wan nat hkungga, de a shadung hkungga, sabyi hkungga ni hta kaga dai ni hpe nawng jau na rai myit dai. Ndai lusha hkungga ni gaw dai Madu hpe awng sharawng shangun ai manam pyaw ai sangau rai nga ai.

1 SAMUELA 1:24

Ma dai hpe chyu jahka kau ngut ai hpang, masum ning du sai usu langai, shadung pawng kru, sabyi ntsin tau mi hte hpawn Shilo mare de woi sa wa wu ai. Hana mahtang dai ma hpe Shilo mare na dai Madu a nta de Samuela hpe woi sa ai shaloi, shi naw kaji nga lu ai.