BU HKAWM 15:3 - Jinghpaw Common Language Bible 2009

³ Dai Madu a matu wan nat hkungga hpe mung, ga shaka tawn ai shagu hkungga hpe mung, jaw mayu ai hkungga hpe mung, nanhte galoi mung agalaw nga ai nawku htung hte seng ai poi na hkungga ni hpe dumsu usu langai, sagu la langai, sagu hte bainam langai hpra di nna sak jaw na mai nga ai. Dai Madu gaw ndai lusha hkungga ni a manam pyaw ai sangau bat hpe awng sharawng nga ai.

Jinghpaw Hanson Version Bible

³ Yehowa a matu wan nat hkungga, shing n rai hkungga amyu gale ngu na, ga shaka da yang jaw jau ai hkungga, mayu a jau ai hkungga, madat da ai poi hta jaw jau ai hkungga re ai ni hpe, dumsu hte rai timung, sagu bainam hte rai timung, Yehowa a manam pyaw sangau tai na matu jaw jau mayu myit yang;

BU HKAWM 15:3 Iomraidhean Croise

NINGPAWT NINGHPANG 8:21

Dai hkungga a manam pyaw ai sangau gaw dai Madu hpe awng sharawng shangun nga ai rai nna dai Madu gaw, “Shinggyim masha e galaw ai amu a majaw, ginding aga hpe ngai galoi mung dagam kau na ni ai n rai; shi a myit mang ai lam ni gaw shi naw kaji nga ai aten kaw nna n shawp nga ai hpe ngai chye nngai. Ndai lang ngai galaw kau ni ai zawn asak rawng ai hkrung mahkrung ni yawng hpe ngai galoi mung bai jahten na ni ai n rai.

EZRA 7:17

“Nang gaw ndai gumhpraw hpe sadi sahka hte jai nna, usu ni, sagu la ni, sagu kasha ni, nsi naisi ni hte sabyi ntsin mari nhtawm Yerusalem Nawku Htingnu a tawn hkungri ntsa e dai ni hpe nawng ya na rai ndai.

SHAKAWN KUNGDAWN 54:6

O Madu e, ngai nang hpe kabu gara ai myit hte shagu hkungga ni nawng jau na nngai; nang mai kaja nga ndai majaw ngai nang hpe chyeju dum nga na nngai.

PRU MAT 29:18

Sagu la shan yawng hpe lusha hkungga nawng ya ai zawn tawn hkungri ntsa hta nat nawng na rai nga ai. De a nawng jau ai manam pyaw bat gaw ngai hpe awng sharawng shangun na ra ai.

PRU MAT 29:25

Dai hpe shanhte a lata na la nhtawm ngai hpe malu masha hkungga nawng jau ai zawn, tawn hkungri na wan nat hkungga a ntsa e nat na rai nga ai. Dai manam pyaw ai hkungga sangau gaw ngai hpe awng sharawng shangun na ra ai.

PRU MAT 29:41

Hpang na sagu kasha hpe shana de nawng jau nna jahpawt e nawng jau yang lang ai hkaulan mam shadung, tsanlun sau hte sabyi jahku ni hpe shadang hte maren nawng jau na rai ndai. Dai gaw Ngai Madu a matu nawng jau ai lusha hkungga rai nna de a manam pyaw ai sangau gaw ngai hpe awng sharawng shangun nga ai.

JAW JAU 10:13

Dai hpe chyoi pra ai shara langai mi hta sha mu; dai gaw dai Madu hpe nawng jau ai hkungga hta na nang hte na a shadang sha ni a matu rai nga ai. Dai gaw dai Madu ngai hpe hkang da ai lam rai nga ai.

JAW JAU 27:2

Israela amyu masha ni a matu hkan sa na tara jaw ya wu ai. Kadai rai ti mung dai Madu hta ap nawng ya na matu laksan ga shaka shatup na nga, jaw ya ai shaloi ndai gumhpraw chyarang hte maren jaw yang, dai wa gaw shalawt dat ai hkrum na rai wu ai.

JAW JAU 7:16

Masha langai ngai mahtang ga shaka shatup na matu shing n rai shi a myit ra ai hku jaw mayu nna la sa ai mahku hkungga rai yang, dai shani e nawng jau ai hpe sha nna hpang jahpawt du hkra ngam da ai hpe sha mai nga ai.

BU HKAWM 28:27

Dai Madu a matu manam pyaw ai sangau shatai na wan nat hkungga a matu ra n rawng ai usu uram lahkawng, sagu la langai mi, laning mi ladu hkrum sai sagu la kasha sanit hte hpe nawng ya na rai myit dai.

BU HKAWM 29:8

Dai Madu a matu manam pyaw ai sangau shatai na wan nat hkungga a matu ra n rawng ai usu uram langai, sagu la langai hte laning mi ladu hkrum sai sagu la kasha sanit hte hpe nawng ya na rai myit dai.

BU HKAWM 6:15

Shi gaw matsi n rawng ai muk ka mi, tsanlun sau hte shadung hpe kayau gumrin nna galaw ai muk pa ni hte tsanlun sau hte chya ai muk hkrawp hta kaga ra ai nsi naisi hte sabyi ntsin hkungga ni hpe mung nawng ya na rai wu ai.

MAHTE 3:17

Dai hpang, “Ndai wa gaw ngai sharawng awng nga ai, ngai tsaw ra ai Kasha rai nga li ai,” nga nna lamu de na nsen ngoi pru wa ai.

2 KORINHTU 2:15

Hpa majaw nga yang, anhte gaw Karai Kasang kaw Hkristu nawng jau ai manam pyaw ai bat hte bung nga ga ai. Dai manam pyaw ai bat gaw hkye hkrang la hkrum ai ni hta mung, sum mat hkrum ai ni hta mung chyam bra mat wa sai.

2 KORINHTU 2:16

Dai bat gaw sum mat hkrum ai ni a matu si shangun ai si hkrung si htan bat tai nna, hkye hkrang la hkrum sai ni a matu gaw asak hkrung shangun ai manam pyaw ai bat rai nga ai. Dai rai nna dai zawn re ai amu hpe gun hpai na kadai wa ging dan nga a ta?

EHPESU 5:2

Hkristu gaw anhte hpe tsaw ra ai hte anhte a matu shi a hkum hpe Karai Kasang sharawng awng ai manam pyaw ai shagu hkungga shatai nna nawng kau nu ai zawn, nanhte mung tsaw ra myit e hkang ai kata hta ahkawm nga mu.

TARA JAHPRANG 12:11

Dai Madu gaw shi hpe nawku na shara langai hpe sha lata san da na rai wu ai; shing rai dai yang e, ngai hkang da mada hte maren wan nat na matu shagu hkungga ni hte kaga hkungga ni, dai Madu a matu nanhte ga sadi jaw ai laksan kumhpa ni hpe la sa lu na rai myit dai.

TARA JAHPRANG 12:17

Nanhte a nai mam, sabyi ntsin hte tsanlun namman sau re ai ni kaw na htam shi hta na htam mi, nanhte rem ai sagu dumsu ni hta na shawng hkrat ai kasha alat, dai Madu hpe ga sadi jaw ai kumhpa, nanhte jaw mayu ai hkungga ni hte kaga hkungga ni hpe mung nanhte nga ai shara ni hta sha lu na n rai.

TARA JAHPRANG 12:6

Dai yang e, wan nat na nanhte a shagu hkungga ni hte kaga shagu hkungga ni, nanhte a htam shi hta na htam mi hte hkungga ni, dai Madu hpe ga sadi jaw ai kumhpa ni, jaw mayu ai hkungga ni hte shawng hkrat ai nanhte a sagu dumsu ni hpe mung nawng jau na rai myit dai.

HPILIPI 4:18

Nanhte shagun jaw dat ai arung arai alu yawng lu la sai lam hte jahpan ya nang e madun dan nngai. Dai gaw ra ai hta pyi jan hkra rai sai. Dai alu arung arai ni hpe Epahprodi la sa ya ai majaw ngai ra ai hta pyi jan hkra lu ni ai. Dai arai ni gaw Karai Kasang kaw nawng ya ai manam pyaw ai bat zawn mung, Karai Kasang ra sharawng ai hte hkap la ging ai shagu hkungga zawn mung rai nga ai.