BU HKAWM 10:9 - Jinghpaw Common Language Bible 2009

⁹ Nanhte a mung hta majan byin nna nanhte hpe sa htim gasat ai gumlau hpyen hpe nanhte nan ninghkap shadaw nhtawm dai pahtau ni hte majan byin kumla hku dum dat ai shaloi Ngai Madu nanhte a Karai Kasang nan nanhte hpe karum la ai hte gumlau hpyen ni a lata kaw nna hkye hkrang la na made ai.

Jinghpaw Hanson Version Bible

⁹ Nanhte tinang a mungdan hta nga nga yang, nanhte hpe gasat sa ai hpyen ni hpang de hpyen rawt yang, dai pahke hpe awn ai hku nanhte dum na rai myit dai: shaloi nanhte a Karai Kasang Yehowa nanhte hpe myit dum nna, hpyen ni a lata na, nanhte hkye hkrang la ai lu la na rai myit dai.

BU HKAWM 10:9 Iomraidhean Croise

NINGPAWT NINGHPANG 8:1

Karai Kasang gaw Noa hte shi hte rau sanghpaw li hta rawng nga ai yam nga ni yawng hpe malap kau wu ai n rai; shi gaw nbung wa shangun dat ai rai nna, dai hka gaw yawm hpang wa nga ai.

2 HKAWHKAM LABAU 13:12

Karai Kasang shi nan anhte a ningbaw rai nga ai rai nna shi a hkinjawng ni mung pahtau ni hte ndai yang e nga nga ma ai majaw pahtau dum na matu jin jin galaw da nga ai hte nanhte hpe majan gasat na matu anhte hpe shaga nga ma ai. Dai rai nna Israela amyu masha ni e, dai Madu nanhte a kaji kawa ni a Karai Kasang hpe hkum gasat myit! Nanhte dang lu na myit dai n rai!”

2 HKAWHKAM LABAU 13:14

Yuda masha ni mahtang grup yin de mada yu mu ai shaloi, wang da hkrum nga masai hpe mu ma ai. Shaloi shanhte gaw dai Madu kaw karum la na matu hpyi jahtau mu ai hte hkinjawng ni mung pahtau dum shajang ma ai.

SHAKAWN KUNGDAWN 106:4

Madu e, na a amyu masha ni hpe nang karum ndai shaloi, ngai hpe mung dum nga et; shanhte hpe nang hkye hkrang la ai shaloi, ngai hpe mung shalawm la et.

SHAKAWN KUNGDAWN 106:42

Shanhte gaw shanhte a gumlau hpyen ni a dip gamyet zingri ai hpe hkrum sha nga ma ai; gumlau hpyen ni a npu hta tsep kawp shanhte taw nga ma ai.

SHAKAWN KUNGDAWN 136:23

Anhte sum mat ga ai shaloi, anhte hpe shi malap kau mi ai n rai; shi a tsaw ra myit htani htana agrin nga ai.

ESAIA 18:3

Ginding aga ntsa ting hta nga ai masha shagu hte e, madat mu! Bum pungding ntsa e sharawt da na kumla dawnghkawn hpe yu yu mu! Pahtau dum ai nsen hpe madat mu!

ESAIA 58:1

Dai Madu gaw, “Nang shaja lu ai daram jahtau u! Shanhte a yubak mara ni hte seng nna nye a amyu masha Israela ni hpe tsun dan u!

YEREMIA 4:19

Machyi ai law! Ngai gaw dai machyi ai hpe n hkam lu nngai! Nye a myit masin! Nye a myit masin ja ja htuk htak nga li ai! Ngai atsin sha nga lu ai n rai; Ngai gaw pahtau dum ai nsen hte majan a jahtau garu ai nsen hpe na nngai.

YEREMIA 4:21

Ngai gaw kade na hkra laja lana re ai majan hpe mu nna pahtau ngoi ai nsen hpe na lu na rai ta?

YEREMIA 4:5

Mungdan ting hta pahtau dum mu! Mahku nsen pra pra hte ja ja jahtau mu! Bunghku kum da ai mare ni de hprawng kagat mat wa na matu Yuda hte Yerusalem amyu masha ni hpe tsun u.

YEREMIA 49:2

Rai ti mung, dai Raba mare daju na mare masha ni hpe majan gasat ai nsen ngai na shangun ai aten du wa na ra ai; dai mare gaw hten run taw mat nhtawm de a kahtawng ningchyawng ni hkru sumpum taw nga na mara ai. Dai shaloi Israela masha ni gaw shanhte a lata kaw na tat kau dat ai dai mungdan hpe bai madu la lu na mara ai.

YEREMIA 6:1

Benyamin amyu masha ni e, Shim lum lam a matu kagat mu! Yerusalem kaw na lawt hkra hprawng mu! Tekoa mare hta pahtau dum mu, Bet Hahkerem e kumla madun ai wan madun ai shara galaw mu. Tsin-yam tsindam hte jahten shabyak ai gaw dingdung maga de nna du sa wa hkyen nga ai.

YEREMIA 6:17

Dai hpang, dai Madu gaw pahtau hte sadi jaw ai nsen hpe madat na matu sin langa masha ni hpe lit jaw da nu ai. Rai ti mung shanhte gaw, “Anhte n madat na ga ai,” ngu nna bai tsun ma ai.

EZEKELA 7:14

Pahtau dum mu, masha shagu jin jin rai nga mu. Rai ti mung, Karai Kasang a sindawng kahtet ai gaw masha shagu a ntsa e maren mara hkrat bun na ra ai majaw kadai mung hpyen majan de n pru sa nga ai.

HOSEA 5:8

Gibea hta majan pahke dum dat mu! Rama hta majan nsen kajawng shadum dat mu! Betawen e majan nsen jahtau garu mu! Benyamin masha ni e, majan gasat mu!

AMO LAIKA (AMOS) 3:6

Mare kata hta majan pahtau dum ai nsen na yang, mare masha ni n hkrit na ma ni? Dai Madu gaw tsin-yam tsindam n dat dat yang, dai mare hta byin lu na rai nga a ni?

ZEHPANI 1:16

bunghku kum ai mare ni hte tsaw ai hpyen dap ni hpe htim gasat let majan pahtau dum nna garu jahtau ai nhtoi rai na ra ai.

BU HKAWM 31:6

Mawshe gaw chyoi pra ai arai ni hte pahtau dum let masat kumla jaw ai hta woi awn ai hkinjawng Eleaza a kasha Hpineha a woi hkang ai npu hta shanhte hpe shangun dat wu ai.

1 KORINHTU 14:8

Pahke dum ai wa gaw mahku nsen hpe ginhka nna asan sha n dum n shaga yang gaw, kadai wa hpyen rawt na matu hkyen shajin lu na a ta?

TARA JAHPRANG 20:1

“Gumlau hpyen ni hpe nanhte htim gasat sa wa ai shaloi, gumra hte hpyen leng ni hpe mung, nanhte hta grau law ai hpyen luksuk ni hpe nanhte mu myit dai shaloi, shanhte hpe hkum yu hkrit myit. Nanhte hpe Egutu mung kaw na shaw woi wa ai dai Madu nanhte a Karai Kasang gaw nanhte hte rau rai nga na ra ai.

YAWSHU 6:5

Dai hpang, shanhte gaw pahtau nsen galu dum dat mu ai shaloi, dai nsen na ai shaloi jang, masha nlang a nsen shaja nna jahtau dat na rai ma ai; shing rai jang mare bunghku ni daw ru mat na ra ai. Dai hpang hpyen luksuk ting gaw tinang a man ang ai hku mare kata de shang wa na rai ma ai,” ngu nna tsun wu ai.

TARA AGYI 10:12

Sidon masha ni, Amalek masha ni hte Mao masha ni nanhte hpe dip gamyet sha lai wa manit dai majaw, nanhte ngai kaw hpyi jahtau yu manit dai. Shing re ai aten hta shanhte a lata kaw na ngai nanhte hpe n hkye hkrang la yu nga a ni?

TARA AGYI 10:8

Shanhte gaw Yawdan hka sinpraw hkran na Gilead mung Amori masha ni a lamu ga hta wa nga ai Israela masha ni yawng hpe shi matsat ning tup dip gamyet sha let zingri zingrat di da ma ai.

TARA AGYI 2:18

Dai Madu gaw Israela hpe ningbaw jaw ai shaloi, dai Madu gaw dai ningbaw wa a prat tup hta shi hpe karum la nhtawm gumlau hpyen ni a lata kaw nna amyu masha ni hpe hkye hkrang la wu ai. Shanhte hkrum sha ai nni nkri hte dip gamyet sha hkrum ai madai sharung nsen ni a majaw dai Madu shanhte hpe matsan dum la wu ai.

TARA AGYI 3:27

Shi gaw dai yang na Ehprim bum ga de du wa yang, hpyen majan rawt na Israela amyu masha ni hpe shaga dat na nga, pahke dum dat wu ai. Dai hpang shi gaw shanhte hpe bum ga kaw na woi yu wa wu ai.

TARA AGYI 6:34

Madu a wenyi chyawm gaw Gidon hpe hkang nga ai rai nna Abieza a lakung lama ni hta na masha ni shi a hpang hkan na matu shi pahtau dum let shaga dat wu ai.

TARA AGYI 6:9

Ngai gaw nanhte hpe Egutu masha ni a lata kaw na mung, ndai mung e nanhte hpe gasat ninghkap ai masha amyu ni a lata kaw na mung, hkye mawai la ni ai. Ngai gaw nanhte rawt lung wa myit dai shaloi shanhte hpe gawt shapraw kau nhtawm shanhte a lamu ga hpe nanhte a lata hta ap ya ni ai.

1 SAMUELA 10:18

shanhte hpe, “Dai Madu Israela a Karai Kasang gaw, ‘Ngai gaw nanhte hpe Egutu mung kaw nna woi shapraw wa ni ai; Egutu masha ni a lata kaw na mung, nanhte hpe dip gamyet sha nga ai kaga masha amyu baw ni yawng a lata kaw na mung hkye mawai la ni ai.