Matta 2:16 - Meeŋka Jooŋ

¹⁶ Aŋ Ïïrüüdüc, wääna yoorreeda ike malene daa ŋïngïn ŋäjjoni ye, ike pennä kä yaac aŋ ike tuccin kääygä aŋ merkälen oogen näŋgi ḍugin muure, yaaka Beetlaam ye ke bänkä yaaka cokulaŋ ti ye, yaaka yuungen kä yewweni ke ïñï ye, kä waan yaana ookke gïtï ŋäjjoni ti kä üükïn woo kiṭṭä ye.

Matta 2:16 Iomraidhean Croise

Ïïjjïn 39:14

i iiŋ ñuuguloni yek än bärkene ti, aŋ kiinne ogo, “Yoore män Iburu yaana äbi oon yeeni än ti ye, ïkïïn ñääyïn kä yokïn. Ike äätin än yeeni jï ogo ika nïïnjada, aŋ ika yaajjänä kä yaac.

Ïïjjïn 39:17

Aŋ nüütkene jiik keelkä, aŋ kiinne ogo, “Män Iburu yaana a kiingon yüünü ickonoon kä winni yaanni äätin ika ti ogo ika ñääyjada ko yok,

Ïïjjïn 49:7

Tuummu wäätï piinkä yeeken ti kä yaana yejgene yejok ye, aŋ piinkä yeeken yejgaŋ kä yaac, aŋ iken bi piirjä woo kaaynä yeeki gïtï, aŋ iken bi gääjä gïtï mä Icärayiil ti.

Matta 2:1

Aŋ wääna Yeecüwa giidene daa me Beetlaam baan Yühüdïya ye, a nïïnkä Yätkä Ïïrüüdüc ti. Aŋ ook yakkalaŋ a ŋäjjoni ätä ñomuk äätin Oorcalïïm,

Matta 2:17

Aŋ ken ḍääkit yaaka jaayi bäṭo Ïrmïya ye ogo,

Matta 2:7

Aŋ Ïïrüüdüc ŋäjjoni bärkene ti kä ätkïtïn ukcenee gïtï a tooku ken üükene woo kiṭṭä.