BU HKAWM 1:53 - Jinghpaw Common Language Bible 2009

⁵³ Rai ti mung Lewi masha ni gaw Sum a grup yin hkan e but nga nna dai hpe makawp maga na rai ma ai. Dai shara de kadai mung n shani sa lu mu ga, Israela shawa hpung ting mung nye a myit masin hpe pawt shangun nna adup ai kaw n du u ga,” ngu nna tsun wu ai.

Jinghpaw Hanson Version Bible

⁵³ Israela kashu kasha ni a shawa hpung a ntsa e pawt ai myit n du malit ga, Lewi masha ni gaw dai sakse sum a makau grup e but nna, shanhte gaw dai sakse sum hte seng ai amu gun hpai na rai mu ai, ngu wu ai,”

BU HKAWM 1:53 Iomraidhean Croise

1 HKAWHKAM LABAU 23:32

Shanhte gaw dai Madu a hpung shingkang shanu nga ai Sum hpe yu lajang na matu mung, shanhte a makyin jinghku ni, Arun kaw nna pra hkrat wa ai hkinjawng ni Nawku Htingnu kata nawku daw jau amu galaw ai shaloi karum shingtau ai ni rai ma ai.

2 HKAWHKAM LABAU 13:10

“Rai ti mung dai Madu anhte a Karai Kasang hpe anhte naw daw jau nga ga ai rai nna shi hpe n kau da ga ai. Arun kaw nna pra hkrat wa ai hkinjawng ni mung shanhte a lit ni hpe gun hpai nga ma ai rai nna Lewi masha ni shanhte hpe karum madi shadaw la nga ma ai.

2 HKAWHKAM LABAU 13:11

Shanhte gaw jahpawt shagu, shana de shagu shi hpe manam pyaw ai baw hte yam nga hkungga ni hpe hkum ting nat nawng ma ai. Shanhte gaw htung hte maren san seng ai ku ntsa e muk hkungga ni hpe nawng ya nhtawm, shana de shagu ja pyengdin shadun ntsa e pyengdin ni hpe shatu da nga ma ai. Dai Madu hkang da sai hte maren anhte galaw ga ti mung nanhte mahtang shi hpe kau da nga myit dai.

YEREMIA 23:15

“Dai rai nna, ndai gaw Chyahtum Chyalai N-gun Rawng ai dai Madu ngai nan Yerusalem myihtoi ni hte seng nna tsun ai ga rai nga ai: Ngai gaw shanhte hpe hka ai hpun ru sha na matu hte gung rawng ai ntsin hpe lu shangun na matu jaw nngai; hpa majaw nga yang, shanhte gaw mungdan ting hta karai kata arawn alai ni hpe shachyam shabra dat manu ai.

YEREMIA 5:31

myihtoi ni gaw masu magaw ga ni hta jan nna hpa mung n tsun ma ai; hkinjawng ni gaw myihtoi ni hkang da ai hte maren up hkang ma ai, nye a amyu masha ni hkum da ai lam hpa mung n nga nga ma ai. Rai ti mung, hpang jahtum e, ndai lam yawng byin wa ai shaloi shanhte hpa galaw na rai ma ta?,” ngu nna tsun ai.

JAW JAU 10:6

Dai hpang Mawshe gaw Arun hte shi a shadang sha yan rai nga ai Eleaza hte Ihtama hpe, “Nanhte sharung shayawt nga myit dai hpe madun dan na matu nanhte a kara hkum hpyan kau myit; nanhte a hpun palawng ni hpe mung hkum gang je kau myit. Dai hku galaw ai rai yang si na rai myit dai. Dai Madu mung shawa hpung ting hpe pawt sindawng na rai wu ai. Dai Madu shangun dat ai wan a majaw byin ai rai nga ai; Rai ti mung kaga nanhte a hpu nau Israela masha ni yawng dai si hkrung si htan a matu sharung shayawt na ahkang lu nga myit dai.

BU HKAWM 1:50

Shing di na malai, nye a hpung shingkang shanu nga ai Sum hte dai hte seng ai arung arai ni yawng hte seng ai amu hta Lewi masha ni hpe hpareng shangun na rai ndai. Shanhte gaw dai Sum hte de a arung arai ni yawng hpe hpai nna dai hta daw jau ai amu gun let Sum a grup yin hta shanhte a dap dabang hpe gap nna but nga na rai ma ai.

BU HKAWM 1:54

Dai rai nna dai Madu gaw Mawshe hpe hkang da sai hte maren, Israela amyu masha ni lam magup hpe hkan galaw ma ai.

BU HKAWM 16:46

Mawshe gaw Arun hpe, “Na a wan ban la nna tawn hkungri na grung nga ai wan n-ga dai hta la bang nhtawm, dai wan n-ga ntsa e manam pyaw ai baw loi mi mara tawn na rai ndai. Dai hpang amyu masha ni hpang de tin tin kagat sa nhtawm shanhte a matu jasan jaseng ai amu galaw ya na rai ndai. Tin tin rawt sa wa su! Dai Madu a pawt sindawng ai gaw pru wa nu ai; ana zinli mung du rau ra ai,” ngu nna tsun wu ai.

BU HKAWM 16:9

Nanhte gaw dai Madu a Sum hta daw jau amu gun hpai lu nna shawa hpung a man e hkringmang tai let shanhte hpe daw jau na nga nanhte shi hpang de shani sa wa lu hkra Israela a Karai Kasang gaw shawa hpung hta na nanhte hpe jahka la ai amu gaw kaji kajaw amu zawn nanhte nawn da myit ni?

BU HKAWM 17:7

Dai hpang Mawshe gaw Sum kata na dai Madu a Ga Shaka Sumpu a man e dai dawhkrawng ni yawng tawn da wu ai.

BU HKAWM 2:17

Dai hpang, shawng na hpung lahkawng hte hpang e hkan ai hpung lahkawng a lapran hta Sum hpai ai Lewi amyu ni hkan ma ai. Shanhte gaw dabang but yang na zawn hpung shagu gaw tinang nang a dawnghkawn npu hta hkan sa na rai ma ai.

BU HKAWM 3:23

Ndai lakung lama ni gaw Sum a shingdu ngu na sinna maga de,

BU HKAWM 3:29

Ndai lakung lama ni gaw Sum a dingda maga de, dai lakung lama a ningbaw ngu na Uziela a kasha Elizahpan hte rau

BU HKAWM 3:35

Ndai lakung lama ni gaw Sum a dingdung maga de, dai lakung lama a ningbaw ngu na Abihala a kasha Zurela hte rau but nga na rai ma ai.

BU HKAWM 3:38

Mawshe yan Arun hte shi a shadang sha ni chyawm gaw sinpraw maga dai Sum a man hta but na rai ma ai. Shanhte gaw Israela amyu masha ni a matu chyoi pra ai shara hta amu galaw na lit lu nga ma ai. Shanhte kaw sit sa wa ai ni kadai mung sat kau ai hkrum na rai ma ai.

BU HKAWM 31:30

Amyu masha ni lu la ai ka-ang hkup hta na bawng masha, dumsu, lawze, sagu hte bainam re ai yam nga manga shi hta na langai mi hku la da na rai myit dai. Dai hpe dai Madu a Sum hta amu galaw woi hpareng nga ai Lewi masha ni hpe jaw na rai myit dai,” ngu nna tsun wu ai.

BU HKAWM 31:47

Mawshe gaw ndai kumhtaw ni hta na bawng masha hte yam nga manga shi hta na langai mi hku hta la nna dai Madu hkang da ai hte maren dai Madu a Sum hta amu woi hpareng ai Lewi masha ni hpe ap ya wu ai.

BU HKAWM 8:19

Israela amyu masha ni a matu Sum kata hta amu gun hpai na mung, shanhte dai Chyoi Pra ai Shara de sit sa wa yang, ari n hkrum mu ga, ru yak tsin-yam tsindam kaw na shanhte hpe makawp maga la na matu mung, Israela masha ni hta na Lewi masha ni hpe Arun hte shi a shadang sha ni hpe kumhpa langai hku ngai ap ya we ai,” ngu nna tsun wu ai.

2 TIMOHTI 4:2

Dai mungga hkaw dan na matu, chye na shangun na matu, mara madun nna daru na matu, n-gun jaw na matu, myit galu ai hte sharin shaga na matu, (du hkra ladaw ang ai rai ti mung, n ang ai rai ti mung) a shaja nga u, ngu nna ngai nang hpe shadut jahkat dat de ai.

1 SAMUELA 6:19

Bet Sheme masha ni dai Ga Shaka Sumpu kata de yu yu ma ai majaw dai Madu gaw masha sanit shi hpe sat kau nga ai. Shanhte a lapran hta ndai zawn si ru ai amu kaba dai Madu shabyin dat wu ai majaw masha ni sharung shayawt nga ma ai.