Ïïjjïn 49:3 - Meeŋka Jooŋ

³ “Robïïn, ïkï agä kaygon yeeni, aŋ teynä yeeni ke ïkï agä minneni ïïjïnï woo yen dürkïtïnï, aŋ ïkï agä kültü yen eemdin ke kültü yen teynä.

Ïïjjïn 49:3 Iomraidhean Croise

Ïïjjïn 29:32

Aŋ Leya laaccä aŋ giiṇṇä minneni a oon aŋ äkkene yäṇtäŋ ogo Robïïn, a yaana jaajjenee kä ogo, “Pïṭo yuṭṭu pillä yeeni, aŋ wäättan tiññaŋ ika bi bilgana oon yeeni.”

Ïïjjïn 35:22

Aŋ wääna Yaagüüp cääye kä baan yaanja ti ye, i Robïïn Bila nïïnne, kiingon iiŋe yen wäyen, aŋ jiik yaakka tiiŋi Yaagüüp. Aŋ yaakki a yäṇtäŋŋi yek merkälen Yaagüüp yaaka kä caay witken kä yewwe ye.

Ïïjjïn 35:23

Aŋ merkälen Leya a Robïïn kaygon yen Yaagüüp ke Camoon ke Laawï ke Yahüüja ke Yacakïïr aŋ Jabuloon.

Ïïjjïn 46:8

Aŋ yaakki a yäṇtäŋŋi yek kaaynä Icärayiil yaaka a merkä Yaagüüp attä Macïr ye, Robïïn a minneni Yaagüüp yaana a kaygon ye.

Ïïjjïn 48:18

Aŋ Yuucip wäyen kiinne ogo, “Batta aŋan wäyo, yaanni ken a kaygon yeeni, ïntü bïrrä ḍoocci wiñe ti.”