Matthew 4:9 - ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁹ ᐁᒄ ᑳ ᐃᑖᑦ, ᒥᓯᐌ ᒋᑲ ᒦᑎᓐ ᐆ ᐯᒋ ᓃᐱᔅᑰᐱᔨᓀ ᐁ ᐃᐦᑖᔮᓐ ᐁ ᓅᒌᔥᑐᐎᔨᓐ᙮

Chishemanituu Utayimuwin: Kaa Uskaach Testament

⁹ Ekw kaa itaat, “Misiwe chika miitin uu pechi niipiskuupiyine e ihtaayaan e nuuchiishtuwiyin.”

Matthew 4:9 Iomraidhean Croise

Matthew 26:15

ᐁᒄ ᑳ ᐃᑖᑦ, ᒉᒀᓐ ᒉ ᒥᔦᒄ ᐐᒋᐦᐄᑕᑯᒉ ᒉᒌ ᒫᑯᓀᒄ ᒌᓴᔅ᙮ ᓂᔥᑐᒥᑕᓅ ᒫᒃ ᔔᓕᔮᐙᐱᔅᑾ ᒌ ᐙᐸᐦᑏᑰ ᐁᒄ ᑳ ᐃᑎᑯᑦ, ᒫᐤ ᔔᓕᔮᐤ ᒉ ᒦᑖᐦᒡ᙮

Matthew 4:10

ᒥᒄ ᒫᒃ ᒌᓴᔅ ᒌ ᓂᔥᑴᐅᔑᐦᐁᐤ ᐁ ᐃᑖᑦ, ᒋᔭ ᒪᒋᒪᓂᑑ, ᒫᒌᐦ ᐄᒉᔅ ᓀᑌ᙮ ᐃᑕᔥᑌᐤ ᒋᔐᒪᓂᑑ ᐅᑕᔨᒧᐎᓂᐦᒡ, ᒥᒄ ᐅᑎᐯᔨᐦᒋᑫᐤ ᒋᒋᔐᒪᓂᑑᒥᐙᐤ ᓅᒌᔥᑐᐙᐦᒄ ᑲᔦ ᒥᒄ ᐎᔭ ᐊᑐᔥᑯᐙᐦᒄ᙮

John 12:31

ᐊᓄᐦᒌᔥ ᐅᑎᐦᒋᐸᔫ ᒉᒌ ᐎᔮᔅᑯᓈᑲᓅᑣᐤ ᐊᐌᓂᒡ ᐅᑕᐦ ᐊᔅᒌᐦᒡ ᑳ ᐃᐦᑖᑣᐤ ᑲᔦ ᐊᓄᐦᒌᔥ ᐁᒄ ᐌᑎᐦᒋᐸᔨᔨᒡ ᒉᒌ ᐃᔥᐱᔑᐦᐋᑲᓅᑦ ᒪᒋᒪᓂᑑ, ᐊᓐ ᑳ ᑎᐯᔨᐦᒉᑦ ᐅᑕᐦ ᐊᔅᒌᐦᒡ᙮

John 13:3

ᒌᓴᔅ ᒌ ᒋᔅᒉᔨᐦᑕᒻ ᐅᐦᑖᐐᒫᐤ ᐁ ᒌ ᒦᑯᑦ ᓲᐦᑳᑎᓰᐎᓂᔫ ᒥᓯᐌ ᒉᒀᔫ ᒉᒌ ᐃᐦᑑᑕᐦᒃ, ᑲᔦ ᒌ ᒋᔅᒉᔨᐦᑕᒻ ᒋᔐᒪᓂᑑ ᐁ ᐃᐦᑖᔨᒡ ᐁ ᐅᐦᒌᑦ ᑲᔦ ᒦᓐ ᑳᐤ ᐊᓂᑌ ᒋᔐᒪᓂᑑ ᐁ ᐃᐦᑖᔨᒡ ᒉ ᐃᑐᐦᑌᑦ᙮

John 14:30

ᓇᒧᐃ ᔖᔥ ᓈᔥᒡ ᒋᓀᐅᔥ ᒋᑲ ᒌ ᐊᔨᒥᐦᐄᑎᓈᐙᐤ, ᐌᔥ ᒪᒋᒪᓂᑑ, ᐊᓐ ᑳ ᑎᐯᔨᐦᒋᑫᑦ ᐅᑕᐦ ᐊᔅᒌᐦᒡ ᔖᔥ ᐯᒋ ᑕᑯᔑᓅ᙮ ᒥᒄ ᒫᒃ ᓇᒧᐃ ᒥᑐᓐ ᓂᑲ ᒌ ᐅᒋᒫᐦᑲᐦᑖᒄ᙮

John 16:11

ᐗᓂᐸᔫᒡ ᑖᓐ ᐁ ᐃᔑ ᑲᓇᐙᐸᐦᑕᐦᒀᐤ ᒋᔐᒪᓂᑑ ᐅᐎᔮᔅᑯᓂᒉᐎᓂᔫ ᐌᔥ ᒪᒋᒪᓂᑑ ᔖᔥ ᒌ ᐎᔮᔅᑯᓂᑰ ᒋᔐᒪᓂᑑᐦ᙮

2 Corinthians 4:4

ᓇᒧᐃ ᑖᐺᐦᑕᒧᒡ ᐌᔥ ᐃᐦᑖᔫᐦ ᐊᓂᔫᐦ ᑳ ᒪᒋᒪᓂᑐᔨᒡ ᑳ ᐅᒋᒫᐦᑲᐦᑕᒥᔨᒡ ᐅᔫ ᐊᔅᒌᔫ᙮ ᐁᐅᑯᓐᐦ ᒫᒃ ᐊᓂᔫᐦ ᐁ ᐃᐦᑑᑖᑯᑣᐤ ᐁᑳ ᒉᒌ ᐙᐸᐦᑕᐦᒀᐤ ᐊᓂᔫ ᐙᔥᑌᐎᓂᔫ ᐊᓂᑦ ᒉᒌ ᐅᐦᒋ ᐱᒫᒋᐦᐅᑣᐤ᙮ ᓇᒧᐃ ᒌ ᓂᓯᑐᐦᑕᒧᒡ ᐊᓂᔫ ᒥᔻᒋᒧᐎᓂᔫ ᐊᑎ ᐌᐦᒋ ᐙᐸᐦᑏᑯᔨᐦᒄ ᒌᓴᔅ ᙭ ᐅᒋᔅᑌᔨᐦᑖᑯᓱᐎᓐ᙮ ᐌᔥ ᒬᐦᒡ ᐁ ᐃᔑ ᒋᔅᑌᔨᐦᑖᑯᓯᑦ ᒋᔐᒪᓂᑑ ᐁᑯᓐ ᒬᐦᒡ ᐁ ᐃᔑ ᒋᔅᑌᔨᐦᑖᑯᓯᑦ ᒌᓴᔅ᙮

1 Timothy 3:6

ᑲᔦ ᒫᒃ ᓇᒧᐃ ᐊᐌᓐ ᐊᓄᐦᒌᔥ ᐁ ᒌ ᐱᒫᒋᐦᐅᑦ ᒋᐹ ᐅᐦᒋ ᓃᑳᓂᔥᑯᐌᐤ ᒋᔐᒪᓂᑑ ᐅᑏᓂᒥᔫᐦ ᐌᔥ ᒋᑳ ᒌ ᐃᔑᓈᑯᓲ ᓈᔥᒡ ᒋᐦᒋᐌ ᒉᒌ ᐃᑌᔨᒥᓱᑦ, ᒋᑲ ᒌ ᐸᐦᒋᔑᓐ ᒫᒃ ᒉᒌ ᐃᔑ ᓂᔔᓈᒋᒫᑲᓅᑦ ᒬᐦᒡ ᒪᒋᒪᓂᑑᐦ ᒉ ᐃᔑ ᓂᔔᓈᒋᒫᑲᓄᔨᒡ᙮

Revelation 19:10

ᓂᒌ ᐅᒋᐦᒌᐦᑯᓂᐸᔨᔅᑣᐤ ᒫᒃ ᒉᒌ ᓅᒌᔥᑑᒃ ᐆ ᐁᓐᒋᓪ᙮ ᒥᒄ ᒫᒃ ᓂᒌ ᐃᑎᒄ, ᐁᑳ ᐐ ᐊᓐ ᐃᐦᑎᐦ᙮ ᐌᔥ ᑲᔦ ᓂᔭ ᓂᑕᑐᔥᑯᐙᐤ ᒋᔐᒪᓂᑑ ᒧᔮᒻ ᒌ ᐁᒄ ᒫᒃ ᒌᒋᔖᓂᒡ ᐁ ᐃᐦᑎᔦᒄ, ᒥᓯᐌ ᐊᓂᒌ ᑯᐃᔅᒄ ᑳ ᐃᔑ ᐙᐐᐦᑕᐦᒀᐤ ᐊᓂᔫ ᑖᐺᐎᓂᔫ ᒌᓴᔅ ᑳ ᐙᐸᐦᑏᐌᔨᒡ᙮ ᒋᔐᒪᓂᑑ ᐁᐅᒄ ᓅᒌᔥᑑ᙮ ᐁᑯᓐ ᑳ ᐄᔑᑦ ᐊᓐ ᐁᓐᒋᓪ᙮ ᐌᔥ ᐊᓂᔫ ᑖᐺᐎᓂᔫ ᒌᓴᔅ ᑳ ᐯᒋ ᐙᐸᐦᑏᐌᑦ ᐁᐅᒄ ᐊᓂᔫ ᑳ ᓲᐦᒉᔨᐦᑖᑯᐦᐄᑯᑣᐤ ᐊᓂᒌ ᐅᒋᔅᒋᐌᐦᐄᒉᓲᒡ ᑖᓐ ᑳ ᐃᔑ ᐊᔨᒥᑣᐤ᙮

Revelation 19:16

ᐅᑕᑯᐦᐱᐦᒡ ᐁᒄ ᒫᒃ ᐅᑆᒥᐦᒡ ᒪᓯᓈᑌᔫ ᐃᔑᓂᐦᑳᓱᐎᓂᔫ᙮ ᐃᑕᔥᑌᔫ ᒸᐅᒡ ᐁ ᒋᔅᑌᔨᐦᑖᑯᓯᑦ ᐁ ᑕᔑᔨᒡ ᒥᓯᐌ ᐅᑎᐯᔨᐦᒋᑫᐤᐦ ᑲᔦ ᐎᔭ ᒫᐅᒡ ᓲᐦᒉᔨᐦᑖᑯᓲ ᐁ ᑕᔑᔨᒡ ᒥᓯᐌ ᒋᔐᐅᒋᒫᐤᐦ᙮