2 TIMOHTI 2:2 - Jinghpaw Common Language Bible 2009

² Sakse law law ni a man e, ngai kaw na nang sharin la, na la sai sharin shaga ai ga ni hpe hta la nhtawm masha kaga ni hpe mung bai sharin achyin ya lu na re ngu nna nang kam mai ai masha ni hpe bai htawt ap ya u.

Jinghpaw Hanson Version Bible

² Sakse law law a man e ngai kaw na nang na la sai lam hte hpe, masha kaga hpe sharin achyin chye ai kangka re ai masha hte kaw htawt ap ya u.

2 TIMOHTI 2:2 Iomraidhean Croise

EZRA 7:10

Ezra chyawm gaw dai Madu a Tara hpe sharin achyin ya let dai hpe ta tut hkan sa nna, Israela amyu masha ni hpe de a tara hte hkan sa na matsun maroi ga ni hpe sharin achyin ya na, shi a asak ap nawng da nu ai.

EZRA 7:25

“Ezra e, nang gaw na a Karai Kasang nang hpe jaw ya sai hpaji byeng-ya lang nna, na a Karai kasang a tara hpe hkan ai, Uhprat a Sinna maga de nga ai masha ni yawng hpe up hkang na du ni hte tara agyi ni hpe san tawn u. Shing rai Tara a lam n chye ai ni kadai hpe mung dai lam nang sharin ya lu na rai ndai.

NEHEMIA 7:2

Ngai gaw Yerusalem mare hpe up hkang hpareng na masha lahkawng san da nngai; shan gaw ngai nau Hanani hte hpyen dap hpe up hkang nga ai Hanania yan rai nga ai. Hanania gaw kam hpa mai ai hte Karai Kasang hpe grau nna hkrit kamyin ai wa rai nga ai.

SHAKAWN KUNGDAWN 101:6

Karai Kasang hta sadi sahka nga ai ni hpe ngai ra sharawng nga na we ai; shanhte hpe nye a hkawhkam wang hta shanu nga shangun na nngai. Tsep kawp myit malang ai ni, ngai hpe daw jau na ahkang hkam la lu na mara ai.

GA SHAGAWP 13:17

Kam hpa n lu ai kasa ni gaw ru yak tsin-yam hpe shabyin nga ma ai; kam hpa lu ai masha ni gaw ngwi pyaw sim sa lam hpe shabyin shatai ya nga ma ai.

YEREMIA 23:28

Yup mang mu ai myihtoi wa gaw yup mang hpe chyu sha hkai dan u ga; rai ti mung, nye a mungga hpe na la ai myihtoi wa gaw mungga hpe kangka ai hte htawn tsun u ga. Yihku hte hkaulan mam hpe kaning rai shadawn mai nga a ta?

JAW JAU 14:42

Dai hpang malawk kau sai nlung hkang hta kaga nlung bai bang nna ing gade nnan hte chya na rai wu ai.

MALAHKI 2:7

Karai Kasang a teng man ai machye machyang hpe sharin ya na gaw hkinjawng ni a lit rai nga ai. Nye a myit ra ai lam hpe sharin la na matu, masha gaw shanhte hpang de sa ang nga ma ai, hpa majaw nga yang, shanhte gaw Chyahtum Chyalai N-gun rawng ai dai Madu a kasa ni rai ma ai.

BU HKAWM 12:7

Nye a shangun ma Mawshe hte ngai ga shaga ai shaloi, dai gaw shai ai lam rai nga ai; dai nye a amyu masha Israela ni yawng hpe woi hpareng na matu, ngai shi hpe san da ni ai.

MAHTE 13:52

Bai shi gaw, “Dai rai nna sumsing lamu a Mungdan hta e sape langai mi tai wa sai tara sara shagu gaw, tinang a sut dek hta na nnan baw mung, dingsa baw mung shapraw ai nta madu wa hte bung nga ai,” ngu nna shanhte hpe htan mu ai.

MAHTE 24:25

Madat mu! ndai lam garai n byin kaw nna ngai nanhte hpe tsun hkap da ni ai.

LUKA 12:42

Dai Madu gaw, “Dai rai yang gaw, kangka ai hte hpaji rawng ai shangun ma gaw kadai wa rai na rai ta? Nta Madu wa e, shangun ma ni hpe up hkang na hte, aten du jang lusha karan jaw na san da hkrum ai wa rai nga ai.

1 KORINHTU 4:2

Shing rai lit la nna magam gun hpai ai shangun ma wa hta nga ra ai atsam marai langai mi gaw, shi a Madu a ntsa e kangka sadi dung na lam rai nga ai.

2 KORINHTU 2:14

Rai ti mung Karai Kasang a chyeju grai kaba la nga ai; hpa majaw nga yang, shi gaw anhte hpe Hkristu hte langai sha shatai nna Hkristu a awng padang lu ai poi hta ninglaw yan hkawm ai bawng masha ni hpe zawn Karai Kasang gaw anhte hpe woi awn da mi ai. Hkristu hpe chye chyang ai machye machyang hpe manam pyaw ai bat zawn shara shagu hkan e shabra dat na matu Karai Kasang gaw anhte hpe jai lang nga mi ai.

2 KORINHTU 3:5

Anhte gaw ndai amu hpe galaw lu ga ai ngu nna tsun lu na anhte hta hpa atsam marai mung n rawng ga ai. Anhte lu ai atsam mahtang gaw Karai Kasang kaw na rai nga ai.

KOLOSE 1:7

Nanhte gaw Karai Kasang a chyeju lam hpe anhte a tsaw ra ai shingdep shingtau wa Epahpra kaw nna sharin la manit dai; shi gaw anhte a malai Hkristu a kangka re ai magam gun hpai ai wa rai nga ai.

1 TIMOHTI 1:12

Ngai galaw gun hpai nga ai bungli a matu ngai hpe n-gun lagaw jaw ya ai anhte a Madu Hkristu Yesu hpe ngai chyeju dum shakawn nngai. Shi gaw ngai hpe ging dan ai wa re ai ngu nna sawn la nna shi hpe daw jau na matu san da hkrum ni ai majaw mung shi hpe chyeju dum shakawn nngai.

1 TIMOHTI 1:18

Ngai sha Timohti e, lai wa sai ten hta nang hpe sha-ang nna htawn tsun ai myihtoi ga ni hte maren, galaw gun hpai sa wa na matu ngai nang hpe ahkaw ahkang ap ya de ai; atsawm sha gasat gala lu na matu dai myihtoi ni htawn tsun ai ga ni hpe laknak zawn jai lang nga u.

1 TIMOHTI 4:14

Myihtoi ni hkaw tsun ai hte hpung woi ni na a ntsa e lata mara sari dang da ya ai shaloi nang hpe jaw da nna nang hta rawng nga ai wenyi hte seng ai chyeju kumhpa hpe n gawn n sawn di nna hkum hprai kau nga u.

1 TIMOHTI 4:6

Ndai matsun ga ni hte maren Hkristan hpu nau ni hpe nang shadum shahprang nga n yang gaw nang gaw nang hkap la nga ai wenyi makam masham lam hpe mung, teng man ai sharin shaga ai ga hpe mung, hkan nga ai majaw Hkristu a shangun ma kaja rai nga nit dai.

1 TIMOHTI 5:22

Madu a magam bungli gun hpai na matu kadai hpe mung lata mara nna aya dang ya na hkum tin et. Kaga masha ni yubak galaw ai lam hta hkum lawm et; nang nan mara n kap hkra san seng nga u.

1 TIMOHTI 6:12

Makam masham hte seng ai gat shingjawng poi hta atsam htum hkra gat nna htani htana asak ngu ai kumhpa hpe na a matu lu la hkra di u; hpa majaw nga yang, dai asak hkrung lam hta e, nang hpe Karai Kasang shaga la ai shaloi nang gaw sakse law law ni a man e kam sham sai lam ngang ngang kang kang nang yin la nit dai.

2 TIMOHTI 3:10

Rai ti mung nang chyawm gaw nye a sharin shaga ai lam, nye a lai len hte, nye a asak hkrung lam hta shatawng shada ai lam ni hpe hkan sa nit dai, nye a makam masham nye a myit galu nna hkam sharang ai lam, nye a tsaw ra ai myit, nye a shakut sharang ai lam,

2 TIMOHTI 3:14

Rai ti mung nang chyawm gaw, nang sharin achyin hkam la nna ngang ngang kang kang kam sham nga sai dai teng man ai lam hta matut nna hkan sa nga u. Na a sara ni kadai ni rai ma ai hpe dum chye nga ndai.

HEBRE 2:17

Dai re ai majaw shi gaw, masha ni a yubak mara ni hpe raw dat kau ya lu na matu matsan dum chye ai kangka re ai hkinjawng agyi kaba tai ai hku nna Karai Kasang a magam bungli gun hpai lu u ga, lam shagu hta shi a kahpu kanau ni mu hkrum hkam sha nga ai lam ni hpe shanhte hte rau rum hkam sha nu ai.

1 SAMUELA 2:35

Ngai hta sadi dung na ra ai hkinjawng langai hpe ngai lata la na nngai. Shi gaw ngai galaw shangun mayu ai lam magup hte hpe galaw na rai wu ai. Ngai lata san da sai hkawhkam wa a man e tut nawng daw jau na mara ai amyu matu mara ni ngai nang hpe jaw ya na nngai.