BU HKAWM 14:2 - Jinghpaw Common Language Bible 2009

² Shanhte gaw Mawshe yan Arun hpe aput let, “Egutu mung shing n rai ndai Nam Mali hkan e si mat tim pyi grau kaja na saga ai law!

Jinghpaw Hanson Version Bible

² Israela kashu kasha ni yawng gaw Mawshe yan Arun hpe aput apai nga nna, dai shawa hpung ting shan hpe, “Anhte Egutu mung e si mat ga taw le: shing n rai, ndai nam mali hkan e si mat ga taw le:

BU HKAWM 14:2 Iomraidhean Croise

1 HKAWHKAM 19:4

Elia mahtang nam mali kata de lani mi tup hkawm shang mat wa wu ai. Shi hkring nna hpun langai a shingnip hta dung nga let, shi si mayu nu ai hpe hpyi nga wu ai. Shi gaw, “Madu e, dai gaw nau wa rai la sai, nye asak hpe dawm la ya ni; ngai gaw si na mung rai nga nngai!,” ngu nna hpyi tsun wu ai.

YOBA 3:11

Ngai gaw nye nu a hkritung hta hpa majaw n si mat a ta? shing n rai ngai gaw shangai wa ai aten hta hpa majaw n si mat a ta?

SHAKAWN KUNGDAWN 106:24

Shaloi, shanhte Karai Kasang a ga sadi hpe n kam mat ma ai majaw, pyaw ai mungdan de shang sha na, shanhte ningdang kau mu ai.

SHAKAWN KUNGDAWN 106:25

Shanhte gaw shanhte a sum ni hta nga nga nna aput angun nga ma ai; Madu a hkang da ai ga ni hpe mung n kam madat nga masai.

SHAKAWN KUNGDAWN 106:45

Shi gaw shanhte a akyu a matu, shi a ga shaka hpe dum ya wu ai; shi a kaba la ai tsaw ra myit a jaw e, shi a pawt sindawng ai myit hpe shakawp kau wu ai.

PRU MAT 14:11

Shanhte gaw Mawshe hpe, “Egutu mung hta lupwa ni n nga sani? Ya nang anhte hpe nam mali e si mat shangun na matu, ndai de woi shapraw wa n ni? Anhte hpe Egutu mung kaw na woi shapraw wa nhtawm, ya nang hpa galaw kau nit dai gaw she mada yu sanu!

PRU MAT 15:24

Amyu masha ni gaw Mawshe hpe aput let, “Anhte hpa lu na rai nga ga ta?, ngu nna san ma ai.

PRU MAT 17:3

Rai ti mung, amyu masha ni mahtang ntsin grai hpang gara nga ma ai rai nna, Mawshe hpe dingyang aput nga ma ai. Shanhte gaw, “Anhte hpe mung, anhte a kashu kasha ni hpe mung, anhte a yam nga hpung ni hpe mung ntsin hpang gara shangun nna sat kau na matu, anhte hpe Egutu mung kaw na hpa rai woi shapraw wa n ni?,” ngu nna tsun ma ai.

YONA 4:3

Ya chyawm gaw, Madu e, ngai hkrung nga na hta si mat na mahtang grau kaja nga ai rai nna nye a asak dawm la kau ya rit law,” ngu nna hpyi tsun wu ai.

YONA 4:8

Ajan pru jang, Karai Kasang gaw kahtet ai sinpraw nbung shangun dat ai hte Yona a baw ntsa e jan ja bun nga ai majaw ganoi noi malap mat wu ai. Dai rai nna shi gaw si mat na hpe ra sharawng nga ai. Shi gaw, “Ngai gaw hkrung nga na hta si mat na mahtang grau kaja nga nngai,” ngu nna tsun wu ai.

BU HKAWM 11:1

Dai amyu masha ni shanhte hkrum sha ai tsin-yam tsindam a majaw dai Madu hpe aput hpang wa ma ai. Dai Madu gaw dai lam ni na jang masin pawt nna amyu masha ni a ntsa e wan dat dat wu ai. Dai gaw shanhte a ka-ang e hkru wa ai hte dap a jahtum shara langai mi hpe jahten kau nga ai.

BU HKAWM 11:15

Ngai hpe ndai zawn di na rai yang, matsan dum la ai hku nna ngai hpe sat kau et; na a gumshem ai hpe ngai matut nna loi mi mung n hkam jan lu na we ai,” ngu nna tsun wu ai.

BU HKAWM 11:5

Egutu mung e anhte ra ai nga amyu baw hkum sumhpa yawng anhte sha lu nna de a manu jahpu jaw ra ga ai n rai; dai mung na kumgyin, gyinshau si, shakau gaubyen, shakau hkyeng ni hte shakau hpraw anhte lu sha ga ai hpe dum mai nga ga ai n rai ni?

BU HKAWM 14:1

Amyu masha ni gaw shana tup myit ru ma ai rai nna jahtau shabam ma ai.

BU HKAWM 14:22

ndai amyu masha ni kadai mung dai mung de shang lu na ma ai n rai, ngu nna ngai ga sadi tawn da nngai. Shanhte mahtang Egutu mung hte nam mali hkan ngai galaw dan sai mauhpa lamik kumla ni hte htoi tu ai nye a hpung shingkang hpe mu lu ma ti mung, nye a galu kaba ai myit hpe shanhte lang hte lang chyam dinglik yu nna nye a ga hpe n madat ya ma ai.

BU HKAWM 16:13

Ndai nam mali hta anhte hpe sat kau lu hkra nga, ngamu ngamai ai Egutu mung kaw na nang anhte hpe woi shapraw wa ai pyi n ram dum nga n ni? Ya mung anhte a ntsa e madu naw tai mayu nga n ni?

BU HKAWM 16:41

Hpang shani e, shawa hpung ting gaw Mawshe yan Arun hpe aput let, “Nan gaw dai Madu a amyu masha nkau mi hpe sat kau manit dai,” ngu nna deng ma ai.

BU HKAWM 17:6

Dai rai nna Mawshe gaw Israela amyu masha ni hpe tsun dat mu ai rai nna shanhte a ningbaw shagu hte mung, amyu baw shagu a matu dawhkrawng langai ngai la nhtawm dawhkrawng shi lahkawng sa ya ma ai. Arun a dawhkrawng mung dai ni hte rau tawn da nga ai.

BU HKAWM 20:2

Shanhte dabang but ai shara hta hka n nga malu ai majaw amyu masha ni Mawshe yan Arun kaw sa zup nhtawm, “Dai Madu a Sum man hta

BU HKAWM 20:3

anhte a hpu nau Israela amyu masha ni hte rau si mat ga ai rai yang grau kaja na ga ai.

BU HKAWM 20:4

Nang anhte hpe hpa majaw ndai nam mali kata de woi bang wa nga n ta? Anhte a yam nga ni hte rau ndai yang e si lu na rai nga ga ni?

BU HKAWM 21:5

Shanhte gaw, “Lusha mung, hka mung n nga ai ndai nam mali hkan e si mat na matu nang anhte hpe hpa majaw Egutu mung kaw na woi wa nga n ni? Ndai asit awat nga ai lusha hpe anhte kachyi mi pyi n kam sha mat saga ai!,” ngu nna aput ma ai.

1 KORINHTU 10:10

Shanhte nkau mi aput angun nna, Si du a kasa wa a lata hte jahten shabyak kau ai hkrum ma ai zawn, anhte aput angun nga lu na n rai.

TARA JAHPRANG 1:27

Nanhte langai hte langai mung, ‘Dai Madu anhte hpe n dawng mi ai majaw Egutu mung kaw na anhte hpe woi shapraw wa nhtawm Amori masha ni anhte hpe sat kau lu mu ga nga, shanhte a lata hta anhte hpe ap kau mi ai.

TARA JAHPRANG 9:23

Shi gaw Kadesha Barnea kaw nna nanhte hpe shangun dat nhtawm shi nanhte hpe jaw ai mungdan hpe madu la na matu lung wa na, hkang dat myit dai shaloi, nanhte shi hpe gumlau myit dai; shi hpe mung n kam n sham ai hte shi a ga hpe mung n madat kau myit dai.

HEBRE 3:16

Karai Kasang a nsen hpe na nga ninglen, shi hpe gumlau ai ni gaw kadai ni wa rai nga ma ta? Shanhte gaw Egutu mung kaw nna Mawshe shaw woi wa ai ni yawng hte wa rai nga ma ai.

YUDA 1:16

Ndai masha ni gaw galoi mung aput angun nga nna masha kaga ni hpe mara sha shagun nga ma ai; shanhte gaw shanhte a n hkru n kaja ai, ra marin ai hta hkan nang ma ai. Shanhte gaw tinang a lam hpe shakawng gumrawng chye ma ai; shanhte gaw tinang a akyu pru hkra masha wa hpe kawng sharawt ya masu ai hku hkalem ai ga chye tsun ma ai.