1 TIMOHTI 5:16 - Jinghpaw Common Language Bible 2009

¹⁶ Kam sham ai Hkristan num langai mi gaw, tinang a dinghku hta gaida mat ai ni lawm ai rai yang gaw, shanhte hpe gawn lajang galaw daw ai lam galaw lu na rai nga ai. Shanhte a matu hpung hpe kaga mi lit n mai shali ai. Shing rai yang she hpung gaw kaja wa kam hpa shara n lu mat sai gaida jan ni hpe galaw daw lu na rai nga ai.

Jinghpaw Hanson Version Bible

¹⁶ Kamsham ai numsha langai ngai kaw gaida jan nga a yang gaw, shi nan shanhte hpe galaw daw nna, dai Hpung hpe hkum shatsang u ga: shing rai dai Hpung gaw gaida jan majing ni hpe galaw daw lu na mara ai.

1 TIMOHTI 5:16 Iomraidhean Croise

1 TIMOHTI 5:8

Marai langai ngai gaw, tinang a amyu ru sai, grau nna dinghku masha ni hpe yu lanu lahku ai lam n nga ai wa gaw, dai makam masham hpe ningdang kau ai wa rai nna n kam ai masha langai hta pyi grau nna n hkru n kaja ai wa rai nga ai.

1 TIMOHTI 5:9

Asak kru shi ning sha n jan yang gaw kadai gaida jan hpe mung gaida jan ni a jahpan hta n bang u ga, shi gaw kalang sha hkungran dinghku de ai jan rai ra ai.

1 TIMOHTI 5:10

Dai hta n ga, shi gaw arawn alai kaja ai lam hta mung gumhkawng ai jan, kashu kasha ni hpe atsawm sha woi lanu lahku shakung jahpan ai jan, tsasam manam ni hpe shi a nta kaw hkap la nna galaw daw ai jan, Hkristan hpu nau ni hte seng nna galaw ra ai lit ni hpe myit nem ai hte galaw gun hpai ai jan, ru yak jam jau hkrum nga ai ni hpe karum ai jan, mai kaja ai magam bungli hpe ap nawng gun hpai ai jan rai ra ai.