BU HKAWM 11:10 - Jinghpaw Common Language Bible 2009

¹⁰ Amyu masha ni yawng shanhte a Sum chyinghka lam hkan e hpung hte hpung tsap let aput nga ma ai nsen hpe Mawshe na wu ai. Dai Madu mung shanhte hpe masin pawt wu ai majaw Mawshe myit htum wu ai. Shi shanhte hpe myit yu machyi da wu ai rai nna dai Madu hpe, “Nang ngai hpe hpa majaw,

Jinghpaw Hanson Version Bible

¹⁰ Ya amyu masha ni htinggaw shagu hta tinang a sum chyinghka lam e hkrap nga ma ai gaw Mawshe na wu ai: Yehowa mung masin grai pawt bu ai rai nna, Mawshe gaw myit yu machyi nga ai.

BU HKAWM 11:10 Iomraidhean Croise

SHAKAWN KUNGDAWN 106:25

Shanhte gaw shanhte a sum ni hta nga nga nna aput angun nga ma ai; Madu a hkang da ai ga ni hpe mung n kam madat nga masai.

SHAKAWN KUNGDAWN 139:21

Madu e, nang hpe n ju n dawng ai ni hpe ngai mung kade wa n dawng nga a hka! Nang hpe gumlau ai ni hpe mung ngai kade wa matsat nga a hka!

SHAKAWN KUNGDAWN 78:21

Shing rai, shanhte tsun shaga ai ga hpe shi na wu ai shaloi, Madu gaw masin pawt nga wu ai; shi a amyu masha ni hpe wan hte shi gasat nna, shi a masin kahtet ai gaw shanhte a ntsa e grau grau nna law jat wa nu ai.

SHAKAWN KUNGDAWN 78:59

Dai lam ni hpe shi mu wu ai shaloi, Karai Kasang masin pawt nu ai; shing re ai lam ni a majaw, shi a amyu masha ni hpe tsep kawp kabai kau da nu ai.

ESAIA 5:25

Dai Madu gaw shi a amyu masha ni hpe masin pawt nga ai, shanhte hpe ari jaw na matu shi a lata ladawn da nu ai. Bum ni gari ashun wa nna si mang ni mare lam nmaw hkan e shanut shanaw zawn jawng nga na mara ai. Dai rai tim pyi, dai Madu a masin kahtet ai gaw kawp mat na n rai, rai ti mung shi a lata gaw ari jaw na matu naw ladawn da na ra ai.

YEREMIA 17:4

Ngai nang hpe jaw da ai mungdan hpe nang sum kau nna nang n chye ai mungdan hta na a gumlau hpyen ni hpe nang daw jau na rai ndai, hpa majaw nga yang nye a masin kahtet ai gaw wan zawn rai nna, dai gaw htani htana hkru nga na ra ai.

BU HKAWM 11:1

Dai amyu masha ni shanhte hkrum sha ai tsin-yam tsindam a majaw dai Madu hpe aput hpang wa ma ai. Dai Madu gaw dai lam ni na jang masin pawt nna amyu masha ni a ntsa e wan dat dat wu ai. Dai gaw shanhte a ka-ang e hkru wa ai hte dap a jahtum shara langai mi hpe jahten kau nga ai.

BU HKAWM 11:11

ndai zawn grai yak hkra galaw n ta? Nang ngai hpe hpa majaw n ra sharawng n ni? Ndai amyu masha ni yawng hte seng ai lit hpa majaw ngai hpe shagun da wu ni?

BU HKAWM 12:3

(Mawshe gaw shagrit shanem ai myit rawng ai wa rai nna ga ntsa ting na masha nlang hta grau shagrit shanem ai myit rawng ai wa rai nga ai.)

BU HKAWM 12:9

Dai Madu gaw shan hpe masin pawt nna pru mat wa wu ai majaw,

BU HKAWM 16:27

Dai rai nna shanhte mung Kora, Dahtan hte Abiram ni a sum kaw na hprawng yen mat ma ai. Dahtan yan Abiram gaw shan a madu jan ni hte shan a kasha ni hte rau shanhte a sum chyinghka lam de pru sa nhtawm sa tsap nga ma ai.

BU HKAWM 21:5

Shanhte gaw, “Lusha mung, hka mung n nga ai ndai nam mali hkan e si mat na matu nang anhte hpe hpa majaw Egutu mung kaw na woi wa nga n ni? Ndai asit awat nga ai lusha hpe anhte kachyi mi pyi n kam sha mat saga ai!,” ngu nna aput ma ai.

MARKU 10:14

Yesu dai hpe mu yang, myit yu pawt nga ai rai nna, “Ma ni hpe ngai hpang de sa shangun maru, shanhte hpe hkum jahkring shingdang da myit, hpa majaw nga yang, Karai Kasang a mungdan gaw, dai zawn re ai ni a mungdan rai nga ai.

MARKU 3:5

Shanhte a myit ja la nga malu ai hte shut nga ma ai majaw, Yesu gaw myit yawn nna masin pawt let shanhte hpe kayin mada shinggrup yu wu ai. Dai hpang shi gaw lata katsing si ai wa hpe, “Na lata ladawn dat u,” ngu nna tsun wu ai. Dai wa mung shi a lata ladawn dat wu yang, lata mai mat lu ai.

TARA JAHPRANG 32:22

Nye a masin kahtet ai gaw wan zawn grung wa nna, ginding aga ntsa na arai shagu hpe hkru kau na ra ai. Dai gaw mungkan ga a lawu tsang de du hkra dep nna, bum ni a npawt nhpang ni hpe hkru kau na ra ai.