1 TIMOHTI 2:2 - Jinghpaw Common Language Bible 2009

² Anhte gaw Karai Kasang hpe hkrit hkungga ai lam ni yawng hta atsawm sha hkan sa nna htap htuk mai kaja ai arawn asam rawng let ngwi pyaw sim sa ai hku asak hkrung nga lu u ga, Hkawhkam ni hte ahkang lu ai ni yawng a matu mara akyu hpyi nga mu.

Jinghpaw Hanson Version Bible

² hkawhkam ni hte ahkang aya lu ai ni mahkra a matu mara mung, hpyi nem ai, akyu hpyi ai, hpyi htinglu ya ai hte shakawn kungdawn nga u ga, shaje mahkra a shawng e, ngai shadut jahkat dat nngai.

1 TIMOHTI 2:2 Iomraidhean Croise

2 SAMUELA 20:19

Anhte a mare gaw kaba ai mare langai mi rai nna Israela mung hta grau nna ngwi pyaw sim sa htum ai hte sadi dung htum ai mare langai mi rai nga ai. Nang gaw ndai mare hpe hpa majaw jahten sharun kau mayu nga n ta? Dai Madu madu da ai mare hpe nang sharun jahten kau mayu nga n ni?,” ngu nna tsun wu ai.

EZRA 6:10

Ndai hku galaw na lam rai nga ai, shaloi Sumsing Lamu a Karai Kasang hkap la lu ai shagu hkungga ni hpe shanhte nawng ya lu nna, nye a ntsa e mung, nye a kasha ni a ntsa e mung shi a shaman chyeju hkam la lu na matu mung akyu hpyi ya lu na rai ma ai.

NEHEMIA 1:11

Nye a akyu hpyi ga hte nang hpe shagrau sha-a mayu ai kaga na a shangun ma ni yawng a akyu hpyi ga ni hpe ya jang madat ya mi. Dai ni jang ngai hpe awng dang ai lam jaw ya let hkawseng wa anhte hpe yu matsan dum shangun mi law.” Ngai chyawm gaw dai aten e hkawseng wa a sabyi jau ai wa rai nga nngai.

SHAKAWN KUNGDAWN 72:1

O Karai Kasang e, na a ding man ai lam hte tara jeyang na matu, hkawhkam wa hpe sharin ya u; na a teng man ai lam shi hpe garan ya u,

GA SHAGAWP 24:21

Ngai sha e, dai Madu hpe hkrit kamyin nga u; hkawhkam wa hpe shagrau sha-a nga u, shanhte hte nhtan shai nna gumle gumlau ai masha ni hte hkum kanawn et;

YEREMIA 29:7

Ngai nanhte hpe bawng dung shangun ai mare ni hta mai kaja ai amu magam a matu shakut shaja nga mu. Shanhte ngamu ngamai wa ai rai yang, nanhte mung ngamu ngamai na ra ai majaw, shanhte a matu ngai kaw akyu hpyi nga mu.

LUKA 1:6

Dai yan gaw Karai Kasang a man e ding hpring ai yan rai nga ma ai. Shan gaw Madu a jep ai tara nga manga hte hkang da mada yawng hpe htep lahti hkan nang ma ai.

LUKA 2:25

Dai ten hta Simun mying ai masha langai mi Yerusalem mare e nga ai, dai wa gaw ding hpring ai hte Karai Kasang hpe hkrit hkungga nna, Israela hpe hkye hkrang la na lam myit mada ala nga ai wa rai nga ai.

KASA 10:22

Shanhte gaw, “Anhte hpe hpyen latsa up ai du wa Korneli shangun dat mi ai. Shi gaw kaja ai masha langai mi rai nna Karai Kasang hpe hkrit hkungga ai hte Yuda amyu ting a man e grai myi man pa ai, hkungga lara hkrum ai wa rai nga ai. Karai Kasang a Lamu Kasa langai mi gaw, nang hpe Korneli shi a nta de shaga bang nna nang tsun ai ga madat la na lam hkang da nu ai,” ngu nna tsun mu ai.

KASA 24:16

Dai rai nna ngai gaw Karai Kasang a man e mung, masha a man e mung, ra n rawng ai sha tut nawng htauli htaula myit san pra nga lu hkra atsam htum hkra a shaja nga nngai.

ROMA 12:18

Nanhte a maga hku nna rai lu myit dai daram, masha nlang hte hte myit hkrum ngwi pyaw simsa hkra nga mu.

HPILIPI 4:8

Hpu nau ni e, hpungdim hku nna tsun ga nga yang, nanhte gaw hpa teng man ai lam rai ti mung, hpa ding hpring ai lam rai ti mung, hpa san seng ai lam rai ti mung, hpa sharawng awng hpa lam rai ti mung, hpa sha-a ram ai lam rai ti mung, a rawng re ai lam lama ma, shakawn kungdawn re ai lam lama ma rai nga yang gaw dai lam hte hpe myit sumru yu nga mu.

1 HTESALONI 4:11

Nanhte gaw shawng e anhte tsun htet da sai hte maren, sim sa ai hku hkan sa asak hkrung nga na matu mung, kaga masha ni a lam hta n hkan chyau lau hkawm na matu mung, tinang a kan bau bungli hpe tinang dai galaw sha nga na matu mung, myit jasat da nga mu ga.

HEBRE 12:14

Masha shagu hte ngwi pyaw ai hku nga lu hkra mung, chyoi pra ai asak hkrung lam hpe lu la hkra mung, tam shakut nga mu. Hpa majaw nga yang, dai zawn re ai asak hkrung lam hte n rai yang kadai mung dai Madu hpe mu lu na n rai.