BU HKAWM 12:8 - Jinghpaw Common Language Bible 2009

⁸ Dai re ai majaw ngai shi hpe ga tsun yang gumwai ga hku ngai tsun ai n rai; shi hte myi man hkrum rai nna dan dan leng leng sha ngai tsun nngai; shi gaw ngai hpe pyi mu nu hka! Nan gaw nye a shangun ma Mawshe hpe mara shagun gwi nga myit ni?,” ngu nna tsun wu ai.

Jinghpaw Hanson Version Bible

⁸ shi hta ngai ga tsun yang gumwai ga hku ngai n tsun, ngai hkum nan hkra dan dan leng leng tsun na we ai; shi gaw Yehowa a hkrang mung mu lu na rai nga ai: dai rai nna, nye a shangun ma wa Mawshe hpe hpa rai mara shagun rip myit ta?” ngu wu ai.

BU HKAWM 12:8 Iomraidhean Croise

NINGPAWT NINGHPANG 32:30

Yaku gaw, “Ngai gaw Karai Kasang hpe myi man chyaw mu se ai. Ngai mung ya du hkra naw ahkrung nga nngai,” ngu nna tsun wu ai. Shing rai dai shara hpe Hpeniela ngu nna shi shamying da wu ai.

SHAKAWN KUNGDAWN 17:15

Rai ti mung, ngai chyawm gaw shut hpyit ai amu hpa mung n galaw kau nga nngai majaw ngai nang hpe mu lu na ring ngai hte, ngai yup hprang wa ai shaloi, na a hpung shingkang gaw kabu gara ai hte ngai hpe jahpring ya na ra ai.

SHAKAWN KUNGDAWN 49:4

Ngai gaw ga shagawp ni hte seng ai ga ni hpe tsun nna; dai ni a lachyum ni hpe tingse dum let shaleng dan na nngai.

PRU MAT 19:19

Dai pahtau nsen gaw grau grau ngoi kaba wa ai rai nna, Mawshe tsun ai ga hpe Karai Kasang gaw mu ngoi ai hte shi hpe htan ya nga wu ai.

PRU MAT 20:4

“Sumsing lamu hta mung, ginding aga ntsa e mung, ga a npu na hka hta rawng ai arai hte bung ai sumla ni mung, nang na a matu hkum galaw et.

PRU MAT 33:11

Dai Madu gaw jinghku shada da tsun shaga hkat ai zawn Mawshe hte myi man hkrum rai nna shaga wu ai. Dai hpang Mawshe mung dap de bai nhtang mat wa wu ai. Rai ti mung, shi hpe karum ai shabrang ngu na Nun a shadang sha Yawshu chyawm gaw Sum kata e naw nga nga ai.

PRU MAT 33:19

Dai Madu gaw, “Nang hte na a man e nye a hkik hkam ai hpung shingkang nhtoi yawng hpe ngai shalai dat nna, nye a chyoi pra ai amying hpe ngai shapraw na we ai. Ngai gaw dai Madu rai nga nngai rai nna ngai lata la ai ni hpe matsan dum ai wa hpe matsan dum ai myit ngai madun dan na nngai.

PRU MAT 33:23

Dai hpang nye a lata hpe la kau ai hte nye a shingma hpe nang mu lu na ndai; rai ti mung, nye a myi man hpe chyawm gaw mu lu na n rai,” ngu nna htan wu ai.

PRU MAT 34:30

Arun hte amyu masha ni yawng mung Mawshe hpe hkap yu ma yang, shi a myi man ahpraw htoi kabrim nga ai hpe mu ma ai rai nna, shi kaw sit sa na hkrit nga ma ai.

GA SHAGAWP 1:6

shing rai, shanhte gaw ga shagawp a makoi magap da ai lachyum ni hte hpaji rawng ai masha ni san ai manghkang ni hpe chye na lu ma ai.

ESAIA 40:18

Karai Kasang hpe kadai hte shadawn lu a ta? Shi gaw kadai hte bung nga ai lam nang kaning rai tsun dan lu na n ta?

ESAIA 46:5

Dai Madu gaw, “Nanhte ngai hpe kadai hte shabung yu na myit ni?,” ngu nna tsun ai. “Ngai hte bung ai wa nga nga a ni?

EZEKELA 17:2

Shi gaw, “Si chye ai masha wa e, Israela amyu masha ni hpe

EZEKELA 20:49

Rai ti mung, ngai gaw, “Tsaw Htum ai Madu e, ngai hpe dai amu hkum galaw shangun et! Ngai gaw tut nawng e gumwai ga ni hpe tsun nngai nga nna, masha shagu tsun aput shatsang na jin jin rai nga ma ai,” ngu nna ninghkap htan kau we ai.

HOSEA 12:13

Dai Madu gaw Egutu mung hta mayam shatai hkrum nga ai Israela amyu masha ni hpe hkye mawai la na matu mung, shanhte hpe lanu lahku na matu mung, myihtoi langai shangun dat ya wu ai.

BU HKAWM 14:14

dai mung e nga ai masha ni hpe shanhte tsun dan na rai ma ai. Dai masha ni gaw nang Madu anhte hte rau rai nga ai lam mung, anhte a ntsa e na a sumwi yu dung ai shaloi nang hpe asan sha mu lu ai mung, shani e sumwi shadaw hte shana e wan shadaw hte anhte a shawng e nang sa wa ndai hpe mung na yu manu ai.

BU HKAWM 7:89

Mawshe mung dai Madu hte ga shaga na matu Sum kata de shang wa yang, dai Ga Shaka Sumpu a magap ntsa na singkaw tu ai hkrung kanu lahkawng yan a lapran kaw nna dai Madu shi hpe ga shaga ai nsen na wu ai.

MAHTE 13:35

Ndai hkaw tsun ai lam gaw, “Nye a n-gup ga shadawn hte ngai hpaw nna, Ginding aga nnan lat kaw nna makoi da ai ga hpe ngai htai dan na nngai,” nga nna Esaia tsun ai myihtoi ga dik wa na matu rai nga ai.

LUKA 10:16

Yesu gaw, “Nanhte a ga madat ai wa kadai mung, nye a ga madat ai mung rai nga ai. Nanhte hpe ningdang kau ai wa kadai mung, ngai hpe ningdang kau ai wa rai nga ai: ngai hpe ningdang kau ai wa kadai mung, ngai hpe shangun dat ai wa hpe mung, ningdang kau ai rai nga ai,” ngu nna shi a sape ni hpe tsun mu ai.

YAWHAN 1:18

Karai Kasang hpe gade e mung, galoi mung n mu yu ai. Kawa Karai Kasang a makau e nga nga ai, Karai Kasang rai nga ai Kasha shingtai chyu sha shi hpe shadan dan nu ai.

YAWHAN 15:15

Ya kaw nna ngai nanhte hpe mayam n ngu na ni ai; hpa majaw nga yang, mayam gaw madu galaw nga ai amu hpe n chye wu ai; nanhte hpe jinghku she ngai ngu na made ai, hpa majaw nga yang, nye Wa kaw na ngai na la ai hte yawng, ngai nanhte hpe tsun dan ma sade ai.

YAWHAN 15:24

Masha kadai n di lu ai amu ni hpe, ngai shanhte hta n galaw dan yu nngai rai taw gaw, shanhte mara lu na n rai ma ai; ya chyawm gaw, shanhte ngai galaw ai amu ni hpe mu lu masai rai nna, ngai hpe mung, nye Wa hpe mung n dawng n yawt rai masai.

1 KORINHTU 13:12

Ya anhte mu lu ai gaw, jamna kaw dan pru ai sumla ni hpe mu ai zawn n dan n leng ai hku sha mu ga ai. Hpang de anhte myi man chyaw mu lu na ga ai. Ya ngai chye ai gaw daw chyen mi sha rai nga ai; dai shaloi e, Karai Kasang ngai hpe chye chyang ai zawn, tsep kawp ngai mung chye chyang na ring ngai.

2 KORINHTU 3:18

Dai rai nna anhte yawng gaw man magap hpaw kau sai myi man ni hte dai Madu a hpung shingkang a shingna hpe bai nhtang htawng madun nga ga ai. Dai hpung shingkang nan wenyi ngu ai Madu kaw na du sa nna Madu hte grau grau bung jat wa ai hpung shingkang maga de anhte hpe galai shai wa shangun mi ai.

TARA JAHPRANG 18:15

Shing rai na malai, nanhte a amyu masha ni hta na ngai zawn re ai myihtoi langai mi, shi nanhte hpang de shangun dat ya na rai wu ai. Shing rai shi a ga hpe nanhte madat mara hkan sa lu na rai myit dai.

TARA JAHPRANG 34:10

Dai Madu hte myi man chyaw ga shaga lu ai Mawshe zawn re ai myihtoi Israela amyu masha ni hta galoi mung n nga yu nga ai.

TARA JAHPRANG 4:15

“Dai Madu gaw Sina Bum e, wan kata kaw nna nanhte hpe ga shaga myit dai shaloi, kaning re ai hkrang hpe mung n mu nga myit dai. Shinggyim lasha hte mung,

TARA JAHPRANG 5:8

“ ‘Sumsing lamu, ginding aga hte ga a npu na hka hta rawng ai baw a hkrang hpa hte mung bung ai sumla ni hpe nanhte a matu hkum galaw hkum shachyaw myit.

KOLOSE 1:15

Hkristu gaw myi hte n mu lu ai Karai Kasang hpe madun ai myi hte mu lu ai hkrang bung sumla rai nga ai. Shi gaw Kasha alat rai nna hpan da ai arai yawng mayawng hta ningtawn ai wa rai nga ai.

1 HTESALONI 4:8

Dai rai nna, ndai sharin shaga ai lam hpe ningdang kau ai wa kadai mung, masha hpe n rai, Chyoi Pra ai Wenyi jaw ya ai Karai Kasang hpe mahtang ningdang kau ai wa rai nga ai.

1 TIMOHTI 6:16

Shi chyu sha n si n mat ai wa rai nna, shi gaw kadai mung n shani sa lu ai nhtoi hta shanu nga ai. Kadai mung shi hpe n mu yu ai hte kadai mung shi hpe n mu lu nga ai. Shi hta arawng sadang hte htani htana hpung shingkang a nga nga u ga law! Amen.

HEBRE 1:1

Moi prat hta Karai Kasang gaw anhte a ji wa ni hpe ga shaga ai lam law law lang, lai ladat amyu myu hku nna myihtoi ni a n-gup hte htawn tsun lai wa sai.

HEBRE 1:3

Shi gaw Karai Kasang a hpung shingkang ningja shapraw nna, Karai Kasang shi nan a gawng shingyan hkrang sumla hpe dagraw ai hte mungkan jan shata shagan nga yawng danghta hpe shi a hpung shingkang rawng ai mungga atsam hte bau sin da nga ai. Shi gaw shinggyim masha ni a yubak mara ni hpe raw dat jasan jaseng ai lam galaw ngut ai hpang, sumsing lamu e daru magam n-gun atsam rawng ai Karai Kasang a hkra maga de dung nga ai.

2 PETRU 2:10

Grau nna hkum shan a matsat shabat ngang kayut ai lam hta hkan sa nna Karai Kasang a ahkang aya hpe n gawn n sawn ai ni gaw shing re ai lam ni hkrum na mara ai, Ndai masu ai sara ni gaw grai gwi nna gumrawng gumtawng re ai hte ning tsa de na hpung shingkang rawng ai ni hpe hkungga lara ai lam n madun ai sha shanhte hpe asawng asang di ma ai.

YUDA 1:8

Dai hte maren ndai masha ni mung tinang mu ai matsat shabat re ai yup mang shingran ni gaw shanhte a hkum hkrang ni hpe yubak galaw shangun mu ai. Shanhte gaw Karai Kasang a ahkang aya hpe n kaw n law di kau nna ningtsa de na hpung shingkang rawng ai ni hpe shatan nhkan di roi asawng kau mu ai.