BU HKAWM 10:12 - Jinghpaw Common Language Bible 2009

¹² Israela amyu masha ni Sina Nam Mali kata kaw na bu htawt hpang wa ma ai. Dai sumwi chyawm gaw Paran Nam Mali e jung nga ai.

Jinghpaw Hanson Version Bible

¹² Israela kashu kasha ni gaw Sina bum kaw nna htawt hkawm sa wa ma ai; bai dai sumwi gaw Paran nam e jung nga ai.

BU HKAWM 10:12 Iomraidhean Croise

NINGPAWT NINGHPANG 14:6

hpe mung dang kau nhtawm, Edom bum ga hkan e nga ai Hori masha ni hpe mung, zaibru jang nten mahka e nga ai masha ni hpe Elahparan du hkra, shanhte hpe shachyut kau mu ai.

NINGPAWT NINGHPANG 21:21

Shi a kanu mung shi a matu Egutu shayi sha langai mi tam ya wu ai.

1 HKAWHKAM 11:18

Shanhte gaw Midian mung kaw nna pru wa nhtawm Paran de sa wa let kaga masha nkau mi hte jawm hkrum la ma ai. Dai hpang shanhte gaw Egutu mung de yu sa nhtawm hkawhkam wa kaw du ma ai; hkawhkam wa mung Hadad hpe lusha hte hpawn lamu ga kau chyen hte nta langai hkap jaw wu ai.

PRU MAT 13:20

Israela masha ni gaw Sohkut kaw na pru mat wa nhtawm nam mali a jahtum na Ehtam shara e but nga ma ai.

HABAKU 3:3

Karai Kasang gaw Edom kaw nna bai sa wa nga ai; chyoi pra ai Karai Kasang gaw Paran kawng ni kaw na sa wa nga ai. Shi a hpung shingkang sumsing lamu ni hpe ka-up da nga ai; ginding aga gaw shi hpe shakawn kungdawn ai ga hte hpring nga ai.

BU HKAWM 1:1

Ya Israela amyu masha ni Egutu mung na pru wa ai lahkawng ning e shata lahkawng ngu na langai ya shani hta dai Sina nam mali e nga ai shi a hpung shingkang shanu nga ai Sum hta dai Madu gaw Mawshe hpe ning ngu tsun wu ai. Shi gaw,

BU HKAWM 10:33

Amyu masha ni dai chyoi pra ai Sina Bum kaw nna pru wa nhtawm masum ya lam hkawm ma ai. Dai Madu a Ga Shaka Sumpu mung shanhte but na shara tam let, shanhte a shawng e galoi mung sa wa nga ai.

BU HKAWM 12:16

Dai hpang shanhte gaw Hazerot shara na pru sa nhtawm Paran Nam Mali e dap dabang but nga ma ai.

BU HKAWM 13:26

Kadesha shara hta nga ai Mawshe yan Arun hte Israela hpung shawa ting hpang de nhtang wa ma ai. Shanhte gaw shanhte mu mada sai lam ni hpe shiga wa jaw nhtawm la wa ai namsi namsaw ni wa madun dan ma ai.

BU HKAWM 13:3

Mawshe mung ga madat ai hte Paran Nam Mali kaw nna ningbaw ni hpe lawu de na jahpan hte maren shangun dat wu ai. Amyu Bawsang Ningbaw Rubin Zahkura a kasha Shamua Simun Hori a kasha Shahpat Yuda Yehpuna a kasha Hkaleb Yisahka Yosep a kasha Igala Ehprim Nun a kasha Hoshea Benyamin Rahpu a kasha Palati Zebulun Sodi a kasha Gadiela Manashe Susi a kasha Gadi Dan Gemali a kasha Amiela Ashe Mihkaela a kasha Sehtura Naphtali Wopsi a kasha Nabi Gad Mahki a kasha Guela

BU HKAWM 2:34

Dai rai nna dai Madu gaw Mawshe hpe hkang da nu ai hte maren, lam magup hpe Israela amyu masha ni galaw ma ai rai nna tinang nang a dawnghkawn npu hta shanhte dabang but nhtawm tinang a amyu lakying hku hkan nna shanhte rawt hkawm sa ma ai.

BU HKAWM 9:1

Israela amyu masha ni gaw Egutu mung kaw na pru mat wa ai lahkawng ning na shata langai hta dai Madu Mawshe hpe Sina Nam Mali e ga shaga wu ai.

BU HKAWM 9:17

Israela amyu masha ni gaw sumwi dai dawm mat jang dap run hpya nhtawm sumwi yu dung jang dap bai sharawt da nga ma ai.

BU HKAWM 9:5

Shing rai shawng na shata a shi mali ya shana de dai Sina Nam Mali e shanhte galaw ma ai. Amyu masha ni mung dai Madu Mawshe hpe hkang da nu ai hte maren lam magup hkan galaw ma ai.

TARA JAHPRANG 1:1

Ndai laika hta rawng ai ga ni gaw Israela amyu masha ni Yawdan hka sinpraw maga na nam mali hta nga nga yang, Mawshe shanhte hpe tsun ai lam ni rai nga ai. Shanhte mung Yawdan Kadit makau na Suhpa, dai hte tawtap na Paran, Tohpela, Laban, Hazerot hte Dizahab a lapran hkan nga nga ma ai.

TARA JAHPRANG 1:19

“Dai Madu anhte a Karai Kasang anhte hpe hkang da mani ai hte maren, anhte galaw saga ai. Dai rai nna Sina Bum kaw na Amori masha ni nga ai bum ga de hprang ai lam hta nga ai hkrit hpa nam mali kaba hku anhte ga lai wa saga ai. Anhte dai Kadesha Barnea de du ai shaloi,

TARA JAHPRANG 1:7

Dai re ai majaw dap run kau nhtawm hkawm sa wa manu. Amori masha ni nga ai bum ga hte de a makau grup yin na ginwang ni de du hkra mung, Yawdan Kadit e mung, bum ga hte layang ga de mung, dingda ginwang daw hte Ka-ang Panglai de du hkra sa wa manu. Dai de sha n-ga, Uhprat hka nu du hkra dam ai Hkanan mung hte Lebanon bum lai hkra pru sa wa manu.

TARA JAHPRANG 33:2

Dai Madu gaw Sina Bum kaw na yu wa nga ai; shi gaw Edom mung a ntsa e ate nga ai jan zawn rawt lung wa nna Paran Bum ntsa kaw na shi a amyu masha ni hpe shadan jahkung nga ai. Lamu kasa mun mi mung shi hte rau nga nga ai rai nna, shi a hkra lata hta grung ai wan tu nga wu ai.

1 SAMUELA 25:1

Samuela si mat sai rai nna, Israela amyu masha ni yawng zup hpawng nna shi a matu sharung shayawt nga ma ai. Dai hpang shi hpe Rama shara na shi a nta e makoi mayang ma ai. Dai amu ngut ai hpang, Dawi gaw Paran nam mali de rawt sa mat wa wu ai.