BU HKAWM 1:4 - Jinghpaw Common Language Bible 2009

⁴ Nan hpe karum na matu amyu baw shagu na amyu lakung du langai ngai hpyi na rai myit dai,” ngu nna tsun wu ai.

Jinghpaw Hanson Version Bible

⁴ Amyu lakung shagu hta na tinang amyu hta agyi tai ai wa langai langai, nan hte rau lawm lu na rai ma ai.

BU HKAWM 1:4 Iomraidhean Croise

1 HKAWHKAM 8:1

Dai hpang hkawhkam Shawlumon gaw Israela amyu bawsang ni hte lakung lama ni yawng a ningbaw ni hpe dai Madu a Ga Shaka Sumpu hpe Ziun ngu ai Dawi a Mare kaw nna Nawku Htingnu de jashawn da na matu, shi nga ai Yerusalem mare de sa wa na hkang dat wu ai.

PRU MAT 18:21

Rai ti mung, dai hta kaga, atsam ningja rawng ai masha nkau mi hpe nang lata la nhtawm, amyu masha ni a ningbaw tai ai hta, hkying mi a ningbaw ni, latsa a ningbaw ni, manga shi a ningbaw ni hte shi a ningbaw ni ngu nna san tawn u. Shaloi shanhte gaw Karai Kasang hpe hkrit kamyin ai ni, kam hpa ging ai ni hte mayun kumhpa n la sha ai ni rai lu na ma ai.

PRU MAT 18:25

atsam ningja rawng ai masha ni hpe Israela amyu masha ni yawng kaw na lata la wu ai. Dai ni hpe hkying mi a ningbaw, latsa a ningbaw, manga shi a ningbaw hte shi a ningbaw ni ngu nna san da wu ai.

BU HKAWM 17:3

Lewi amyu a malai dai dawhkrawng ntsa hta Arun a mying hpe ka na rai ndai. Dai gaw amyu bawsang shagu hte seng ai ningbaw shagu a matu dawhkrawng langai ngai rai na rai nga ai.

BU HKAWM 25:14

Midian numsha hte shut nna sat kau hkrum ai Israela la wa a amying gaw Simun amyu baw hta na dinghku langai mi a baw tai ai Salu a kasha Zimri rai nga ai.

BU HKAWM 25:4

Mawshe hpe, “Israela ningbaw ni yawng hpe shaga la nna nye a ga madat let jan mai ai shara hta shanhte hpe sat kau na rai ndai; ngai mung amyu masha ni a ntsa masin kawp lu na nngai,” ngu nna tsun wu ai.

BU HKAWM 30:1

Mawshe gaw Israela amyu bawsang ni a ningbaw ni hpe hkan sa na ga matsun jaw ya wu ai.

BU HKAWM 4:34

Mawshe yan Arun hte shawa hpung na ningbaw ni gaw dai Madu a hkang da ai ga hte maren, Lewi lakung lama masum rai nga ai Kohat, Gershon hte Merari ni a yuptung jahpan hta la ma ai. Shanhte gaw dai lam hpe lakung lama kaw na ran yu wa ai lakung lakying ni hte dinghku hku hkan nna dai Madu a hpung shingkang shanu nga ai Sum hta atsam tup amu gun hpai lu na asak sumshi hte manga shi ning lapran na lasha ni yawng hpe lawu de na chyarang hte maren jahpan dan ma ai. Lakung Lama Hti Hkum Kohat 2,750 Gershon 2,630 Merari 3,200 Yawng: 8,580

BU HKAWM 7:2

Dai hpang amyu lakung lama ni a ningbaw ni ngu na Israela amyu bawsang ni hta na ningbaw ni, yuptung jahpan woi hta ai dai masha ni nan

TARA JAHPRANG 1:15

Dai rai nna nanhte a amyu bawsang ni kaw na lata da sai dai hpaji byeng-ya rawng nna mahkrum madup nga ai ningbaw ni hpe ngai woi la nhtawm nanhte hpe hpareng na shanhte hpe ngai dang da ya mase ai. Dai re ai majaw masha nkau mi gaw masha hkying mi, nkau mi masha latsa, nkau mi manga shi, nkau mi masha shi di nna up hkang na lit lu nga ma ai. Ngai gaw kaga du salang ni hpe mung amyu bawsang hku hkan nna san tawn da ni ai.

YAWSHU 22:14

Hpineha hte rau sinna maga de na amyu bawsang shagu hta na marai langai hpra hpra, amyu lakung lama ni hta na dinghku shagu a ningbaw ni hte rau marai shi sa mat wa ma ai.