BU HKAWM 10:10 - Jinghpaw Common Language Bible 2009

¹⁰ Kabu gara ai shani ngu ai Shata Praw hta galaw ai Poi ni hte kaga nawku htung hte seng nna galaw ai poi ni hta mung, wan nat hkungga hte mahku hkungga ni hpe nanhte nawng jau ai shaloi mung, dai pahtau ni dum na rai myit dai. Dai shaloi ngai nanhte hpe karum la na made ai. Ngai gaw dai Madu nanhte a Karai Kasang rai nga nngai,” ngu nna tsun wu ai.

Jinghpaw Hanson Version Bible

¹⁰ Nanhte a kabu gara shani hta mung, madat da ai poi shani hta mung, shata praw shani hta mung, nanhte a Karai Kasang nanhte hpe dum nga na matu, nanhte a wan nat hkungga ni, nanhte nawng ai mahku hkungga ni hta pahke dum na rai myit dai: ngai gaw nanhte a Karai Kasang Yehowa rai nga nngai,” ngu wu ai.

BU HKAWM 10:10 Iomraidhean Croise

2 HKAWHKAM 4:23

Shi a madu wa mahtang, “Nang dai ni jang hpa majaw sa ra nga n ta? Bansa Nhtoi mung n rai; Shata Praw na Poi mung n rai,” ngu nna san wu ai. Shi gaw, “Mai na re,” ngu nna htan wu ai.

1 HKAWHKAM LABAU 15:28

Dai rai nna Israela masha ni yawng kabu gara jahtau garu let pahke, pahtau hte shupsheng ni dum ai hte tingse, doria ni hpe shangoi nhtawm Ga Shaka Sumpu a hpang hkan gumbawm nang let Yerusalem mare de hpai lung wa ma ai.

1 HKAWHKAM LABAU 16:42

Mahkawn mangoi let shakawn kungdawn nga ma yang, Heman hte Yeduhtun yan mung pahke hte shupsheng ni hpe mung, kaga madum sumpyi ni hpe mung woi awn dum ma ai. Yeduhtun a amyu lakung ni chyawm gaw chyinghka ni hpe sin nga ma ai.

2 HKAWHKAM LABAU 29:26

Hkawhkam Dawi lang yu sai zawn re ai madum sumpyi tawn da wu ai. Hkinjawng ni mung dai yang e pahtau ni lang let tsap nga ma ai.

2 HKAWHKAM LABAU 29:28

Dai yang hkan na masha shagu hte gaw nawku ai hta shang lawm shajang nna shagu hkungga ni yawng hkru mat ai aten du hkra mahkawn mangoi mahkawn nna madum sumpyi ni matut dum shajang ma ai.

2 HKAWHKAM LABAU 7:6

Hkinjawng ni gaw shanhte a matu masat da ya ai shara ni hta Lewi masha ni gaw hkinjawng ni maga de myi man hkrum rai tsap nga nhtawm Hkawhkam Dawi tawn da sai htung hte maren, “Shi a tsaw ra myit htani htana agrin nga ai!,” nga nna mahkawn mangoi ai mahkawn ga hpe madum sumpyi ni hte dai Madu hpe shakawn kungdawn ma ai. Hkinjawng ni gaw amyu masha ni yawng tsap nga yang pahtau dum ma ai.

EZRA 3:10

Htingnu gaw gap masha ni Nawku Htingnu npawt nhpang jahkrat hpang wa ma ai shaloi, hkinjawng ni gaw shanhte a palawng galu hpun nna lata hta pahtau lang let shara la shajang ma ai; Asap amyu lakung na Lewi masha ni mung shup sheng lang let dai yang e tsap nga ma ai. Shanhte gaw Hkawhkam Dawi a prat kaw nna hkang da ai matsun madun ga ni hte maren, dai Madu hpe shakawn kungdawn ma ai.

SHAKAWN KUNGDAWN 150:3

Pahtau ni hte shi hpe shakawn garu mu. Tingse daw raw ni hte shi hpe kungdawn mu.

SHAKAWN KUNGDAWN 81:3

Shata praw hte shagawng shani e, poi galaw na matu, pahtau dum mu.

SHAKAWN KUNGDAWN 81:4

Dai gaw Israela hta nga nga ai tara rai nga nna, Yaku a Karai Kasang kaw na lu la ai ga ndat rai nga ai.

SHAKAWN KUNGDAWN 89:15

Mahkawn hkawn ai hte nang hpe nawku daw jau ai ni hte; na a matsan dum lama ai myit a nhtoi hta hkawm sa nga ai amyu masha ni gaw kade wa a lu nga ma hka!

PRU MAT 28:29

“Arun gaw dai Chyoi Pra ai Shara de shang ai shaloi, Israela amyu bawsang ni a amying hte tawk ka da ai dai sinda magap hpe shi hpun na rai nga ai; shaloi Ngai Madu nan nye a amyu masha ni hpe tut nawng adum nga na we ai.

PRU MAT 30:16

Israela amyu masha ni kaw na dai gumhpraw lahkawn shinggyin la nna nye a hpung shingkang shanu nga ai Sum hpe bai gram lajang ai hta jai lang na rai myit dai. Dai gaw shanhte a asak a matu jaw ya ai manu jahpu tai nga ai hte ngai mung shanhte hpe makawp maga la na matu dum nga na nngai,” ngu nna tsun wu ai.

ESAIA 27:13

Dai nhtoi du ai shaloi, Asuri hte Egutu mung hkan bawng dung hkrum nga ai Israela masha ni yawng hpe shaga nhtang la na matu pahtau dum dat na ra ai. Shanhte gaw dai Madu a chyoi pra ai kawng ntsa na Yerusalem hta shi hpe sa nawku na mara ai.

BU HKAWM 10:9

Nanhte a mung hta majan byin nna nanhte hpe sa htim gasat ai gumlau hpyen hpe nanhte nan ninghkap shadaw nhtawm dai pahtau ni hte majan byin kumla hku dum dat ai shaloi Ngai Madu nanhte a Karai Kasang nan nanhte hpe karum la ai hte gumlau hpyen ni a lata kaw nna hkye hkrang la na made ai.

BU HKAWM 28:11

Shata shagu a praw shani e, dai Madu hpe wan nat hkungga shatai na ra n rawng ai usu uram lahkawng, sagu la langai, laning mi ladu hkrum sai sagu la kasha sanit ni hpe nawng jau na rai myit dai.

BU HKAWM 29:1

Shata sanit a praw langai ya shani e, nanhte gaw nawku na matu zup hpawng na rai myit dai; amu bungli galaw lu na myit dai n rai; dai shani hta pahtau dum na rai myit dai.

MAHTE 11:28

Lit li gun nna hki ba la ai ni yawng hte e, ngai kaw wa marit; ngai nanhte hpe ban sa shangun na made ai.

KASA 10:4

Shi gaw hkrit let dai lamu kasa hpe azi yu nna, “Madu e hpa lam rai ta?,” ngu nna san wu ai. Shaloi lamu kasa gaw, “Na a akyu hpyi ai hte alu jaw ai lam hpe Karai Kasang sharawng awng ya nga ai rai nna nang hpe htan ya na jin nga chyalu rai nga ai.

1 KORINHTU 15:52

Rai ti mung, hpang jahtum na pahtau ngoi ai shaloi e, akajawng sha, myi grip mi laman hta e, anhte yawng hte gaw galai mat wa na ga ai; hpa majaw nga yang, dai pahtau dum dat ai shaloi si mat ai ni gaw n hten n mat ai sha bai hkrung rawt wa na mara ai hte, galoi mung bai si sana n rai. Anhte yawng galai mat wa na ga ai.

1 HTESALONI 4:16

Dai Madu a jahtau garu ai hte hkang da ai ga, lamu kasa agyi a nsen, Karai Kasang a pahtau nsen hte Madu shi nan sumsing lamu kaw nna yu hkrat wa na ra ai. Hkristu hpe kam sham nna si mat wa ai ni gaw shawng numshawn e hkrung rawt wa na mara ai.

1 HTESALONI 4:18

Dai re ai majaw, ndai ga ni hte shada da shangwi shapyaw n-gun jaw hkat nga mu.

YAWSHU 4:7

nanhte gaw shanhte hpe dai Madu a Ga Shaka Sumpu hka rap sa wa yang, dai Yawdan hka mahtang lwi nga ai kaw na hkring mat ai rai nga ai, ngu nna tsun dan na rai myit dai. Dai nlung ni gaw ndai shara e Israela amyu masha ni hpa byin lai wa sai lam hpe myit dum shangun na matu rai nga ai,” ngu nna tsun na rai myit dai.

YAWSHU 6:4

Pahtau langai hpra lang ai hkinjawng sanit gaw Ga Shaka Sumpu a shawng e sa wa na rai ma ai. Nang hte na a hpyenla ni gaw sanit ya ngu na shani hta dai mare hpe sanit lang hkawm shinggrup nga yang, hkinjawng ni pahtau dum nga na rai ma ai.

SHINGRAN 22:17

Dai Wenyi hte Num Ningnan gaw, “Sa rit!,” nga ma ai. Dai hpe na la ai wa kadai mung, “Sa rit!,” nga lu na rai nga ai. Hpang gara ai wa kadai mung sa ru ga; Asak ntsin hpe ra ai wa kadai mung, manu jahpu n hkrat ai kumhpa hku hkap la u ga.

1 SAMUELA 20:5

Dawi gaw, “Hpawt ni gaw Shata Praw na Poi nhtoi rai nga ai rai nna, hkawhkam wa hte shat rau sha na zawn ngai nawn da nga nngai. Rai ti mung nang hkraw ai rai yang, hpawt din na de du hkra pa hkan sa makoi nga n-ga.