BU HKAWM 1:51 - Jinghpaw Common Language Bible 2009

⁵¹ Nanhte dabang htawt ai aten shagu, Lewi amyu ni mahtang Sum run hpya nna dabang nnan ni de bai du shagu dai hpe sharawt shachyaw na rai ma ai. Sum de shani sa wa ai ni kadai mung sat kau ai hkrum na rai wu ai.

Jinghpaw Hanson Version Bible

⁵¹ Sum htawt na rai jang, Lewi masha ni gun run na rai mu ai; but na rai jang mung, Lewi masha ni sharawt shachyaw na rai mu ai: amyu kaga masha dai de sa htep yang sat kau ai hkrum lu na rai wu ai.

BU HKAWM 1:51 Iomraidhean Croise

2 SAMUELA 6:7

Dai Madu Karai Kasang gaw Uza hpe masin pawt wu ai rai nna shi galaw shut kau ai mara a majaw sat kau wu ai. Uza mung dai Ga Shaka Sumpu makau e si taw nga ai rai nna,

BU HKAWM 10:11

Amyu masha ni Egutu mung na pru wa ai lahkawng ning e shata lahkawng a nhtoi hkun ya shani hta dai Madu a hpung shingkang shanu nga ai Sum ntsa hta sumwi dawm mat wa ai rai nna;

BU HKAWM 16:40

Dai Madu hpe manam pyaw ai baw nat nawng na nga, Arun a amyu matu n re ai Israela masha langai mi mung tawn hkungri nga ai de n sit sa lu na matu sadi jaw ai lam rai nga ai. Shing n rai yang, dai wa gaw Kora hte shi a masha ni hpe zawn shamyit kau ai hkrum na rai wu ai. Ndai lam yawng gaw Mawshe hku nna Eleaza galaw na matu dai Madu hkang da ai lam rai nga ai.

BU HKAWM 17:13

Sum de sit sa ai ni kadai mung si lu na rai nga ai; dai re ai majaw anhte yawng mayawng wa si htum mat na saga ai!,” ngu nna tsun ma ai.

BU HKAWM 17:5

Dai hpang ngai lata la ai wa a dawhkrawng gaw maku ku na ra ai. Dai lam hku nna nang hpe ninghkap ai ndai Israela masha ni a n htum n mat hkraw ai aput angun ga hpe ngai shangap kau lu na rai nngai,” ngu nna tsun wu ai.

BU HKAWM 18:22

Kaga Israela masha ni chyawm gaw Sum de loi mi mung sit sa lu na ma ai n rai. Ndai lam hta shanhte si ari hkrum sha na ma ai.

BU HKAWM 18:3

Shanhte gaw Sum hta galaw ra ai shanhte a amu ni hte nang hpe karum na shanhte a lit ni hpe galaw shatup na rai ma ai; rai ti mung Chyoi Pra ai Shara hta nga ai san seng ai arai hte tawn hkungri ni hpe shanhte sa hkra lu na ma ai n rai; shanhte dai hpe sa hkra hkrup ma ai rai yang, shanhte mung, nan wa ni mung si na rai myit dai.

BU HKAWM 18:4

Shanhte gaw nang hte rau amu galaw nna Sum hte seng ai daw jau amu yawng hte hpe galaw shatup na rai ma ai; rai ti mung ra rawng ai wa chyawm gaw nang hte rau amu galaw mai nga ai n rai.

BU HKAWM 18:7

Rai ti mung, nang hte na a shadang sha ni chyu sha Chyoi Pra Htum ai Shara hte tawn hkungri hta jaw jau ra ai hkinjawng amu yawng galaw shatup na rai myit dai. Nanhte galaw na hkinjawng amu hpe kumhpa zawn ap ya ma sade ai majaw ndai amu ni gaw na a lit rai nga ai. Dai rai nna chyoi pra ai arai nga ai de sit sa ai ra rawng ai masha kadai mung sat kau ai hkrum na rai wu ai,” ngu nna tsun wu ai.

BU HKAWM 3:10

Arun hte shi a shadang sha ni hpe hkinjawng amu gun hpai na matu nang shanhte hpe matut shatsam na rai ndai; shanhte galaw ai amu hta hkan galaw shakut nang ai wa kadai mung sat kau ai hkrum na rai wu ai,” ngu nna tsun wu ai.

BU HKAWM 3:38

Mawshe yan Arun hte shi a shadang sha ni chyawm gaw sinpraw maga dai Sum a man hta but na rai ma ai. Shanhte gaw Israela amyu masha ni a matu chyoi pra ai shara hta amu galaw na lit lu nga ma ai. Shanhte kaw sit sa wa ai ni kadai mung sat kau ai hkrum na rai ma ai.

1 SAMUELA 6:19

Bet Sheme masha ni dai Ga Shaka Sumpu kata de yu yu ma ai majaw dai Madu gaw masha sanit shi hpe sat kau nga ai. Shanhte a lapran hta ndai zawn si ru ai amu kaba dai Madu shabyin dat wu ai majaw masha ni sharung shayawt nga ma ai.