BU HKAWM 12:7 - Jinghpaw Common Language Bible 2009

⁷ Nye a shangun ma Mawshe hte ngai ga shaga ai shaloi, dai gaw shai ai lam rai nga ai; dai nye a amyu masha Israela ni yawng hpe woi hpareng na matu, ngai shi hpe san da ni ai.

Jinghpaw Hanson Version Bible

⁷ rai timung, nye shangun ma Mawshe gaw dai hku n rai; shi gaw nye a nta ting hta kangka re ai wa rai nga ai:

BU HKAWM 12:7 Iomraidhean Croise

YOBA 1:8

Dai Madu gaw, “Nye a shangun ma Yoba hpe nang matsing da wu ni? Shi gaw kam sham nna mai kaja ai wa rai nhtawm shi zawn re ai mi ginding aga ntsa e kadai n nga nga ai. Shi gaw ngai hpe nawku nna sadi sahka hte n hkru n hkra ai amu hpa mung n galaw nga ai,” ngu nna san wu ai.

SHAKAWN KUNGDAWN 105:26

Dai hpang, shi lata san da sai shi a shangun ma Mawshe hte Arun yan hpe shi shangun dat wu ai.

PRU MAT 33:11

Dai Madu gaw jinghku shada da tsun shaga hkat ai zawn Mawshe hte myi man hkrum rai nna shaga wu ai. Dai hpang Mawshe mung dap de bai nhtang mat wa wu ai. Rai ti mung, shi hpe karum ai shabrang ngu na Nun a shadang sha Yawshu chyawm gaw Sum kata e naw nga nga ai.

MAHTE 11:11

Nanhte hpe ngai teng teng tsun made ai gaw, numsha kaw na shangai shaprat da sai shinggyim masha ni hta Hkalup Sara Yawhan hta grau kaba ai masha langai mi mung garai n paw pru yu ai, rai ti mung, Sumsing lamu a Mungdan hta kaji dik ai wa gaw, shi hta grau kaba nga ai.

MAHTE 11:9

Dai n rai yang gaw, hpa sa yu na pru sa myit ta? Myihtoi langai ngai hpe sa yu na matu rai ni? Rai sa; nanhte gaw myihtoi hta grau kaba ai wa hpe mu lu manit dai.

KASA 7:31

Mawshe gaw shi mu lu ai hpe mau nna dai hpe atsawm sha yu yu na nga makau de sit sa wa yang, dai Madu a nsen ngoi pru ai gaw:

1 KORINHTU 4:2

Shing rai lit la nna magam gun hpai ai shangun ma wa hta nga ra ai atsam marai langai mi gaw, shi a Madu a ntsa e kangka sadi dung na lam rai nga ai.

TARA JAHPRANG 18:18

Nang zawn re ai myihtoi langai, shanhte hpang de shangun dat ya na we ai; shi kaning ngu tsun na ga, shi hpe ngai tsun dan na we ai. Shing rai shi gaw ngai hkang da mada lam magup amyu masha ni hpe tsun dan na rai wu ai.

TARA JAHPRANG 34:5

Dai rai nna dai Madu gaw shi hpe tsun nu ai hte maren, dai Madu a shangun ma kasa Mawshe gaw Moba mung dai shara e si mat sai.

1 TIMOHTI 3:15

Rai ti mung lama wa ngai alawan n lu du sa wa ai rai yang hkrung nga ai Karai Kasang a hpung ngu ai dai teng man ai lam a npawt hkridun rai nga ai Karai Kasang a nta dinghku hta anhte kaning re ai arawn asam sat lawat hkan sa mai ai lam chye lu u ga, ndai laika hpe ka dat nngai.

YAWSHU 1:1

Dai Madu a shangun kasa Mawshe si mat ai hpang, shi hpe karum ai Nun a kasha Yawshu hpe dai Madu ga shaga wu ai.

YAWSHU 1:2

Shi gaw, “Nye a shangun kasa Mawshe si mat sai. Dai rai nna nang hte Israela amyu masha ni yawng ngai shanhte hpe jaw na ngu ai mungdan de, Yawdan hka rap sa wa na matu, ya jang jin jin rai nga mu.