BU HKAWM 10:1 - Jinghpaw Common Language Bible 2009

¹ Dai Madu gaw Mawshe hpe,

Jinghpaw Hanson Version Bible

¹ Bai, Yehowa Mawshe hpe tsun wu ai gaw,

BU HKAWM 10:1 Iomraidhean Croise

NINGPAWT NINGHPANG 42:13

Shanhte mung, “Madu e, anhte gaw Hkanan mung hta nga ai kawa langai a shadang sha kahpu kanau shi lahkawng ni rai ga ai. Kanau langai mi mahtang si mat nna hpungdim wa chyawm gaw anhte kawa hte rau ya naw nga nga ai,” ngu nna tsun mu ai.

NINGPAWT NINGHPANG 46:15

Ndai ni gaw Mesopotamia mung hta Yaku a matu Lea shangai ya ai shadang sha ni rai nga ai, dai hta jan nna shi a shayi sha Dina mung rai nga ai. Shi a matu mara ni ngu na Lea kaw na ni yawng sumshi masum rai ma ai.

2 SAMUELA 6:15

Shing rai shi hte Israela masha ni yawng garu jahtau ai hte pahtau dum let Ga Shaka Sumpu hpe Yerusalem mare de la wa wu ai.

2 HKAWHKAM 11:14

Dai yang e shi mada yu wu yang, hkawhkam nnan wa gaw htung hte maren dai shadaw makau e tsap nga nna, shi a makau e du salang ni hte pahtau dum ai ni grup grup e nga nga ma ai. Amyu masha ni yawng mung kabu gara jahtau garu ai hte pahtau dum nga ma ai. Ahtalia gaw myit ru myit tsang ai hte shi a hpun palawng ni hpe gang je kau nhtawm, “Gumlau law! Gumlau law!,” ngu nna jahtau tsun wu ai.

2 HKAWHKAM LABAU 23:13

Shaloi dai yang e, hkawhkam nnan wa gaw Nawku Htingnu de shang wa ai chyinghka lam makau na, hkawhkam ni a matu san da ya ai shara ngu na shadaw makau e tsap nga nna grup grup de luksuk du ni hte pahtau dum ai ni nga nga ma ai hpe sa mu wu ai. Amyu masha ni yawng mung kabu gara jahtau garu nhtawm pahtau dum nga ma ai. Nawku Htingnu na mahkawn mangoi chye ai ni mung madum sumpyi amyu myu hte dai poi hta dum shakawn nga ma ai. Shi gaw yawn let shi a hpun palawng gang je kau nhtawm, “Gumlau law! Gumlau law!,” ngu nna jahtau tsun dat wu ai.

2 HKAWHKAM LABAU 7:6

Hkinjawng ni gaw shanhte a matu masat da ya ai shara ni hta Lewi masha ni gaw hkinjawng ni maga de myi man hkrum rai tsap nga nhtawm Hkawhkam Dawi tawn da sai htung hte maren, “Shi a tsaw ra myit htani htana agrin nga ai!,” nga nna mahkawn mangoi ai mahkawn ga hpe madum sumpyi ni hte dai Madu hpe shakawn kungdawn ma ai. Hkinjawng ni gaw amyu masha ni yawng tsap nga yang pahtau dum ma ai.

EZRA 3:10

Htingnu gaw gap masha ni Nawku Htingnu npawt nhpang jahkrat hpang wa ma ai shaloi, hkinjawng ni gaw shanhte a palawng galu hpun nna lata hta pahtau lang let shara la shajang ma ai; Asap amyu lakung na Lewi masha ni mung shup sheng lang let dai yang e tsap nga ma ai. Shanhte gaw Hkawhkam Dawi a prat kaw nna hkang da ai matsun madun ga ni hte maren, dai Madu hpe shakawn kungdawn ma ai.

SHAKAWN KUNGDAWN 47:5

Karai Kasang gaw shi a tingnyang de lung nga ai. Dai Madu lung wa yang, kabu gara jahtau garu ai nsen hte pahtau dum ai nsen ni hpe na lu nga ai.

SHAKAWN KUNGDAWN 81:3

Shata praw hte shagawng shani e, poi galaw na matu, pahtau dum mu.

SHAKAWN KUNGDAWN 98:6

Pahke hte pahtau ni hpe gawut dum let, anhte a Hkawhkam rai nga ai dai Madu hpe kabu gara ai hte jahtau garu nga mu.

BU HKAWM 1:52

Kaga ngam ai Israela amyu masha ni mung langai hte langai tinang nang a hpung, tinang nang a dap hkan nna tinang hte seng ai dawnghkawn npu e sum gap na rai ma ai.

BU HKAWM 10:2

“Amyu masha ni hpe shaga na matu mung, dap gun yang lang na matu mung, gumhpraw hte dup ai pahtau lahkawng galaw u.

BU HKAWM 29:1

Shata sanit a praw langai ya shani e, nanhte gaw nawku na matu zup hpawng na rai myit dai; amu bungli galaw lu na myit dai n rai; dai shani hta pahtau dum na rai myit dai.

BU HKAWM 7:2

Dai hpang amyu lakung lama ni a ningbaw ni ngu na Israela amyu bawsang ni hta na ningbaw ni, yuptung jahpan woi hta ai dai masha ni nan

BU HKAWM 9:23

Shanhte gaw dai Madu Mawshe hku nna jaw ai hkang da ai ga ni madat mara let dap sharawt ai hte dap gun ma ai.

MAHTE 24:31

Dai hpang Masha Kasha gaw, pahtau kaba hpe dum shangun nhtawm, shi a lamu kasa ni hpe lamu ga man mali de shangun dat nna, mungkan maga mi kaw nna maga mi du hkra shi a lata la tawn sai ni hpe jahpawng la na maru ai.

YAWSHU 6:4

Pahtau langai hpra lang ai hkinjawng sanit gaw Ga Shaka Sumpu a shawng e sa wa na rai ma ai. Nang hte na a hpyenla ni gaw sanit ya ngu na shani hta dai mare hpe sanit lang hkawm shinggrup nga yang, hkinjawng ni pahtau dum nga na rai ma ai.

SHINGRAN 8:2

Shaloi Karai Kasang a man e tsap nga ai lamu kasa sanit hpe ngai mu nngai; shanhte hpe pahtau sanit ya mu ai.

TARA AGYI 7:20

kaga hpung lahkawng ni mung dai hte maren hkan galaw ma ai. Dai rai nna shanhte yawng a pai lata maga de wan shanan jum, hkra lata maga de pahtau lang nna, “Dai Madu hte Gidon a matu nhtu law!,” ngu nna jahtau tsun ma ai.