1 TIMOHTI 2:4 - Jinghpaw Common Language Bible 2009

⁴ Shi gaw masha yawng mayawng hkye la hkrum nna, dai teng man ai lam hpe chye chyang wa lu na matu ra sharawng nga ai.

Jinghpaw Hanson Version Bible

⁴ masha yawng mayawng hkye hkrang la ai hkrum lu nna, tengman ai lam a chye chyang ai kaw du lu mu ga, shi ra nga ai.

1 TIMOHTI 2:4 Iomraidhean Croise

ESAIA 45:22

“Mungkan ting hta nga ai amyu masha ni e, hkye hkrang la hkrum na matu, ya jang ngai kaw kayin wa marit! Ngai chyu sha Karai Kasang rai nga nngai, Karai shaje n nga nga ai.

ESAIA 49:6

Dai Madu gaw ngai hpe, “Nye a shangun ma wa e, ngai gaw na a matu bungli grau kaba ai langai lu nngai. Naw ngam nga ai Israela amyu masha ni hpe galu kaba lam jaw ya na matu sha n rai nga ai; rai ti mung ngai gaw nang hpe masha amyu ni a matu nhtoi shatai na we ai, shaloi mungkan yawng gaw hkye hkrang la hkrum na ma ai,” ngu nna tsun ai.

ESAIA 53:11

Nni nkri hkrum sha ai asak a hpang, shi gaw kabu gara ai lam bai lu la na ra ai; shi gaw kaman lila nni nkri n hkam kau ai lam hpe chye wa na ra ai. Ngai sharawng awng ai hte ding man ai nye a shangun ma gaw, law law a ari hpe gun kau ya na ra ai, shi a jaw e, ngai shanhte hpe mara dat ya na nngai.

ESAIA 55:1

Dai Madu gaw, “Hpang gara ai ni e, sa marit- ndai yang e hka nga nga ai! Gumhpraw n lu ai ni e, sa marit- nsi naisi mari nna sha mu! Sa marit, sabyi ntsin hte nga chyu mari lu mu- dai gaw manu jahpu hpa mung n hkrat ra nga ai!

EZEKELA 18:23

Dai Tsaw Htum ai Madu gaw, “N hkru ai wa si wa yang, ngai yu kabu na zawn nang myit nawn nga n ni?,” ngu nna san wu ai. Shi gaw, “Dai hku n rai law, shi myit malai wa nna hkrung nga na hpe ngai grau nna mu mayu nga nngai.

EZEKELA 18:32

Dai Tsaw Htum ai Madu gaw, “Ngai gaw nanhte kadai hpe mung n si shangun mayu nngai, dai re ai majaw, nanhte shut hpyit kau ai yubak kaw nna kayin wa nhtawm hkrung nga mu law,” ngu nna tsun wu ai.

EZEKELA 33:11

Tsaw Htum ai dai Madu ngai gaw ahkrung nga ai Karai Kasang rai nga nngai, dai majaw yubak kap ai wa si mat wa na hpe yu kabu nga nngai n rai. Yubak galaw ai hpe kau da nna hkrung nga na hpe ngai yu sharawng nga nngai ngu shanhte hpe htawn tsun u. Israela e, nang galaw nga ai dai n hkru n shawp ai amu hpe kau da u. Nang hpa majaw si mayu nga n ta?

HABAKU 2:14

Rai ti mung, Panglai ni gaw hka hte hpring nga ai zawn ginding aga gaw dai Madu a hpung shingkang a machye machyang hpaji hte hpring nga na ra ai.

MAHTE 28:19

Dai majaw nanhte pru sa nna, shara shagu na masha amyu baw shagu ni hpe nye a sape ni shatai let, Kawa a Kasha a Chyoi Pra Ai Wenyi a amying nsang hta shanhte hpe hkalup jaw nhtawm,

MARKU 16:15

Bai shi shanhte hpe, “Nanhte mungkan ting chyam hkra hkawm sa nna shinggyim masha amyu baw shagu hpe, dai Kabu Gara Shiga hkaw dan mu.

LUKA 1:77

Nang gaw shi a amyu masha ni hpang de sa nna shanhte a mara ni hpe dat kau ya nna hkye hkrang la na ra ai lam tsun dan na rai ndai.

LUKA 14:23

Shing nga jang madu gaw, ‘Nam kahtawng hkan na lam kaji kaba de pru sa nna, nye a nta hpring u ga, shanhte hpe adip arip woi bang rit.

LUKA 24:47

Shi a mying nsang hte, yubak mara dat ya kau na lam hte myit malai lu na lam shiga hpe Yerusalem kaw nna masha amyu baw shagu hpe hkaw tsun lu na, nga nna ka da nga ai.

YAWHAN 14:6

Yesu gaw, “Lam gaw ngai rai nga nngai, teng man ai hte asak mung, ngai rai nga nngai; ngai hta nna n rai yang kadai mung, nye Wa kaw n du wa lu ai.

YAWHAN 17:17

Dai teng man ai lam hta na a matu shanhte hpe shachyoi shapra nna san da u; na a mungga gaw teng man ai lam rai nga lit dai.

YAWHAN 6:37

Nye Wa ngai hpe ap ya ai yawng mayawng hte gaw ngai hpang de du na mara ai, Ngai hpang de du sa ai wa hpe mung, kaja wa ngai n kanawng kau na nngai.

ROMA 11:14

Ngai gaw nye a amyu masha ni a myit hta manawn ai myit lama rawng shangun ai rai yang shanhte nkau mi sha hkye hkrang la ai hkrum lu na rai nga ai.

1 TIMOHTI 4:10

Shinggyim masha yawng hte, grau nna kam sham ai ni a hkye hkrang la ai Madu rai nga ai ahkrung nga ai Karai Kasang gaw anhte a myit mada shara rai nga ai majaw, anhte amu bungli galaw ai lam aja awa shakut nga ga ai.

2 TIMOHTI 2:25

Tinang hpe n htan shai ninghkap ai ni hpe shading sharai ai hta sumnung shingdi si mani ai hku galaw ai wa rai ra ai; hpa majaw nga yang, shanhte gaw myit malai lu nna dai teng man ai lam hpe chye na wa na ahkang Karai Kasang shanhte hpe jaw yang jaw na ra ai.

2 TIMOHTI 3:7

Sharin achyin ai hpe hkam la na tut nawng e ra sharawng let shakut ma ti mung, shanhte gaw dai teng man ai lam hpe chye chyang ai de, galoi mung n du lu ma ai.

TITU 1:1

Karai Kasang a shangun ma hte Yesu Hkristu a kasa wa rai nga ai ngai Pawlu gaw laika ka dat nngai. Karai Kasang gaw shi lata la ai masha ni a makam masham hpe bau maka sharawt ya na matu mung, anhte a nawku htung a sharin ya ai tengman ai lam hpe mu lu chye lu hkra lam madun na matu mung, ngai hpe lata la nna shangun dat ni ai.

TITU 2:11

Hpa majaw nga yang, Karai Kasang gaw masha amyu yawng hpe shi a hkye hkrang la ai chyeju shapraw shadan dan nu ai.

HEBRE 10:26

Hpa majaw nga yang, anhte gaw dai teng man ai lam hpe chye na hkam la ngut sayang me, yubak hpe dingsang galaw dingyang rai nga ga yang gaw, anhte a yubak mara a matu nawng ya na shagu hkungga naw nga sana n rai.

YAKU 3:14

Rai ti mung nanhte a myit hta e, manawn masham ai myit, myit machyi ai, tinang akyu tam ai myit rawng ai rai yang nanhte a hpaji byeng-ya rawng dum nna grang gumrawng ai hte dai teng man ai lam hpe shut kau ai mara hkum galaw myit.

2 PETRU 3:9

Masha nkau mi myit ai zawn, Karai Kasang gaw shi a ga sadi jaw da sai lam hpe galaw shadik na matu aten la nna lanyan taw nga ai n rai; rai ti mung yawng mayawng yubak mara kaw na kayin wa nna kadai mung hten bya ai n hkrum u ga, shi ra nga ai majaw shi nanhte a ntsa e, myit galu nga ai majaw rai nga ai.

2 YAWHAN 1:1

Asak kaba sai ngai salang wa kaw nna, teng man ai hku ngai tsaw ra nga ai Karai Kasang e lata la hkrum ai Majan hte shi kashu kasha ni hpang de ga shana dat nngai. Nang hpe ngai chyu sha n rai, teng man ai lam ni hpe chye chyang ai ni yawng mayawng kaja wa tsaw ra nga ma ai.

SHINGRAN 14:6

Dai hpang sumsing hpatwat e pyen kayin nga ai lamu Kasa langai mi hpe ngai mu nngai. Shi gaw amyu baw shagu, baw lakung shagu, ga amyu shagu hte, masha mungdan shagu hpe tsun shana dan na htani htana a Kabu Gara Shiga hpe la sa wa ai.