BU HKAWM 11:12 - Jinghpaw Common Language Bible 2009

¹² Ngai shanhte hpe hpan shalat ai n rai; Shanhte hpe shangai mawe ai n rai! Shanhte hpe ma chyangai ni hpe zawn nye a lata hta pawn la nna shanhte a kaji kawa ni hpe nang ga sadi jaw da sai mung de ma rem sarama langai mi zawn lakawn la na lam nang hpa majaw ngai hpe san da nga n ta?

Jinghpaw Hanson Version Bible

¹² Ndai amyu hpe shanhte a kaji kawa ni hta nang dagam da ai mung de, Ma kawa gaw ma chyangai hpe pawn ai zawn shanhte hpe pawn wa u, nga nna nang ngai hpe tsun na gaw, shanhte hpe nye a hkritung e gun we ni? ngai shanhte hpe shangai mawe ni?

BU HKAWM 11:12 Iomraidhean Croise

NINGPAWT NINGHPANG 13:15

Nang mu ai lamu ga mahkra, nang hte na a amyu matu mara ni hpe ngai jaw na nngai; shing rai dai gaw na a matu htani htana madu da ai lamu ga tai na ra ai.

NINGPAWT NINGHPANG 24:7

Dai Madu sumsing lamu a Karai Kasang gaw ngai hpe nye kawa a nta hte nye a amyu bawsang ni shanu ai buga kaw nna woi la nhtawm ndai lamu ga hta nye a amyu matu ni hpe jaw na nga nna ngai hpe shi dagam let ga sadi shagrin da nu ai. Shi gaw shi a lamu kasa hpe na a shawng de shangun dat na ru ai; dai shara hta ngai sha a matu ningrum ningtau langai nang la ya lu na rai ndai.

NINGPAWT NINGHPANG 26:3

Ndai yang e nga u, ngai nang hte rau nga nga nna nang hpe shaman ya na nngai. Nang hpe mung, na a amyu matu ni hpe mung ndai mung ting ngai jaw na mawe ai; shing rai na nwa Abraham hpe ngai shagrin da sai ga sadi hpe ngai shatup na we ai.

NINGPAWT NINGHPANG 50:24

Shi gaw shi a kahpu kanau ni hpe, “Ngai si wa na ni ai; rai ti mung Karai Kasang gaw nanhte hpe teng teng lanu lahku nhtawm ndai mung kaw nna woi pru wa let, Abraham, Isak hte Yaku ni hpe dagam let ga sadi jaw da ai mung de nanhte hpe woi wa na marin dai,” ngu nna tsun wu ai.

2 HKAWHKAM 10:1

Hkawhkam Ahab a amyu matu ni marai sanit shi hte gaw Samari mare e nga nga ma ai. Yehu gaw laika langai ka nhtawm kanan law law shapraw nna mare up hkang ai ni hpe mung, mare agyi salang ni hpe mung, Ahab a amyu matu ni hpe bau maka nga ai ni hpe mung, shagun dat ya wu ai. Dai laika hpe ning ngu hti na rai myit dai:

2 HKAWHKAM 10:5

Dai rai nna hkawhkam htingnu hpe woi hpareng nga ai du salang wa mung, mare hpe woi hpareng nga ai du wa mung, mare hpe woi awn nga ai agyi salang ni mung, hkawhkam kasha ni hpe bau maka nga ai ni mung, Yehu wa hpang de ning ngu nna shiga shana dat ma ai: “Anhte gaw na a shangun ma ni rai nga ga ai, nang tsun ai hte maren hpa mung galaw na jin jin rai nga ga ai. Rai ti mung kaga kadai hpe mung anhte hkawhkam shatai na ga ai n rai; nang myit mang ai kaja htum ai hku hpa hpe mung hkan galaw na ga ai.”

PRU MAT 13:11

“Dai Madu gaw nanhte hpe mung, nanhte a kaji kawa ni hpe mung, dagam let ga sadi jaw da sai dai Hkanan masha ni nga ai mung de nanhte hpe woi shang wa na ra ai.

PRU MAT 13:5

Dai Hkanan, Hiti, Amori, Hiwi hte Yebusi masha ni nga ai lamu ga, dai Madu gaw nanhte hpe jaw na matu nga, nanhte a kaji kawa ni hta dagam let ga sadi shagrin da nu ai dai sut su ngamu ngamai nna ga sau hte hpring ai mung de nanhte hpe woi shang wa ai shaloi, nanhte gaw shawng na shata shagu hta ndai poi hpe galaw na rai myit dai.

PRU MAT 33:1

Dai Madu gaw Mawshe hpe, “Nang hte Egutu mung na nang woi wa ai amyu masha ni ndai shara kaw na pru sa wa nhtawm, Abraham, Isak, Yaku hte shanhte a amyu matu ni hpe jaw na ngu nna ngai ga sadi jaw da ai ga de sa wa masu.

PRU MAT 6:8

Ngai gaw Abraham, Isak hte Yaku ni hpe jaw na ngu nna dagam shaka da sai ga sadi mungdan de nanhte hpe woi wa nna nanhte a sut gan sali wunli zawn nanhte hpe jaw na made ai. Ngai gaw dai Madu rai nga nngai,’” ngu nna Israela amyu masha ni hpe tsun u.

ESAIA 40:11

Shi gaw sagu rem ai wa zawn shi a sagu hpung hpe lanu lahku na ra ai; shi gaw sagu kasha ni hpe shinggyin la nna dai ni hpe shi a lata lahpum hta pawn da na ra ai; shi gaw dai ni a kanu ni hpe angwi sha woi sa na ra ai.

ESAIA 49:15

Dai rai nna dai Madu gaw, “Numsha gaw tinang a chyu chyu ai ma hpe malap kau nna shi shangai ai ma hpe n tsaw ra mai nga a ni? Kanu gaw tinang a kasha hpe malap kau tim pyi, ngai gaw nang hpe galoi mung malap kau na nngai n rai.

ESAIA 49:23

Hkawhkam ni gaw na a matu kawa ni zawn tai na mara ai; hkawhkam jan ni gaw kanu ni zawn tai na mara ai. Shanhte gaw na a man e gum dagup ai hte nang hpe shagrau sha-a na mara ai; shanhte gaw shagrit shanem ai hte nang hpe hkrit hkungga lam madun na mara ai. Dai hpang nanhte gaw ngai nan dai Madu rai nga nngai hpe chye na marin dai; nye a karum la lam ala nga ai ni kadai mung myit daw hten ai hkrum na ra ai n rai.”

EZEKELA 34:23

Shanhte hpe rem ai sagu rem wa langai tai wa na matu, nye a shangun ma Dawi hte bung ai hkawhkam langai ngai shanhte hpe jaw na nngai, shing rai shi gaw shanhte hpe rem ai sagu rem wa tai nna lanu lahku na ra ai.

YAWHAN 10:11

Ngai gaw sagu rem wa kaja rai nngai. Sagu rem wa kaja gaw sagu ni a matu tinang a asak nawng kau ya lu ai.

1 KORINHTU 4:15

Hpa majaw nga yang, nanhte a Hkristan asak hkrung lam hta nanhte hpe sharin achyin ya na sara mun mi dang lu myit ti mung, nanhte kawa langai sha lu myit dai. Ngai gaw dai Kabu Gara Shiga hkaw dan ai hku nna, nanhte hpe Hkristu hte kahkyin gumdin ai asak hkrung lam de du wa shangun ai nanhte a shangai kawa tai wa ni ai.

GALATI 4:19

Tsaw ra ai kashu kasha ni e, Hkristu a gawng shingyan nanhte hta hkum tsup wa ai aten du hkra, ngai gaw ma shangai ai kanu zawn shinggyim machyi ai hpe nanhte a matu kalang mi bai hkam nga nngai.

TARA JAHPRANG 1:31

Kawa gaw shi a kasha hpe pawn lahku la ai zawn shi gaw nanhte hpe ndai shara de du wa hkra hkrun lam dingyang shim lum ai hku kaning rai woi wa sai hpe nanhte mu manit dai,’ ngu nna tsun yu ma sade ai.

1 HTESALONI 2:7

Anhte gaw Hkristu a kasa ni re ai hte maren ahkaw ahkang hpe lang nna tsun shaga lu ga ai. Rai ti mung anhte gaw, nanhte hte rau nga nga ai ten hta, kasha ni hpe lanu lahku ai kanu zawn sumnung ai hte lanu lahku ga ai.