1 TIMOHTI 2:11 - Jinghpaw Common Language Bible 2009

¹¹ numsha ni gaw myit shagrit shanem let asim sha sharin achyin hkam la nga mu ga.

Jinghpaw Hanson Version Bible

¹¹ Numsha gaw hkang ai hku ting hkan nna, asim sha sharin la nga u ga.

1 TIMOHTI 2:11 Iomraidhean Croise

NINGPAWT NINGHPANG 3:16

Shi gaw numsha hpe mung, “Na a na-um nasin re ai tsin-yam hte shinggyim machyi ai nchyi nmu lam hpe ngai shalaw ya na nngai. Dai zawn hkrum hkra nga ti mung, nang gaw na a madu wa hta myit manoi nga nna, shi mung na a ntsa e up nga na ra ai,” ngu nna tsun wu ai.

ESHTA 1:20

Na a ndau shabra ai lam ndai galu kaba ai hkawseng mungdan ting de chye shangun dat ai shaloi, numsha ni langai hte langai gaw lu su ai rai tim, matsan ai rai tim tinang nang a madu wa ni hpe kaja wa hkungga lara galaw wa na mara ai.

1 KORINHTU 11:3

Rai ti mung, lasha nlang hte a baw gaw, Hkristu rai nga ai, numsha a baw chyawm gaw lasha rai nga ai, Hkristu a baw chyawm gaw Karai Kasang rai nga ai lam ngai nanhte hpe chye na shangun mayu made ai.

KOLOSE 3:18

Madu jan ni e, tinang a madu wa ni hkang ai hku hkan nga mu, dai gaw Hkristan langai mi hku nna dai Madu hta hkan sa na matu sut ai lam rai nga ai.

1 TIMOHTI 2:10

nawku htung tara atsawm sha hkan shadik ai numsha ni a matu galaw ang ai lam hte maren mai kaja ai arawn alai hte tinang a hkum hpe mawn nga mu ga,

TITU 2:5

Sumnung shingdi nna sari sadang rawng ai, san seng ai dinghku num kaja tai nna tinang a madu wa hkang ai hku hkan ai ni rai lu na matu sharin shakyang ya lu na ma ai.

1 PETRU 3:1

Dai hte maren madu jan ni e, tinang a madu wa hkang ai hku hkan nga mu; ndai lai hku nna nanhte hta Karai Kasang a mungga hpe garai n kam n sham ai madu wa ni lawm ai rai yang gaw, nanhte a arawn alai hpe mu nna ga hkaw mi n tsun ra ai sha kam sham ai masha shatai la lu na myit dai.