Matthew 7:6 - ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᐁᑳᐐ ᒥᔮᐦᑯᒡ ᐊᑎᒧᒡ ᒉᒀᔫ ᐁ ᒋᔅᑌᔨᐦᑖᑯᓂᔨᒡ᙮ ᑲᔦ ᐁᑳᐐ ᐃᔑᐌᐱᓇᒧᐙᐦᑯᒡ ᑰᐦᑰᔕᒡ ᐁ ᔔᓕᔮᐅᓂᔨᒀᐤᐦ ᐗᐌᔑᐦᐅᓐᐦ ᐌᔥ ᒥᒄ ᑲᑕ ᑖᐦᑕᐦᑯᔥᑳᑕᒧᒡ ᑲᔦ ᒋᑲ ᐋᐸᒨᔥᑖᑯᐙᐅᒡ ᒉᒌ ᐅᔑᑯᐦᐄᑖᑯᒡ᙮

Chishemanituu Utayimuwin: Kaa Uskaach Testament

⁶ “Ekaawii miyaahkuch atimuch chekwaayuu e chisteyihtaakuniyich. Kaye ekaawii ishiwepinamuwaahkuch kuuhkuushach e shuuliyaauniyikwaauh waweshihunh wesh mikw kata taahtahkushkaatamuch kaye chika aapamuushtaakuwaauch chechii ushikuhiitaakuch.”

Matthew 7:6 Iomraidhean Croise

Matthew 15:26

ᐁᒄ ᒌᓴᔅ ᑳ ᐃᑖᑦ ᐊᓂᔫ ᐃᔅᑴᐤ, ᓇᒧᐃ ᑯᐃᔅᒄ ᐃᔑᓈᑯᓐ ᐊᑎᒧᒡ ᒉᒌ ᐃᔑᐌᐱᓇᒧᐙᑲᓅᑣᐤ ᐊᐙᔕ ᐅᒦᒋᒥᔫ᙮

Matthew 24:10

ᒥᐦᒉᑐ ᒫᒃ ᒋᑲ ᐴᓂᔫᒡ ᐁ ᑖᐺᔨᒥᑣᐤ ᑲᔦ ᒋᑲ ᒪᒥᔑᒥᑑᒡ ᑲᔦ ᒋᑲ ᐅᐦᑳᑎᑑᒡ᙮

Matthew 7:5

ᒋᔭ ᑳ ᐊᔨᒥᐦᐁᐦᑳᓱᔨᓐ, ᓃᔥᑕᒻ ᐐᐦᑯᒋᐦᑖᐦ ᐊᓐ ᒥᔅᑎᒄ ᑳ ᒥᐦᒑᔅᑯᐦᒡ ᒋᔅᒌᓯᑯᐦᒡ ᑳ ᐃᐦᑕᑯᐦᒡ ᐁᒄ ᒫᒃ ᒉ ᒥᔪ ᐙᐸᐦᑕᒪᓐ ᒉᒌ ᐐᐦᑯᒋᐦᑖᐗᑦ ᐊᓂᔫ ᒌᒋᔖᓐ ᐅᐱᔑᓅᓐ᙮

2 Corinthians 11:26

ᒥᐦᒉᑣᐤ ᓂᒌ ᐸᐹᒥᐸᔨᓐ ᐁ ᐙᐐᐦᑕᒫᓐ ᒥᔻᒋᒧᐎᓐ᙮ ᐆ ᒫᒃ ᑳ ᐃᔑ ᐸᐹᒥᐸᔮᓐ ᒥᐦᒉᑣᐤ ᒌ ᑯᔥᑖᑎᑯᓐ ᓰᐲᐦᒡ ᐁ ᐃᐦᑖᔮᓐ᙮ ᒥᐦᒉᑣᐤ ᒌ ᑯᔥᐸᓈᑌᔨᐦᑖᑯᓐ ᒋᒧᑎᔅᑲᒡ ᒉᒌ ᑯᓰᐦᑰᑣᐤ᙮ ᒥᐦᒉᑣᐤ ᓂᒌ ᐋᔨᒥᐦᐄᑯᒡ ᒎᐗ ᑳ ᐃᑎᔅᑳᓀᓯᑣᐤ ᓂᑏᓃᒪᒡ ᑲᔦ ᐊᓂᒌ ᐁᑳ ᒎᐗ ᑳ ᐃᑎᔅᑳᓀᓯᑣᐤ᙮ ᐅᑌᓈᐦᒡ ᓂᒌ ᐐᓯᒉᔨᐦᑕᒻᐦᐄᑰᓐ ᑲᔦ ᐊᓂᑌ ᐸᒀᑎᔅᑲᒥᑳᐦᒡ ᓂᒌ ᐋᔨᒥᐦᐅᓐ᙮ ᒋᐦᒋᑲᒦᐦᒡ ᑲᔦ ᓂᒌ ᐋᔨᒥᐦᐅᓐ᙮ ᑲᔦ ᒫᒃ ᐊᓂᒌ ᓃᒋᔖᓂᒡ ᑳ ᐃᑌᔨᒪᒀᐤ ᐁᑳ ᒫᒃ ᑖᐺ ᑳ ᐐᒋᔖᓇᐙᐹᓀ ᓂᒌ ᐋᔨᒥᐦᐄᑯᒡ᙮

Philippians 3:2

ᔭᒀᒦᔥᑐᐙᐦᑯᒡ ᐊᓂᒌ ᑳ ᐎᔦᔕᐦᐄᐌᑣᐤ, ᓂᑕᒧᒄ ᑳ ᐃᐦᑎᑣᐤ᙮ ᐊᓂᒌ ᑳ ᐃᑗᑣᐤ ᐹᑎᔥ ᒋᔅᒋᓄᐙᒋᔣᑲᓄᔨᒉᓐ ᐊᐌᔫ ᔮᒄ ᒉᒌ ᐅᑏᓃᒥᑐᑖᑯᔨᒡ ᒋᔐᒪᓂᑑ᙮

Hebrews 10:29

ᐁᑎᑑ ᒫᒃ ᒋᑲ ᐃᑌᔨᐦᑖᑯᓂᔫ ᐊᓐ ᐊᐌᓐ ᔮᐸᒡ ᑳ ᒪᒋᑑᑕᐦᒃ ᐋᑦ ᐁ ᒋᔅᒉᔨᐦᑕᐦᒃ ᐁᑳ ᑯᐃᔅᒄ ᐃᐦᑎᑦ᙮ ᐅᔫ ᐁ ᐃᐦᑎᑦ ᒫᔦᔨᒣᐤ ᒋᔐᒪᓂᑑ ᐅᑯᓯᔫ᙮ ᒫᔦᔨᐦᑕᒧᐌᐤ ᐅᒥᐦᑯᔫ ᑳ ᓰᑲᓂᑳᑌᔨᒡ ᐋᔑᑌᔮᐦᑎᑯᐦᒡ ᑳ ᓂᐸᐦᐋᑲᓄᔨᒡ᙮ ᒫᔦᔨᐦᑕᒻ ᐊᓂᔫ ᑳ ᐅᔥᑳᔨᒡ ᓂᔅᑯᒧᐎᓂᔫ ᐊᓂᔫ ᒋᔐᒪᓂᑑ ᑳ ᐅᔑᐦᑕᒧᐙᔨᒡ ᐅᑏᓃᒥᔫ᙮ ᐊᓐ ᐊᐌᓐ ᐅᔫ ᑳ ᐃᐦᑎᑦ ᒫᔦᔨᒣᐤ ᑲᔦ ᑳ ᐸᔦᐦᑎᓯᔨᒡ ᐊᐦᒑᐦᑾ ᐊᓐ ᑳ ᒋᔅᒉᔨᐦᑕᒥᐦᐄᑕᐦᒄ ᒋᔐᒪᓂᑑ ᐅᔕᐌᔨᐦᒋᒉᐎᓂᔫ᙮ ᐆ ᐊᐌᓐ ᐃᔑᓈᑯᓂᔫ ᑖᐺ ᒉᒌ ᐗᐌᔑᐦᐋᑲᓅᑯᐸᓀ᙮

Hebrews 6:6

ᒉ ᒌᐌᑳᐴᔥᑕᒧᐙᑴᓂᒡ ᒫᒃ ᐅᒌ ᐄᓅᒡ ᒥᓯᐌ ᑳ ᐃᔑ ᒋᔅᒉᔨᐦᑕᒥᐦᐋᑲᓅᑣᐤ ᒋᐹ ᐃᔑ ᑖᐺᐦᑕᒧᒡ ᓇᒧᐃ ᒦᓐ ᒋᑲᒌ ᐃᐦᑑᑕᐙᑲᓅᒡ ᒉᒌ ᒥᐦᒌᐌᔨᐦᑕᐦᒀᐤ ᐅᒪᒋᐦᑣᐎᓇᐙᐤ᙮ ᐋᑐᐌᔨᒣᐅᒡ ᒋᔐᒪᓂᑑ ᐅᑯᓯᔫ᙮ ᑲᓇᐙᒡ ᒧᔐ ᒫᔦᔨᒣᐅᒡ ᒌᓴᔅ ᐁᒄ ᒫᒃ ᒧᔮᒻ ᒦᓐ ᐁ ᒌᔅᑖᔅᑯᐦᐙᑣᐤ ᐋᔑᑌᔮᐦᑎᑯᐦᒡ ᐃᔑᓈᑯᓂᔫ ᐊᓂᔫ ᐁ ᐃᑖᑎᓰᑣᐤ᙮

2 Peter 2:22

ᐊᓂᔫ ᒫᒃ ᑳ ᐃᔅᐸᔨᑣᐤ ᐁᐅᒄ ᐅᔫ ᑳ ᒌ ᐄᓈᓄᔨᒡ: ᐊᑎᒻ ᑳᐤ ᓈᑕᒻ ᐅᐹᑯᒧᐎᓐ ᐁᒄ ᒫᒃ ᑰᐦᑰᔥ ᐁ ᒌ ᒋᔅᑖᐸᐅᔮᑲᓅᑦ, ᒦᓐ ᑎᐦᑎᐱᔑᒨ ᐊᓂᑌ ᐁ ᐄᐸᑕᓂᔨᒡ᙮

Revelation 22:15

ᐊᓂᒌ ᒫᒃ ᑳ ᐐᓂᓲ ᐱᒫᑎᓰᑣᐤ, ᐊᓂᒌ ᑳ ᒪᑌᐅᑣᐤ, ᐊᓂᒌ ᐐᓂᓱᐎᓂᐦᒡ ᑳ ᐃᔑ ᐱᒦᐦᑲᐙᑣᐤ ᐊᐌᔫᐦ, ᐊᓂᒌ ᑳ ᓂᐸᐦᐄᐌᑣᐤ ᐁᒄ ᒫᒃ ᐊᓂᒌ ᑳ ᓅᒌᔥᑐᐙᑣᐤ ᒪᓂᑑᐦᑳᓐᐦ, ᑲᔦ ᐊᓂᒌ ᑳ ᐐᐦᒡ ᓇᓇᑕᐃᑣᐤ ᓇᒧᐃ ᑲᑕ ᒌ ᐲᐦᒉᐅᒡ ᐊᓂᔫᐦ ᐃᐦᑖᐎᓂᔫ᙮