BU HKAWM 11:8 - Jinghpaw Common Language Bible 2009

^8-9 Dai gaw but ai dap hta numri hte rau shana e hkrat nga ai; amyu masha ni gaw dai ni hpe hpang jahpawt e sa tam magawn la nna dai hpe rin ai gaw rin, mani hkra htu ai gaw htu rai nna dai hpe shadu nhtawm muk pa galaw ma ai. Dai gaw tsanlun sau hte kabaw ai muk zawn mu nga ai.)

Jinghpaw Hanson Version Bible

⁸ Amyu masha ni gaw dai sa tam magawn la nna, htumrin hta rin ai gaw rin, kaihtum hta htu ai gaw htu rai nhtawm dibu hta shadu nna muk pa galaw ma ai: dai gaw namman katsing zawn nga mu nga ai.

BU HKAWM 11:8 Iomraidhean Croise

NINGPAWT NINGHPANG 25:29

Lani mi na aten hta, Yaku shapre si mai shadu nga yang, nam hkawm ai kaw nna Esaw shang wa wu ai.

PRU MAT 16:23

shi gaw shanhte hpe, “Dai Madu hkang da sai hte maren, hpawt ni gaw chyoi pra ai bansa nhtoi rai nna shi a matu ap nawng ai nhtoi rai nga ai. Nanhte kabaw ra ai hpe dai ni kabaw manu; shapyaw ra ai hpe shapyaw manu; ngam ai hpe hpawt de na matu jahka da nna tawn da na rai myit dai,” ngu nna tsun wu ai.

PRU MAT 16:31

Israela amyu masha ni gaw dai lusha hpe Manna ngu nna shamying ma ai; dai gaw kaji nna hpraw ai nli tum hte bung nna lagat ntsin hte kayau tawn ai muk zawn namchyim pru nga ai.

BU HKAWM 11:7

(Manna gaw kaji ai hkai tum ni hte bung nna hpraw hpraw htoi htoi re ai nsam rawng nga ai.

YAWHAN 6:27

Hten bya yat mat chye ai lusha a matu hkum shaja myit, de a malai htani htana asak lu la shangun ai n hten n yat lu ai lusha a matu she shaja mu. Dai gaw dai Masha Kasha nanhte hpe jaw na ra ai lusha rai nga ai, hpa majaw nga yang, dai wa gaw Karai Kasang a myit hkrum masat masa galaw ai lam lu la ai wa rai nga ai,” ngu nna htan mu ai.

YAWHAN 6:31

Chyum laika hta Madu gaw, ‘Shanhte sha na matu sumsing lamu de nna muk jahkrat jaw mu,’ nga nna ka da nga ai hte maren, anhte a Jiwa ni gaw nam mali hkan e manna muk lu sha ma ai,” ngu nna shi hpe tsun mu ai.